Zakariya 8:3 - BIBELE Mahungu Lamanene

³ HOSI Xikwembu xi ri: “Ndzi ta vuyela eSiyoni, ndzi ta tlhela ndzi tshama emutini wa Yerusalema. Muti wa Yerusalema wu ta thyiwa vito ra ‘Mutshembeki’; ntshava ya HOSI ya matimba hinkwawo yi ta vuriwa ‘Muhlawuleki’.”

Xitsonga (Bibele)

³ Yehovha u ri: Ndzi tlhelela eSiyoni, ndzi ta aka exikarhi ka Yerusalema; Yerusalema, u ta vuriwa muti wa vunene, ntshava ya Yehovha wa tinyimpi yi vuriwa ntshava leyi nga hlawuleka!

Zakariya 8:3 Referans Kwoze

Zakariya 1:16

Kutani marito ya mina HOSI hi lawa: Muti wa Yerusalema, ndzi ta tlhela ndzi wu tsetselela, kutani yindlu ya mina yi ta akiwa eka wona. Ndzi vurisa sweswo, mina HOSI ya matimba hinkwawo: Ngoti ya ku pima ha yona yi ta vambiwa ehenhla ka Yerusalema.

Nhlavutelo 21:3

Ndzi twa ni rito lerikulu leri humaka exiluvelweni ri ku: “Vonani, vuako bya Xikwembu byi le vanhwini. Xi ta aka na vona, kutani va ta va vanhu va xona; Xikwembu hi xoxe xi ta va na vona, xi va Xikwembu xa vona.

Vakolosa 2:9

Hikuva vukwembu hinkwabyo byi akile hi ku tala eka yena, emirini wa yena,

2 Vakorinto 6:16

Tempele ya Xikwembu yi ni vunakulobye byihi ni swikwembu swa hava ke? Hikuva tempele ya Xikwembu lexi hanyaka hi hina, kukotisa leswi Xikwembu xi nga te: “Ndzi ta aka na vona, ndzi famba-famba exikarhi ka vona, ndzi ta va Xikwembu xa vona, kutani vona va ta va tiko ra mina.”

Yohane 14:23

Yesu a n'wi hlamula, a ku: “Loko munhu a ndzi rhandza, ú ta hlayisa rito ra mina, kutani Tata wa mina ú ta n'wi rhandza, kutani hi ta ta eka yena, hi tshama na yena.

Yohane 1:14

Rito ri hundzukile munhu la nga aka exikarhi ka hina; kutani hi hlalele ku kwetsima ka yena loku nga tala tintswalo ni ntiyiso, ku nga ku kwetsima loku fanelaka n'wana loyi a nga yexe eka tata wa yena.

Yuwele 3:17

“Hikokwalaho, mi ta swi tiva leswaku mina HOSI, ndzi Xikwembu xa n'wina, ndzi tshama entshaveni ya mina leyo hlawuleka ya Siyoni. Muti wa Yerusalema wu ta va lowu hlawulekeke, kutani vanhu vambe va nga ka va nga ha tsemakanyi hi le xikarhi ka wona, ni siku ni rin'we.

Yeremiya 33:16

Enkarhini wa kona, va ka Yuda va ta ponisiwa, na wona muti wa Yerusalema wu ta tshama wu hlayisekile, wu ta hamba wu vuriwa ‘HOSI-mulweri-wa-hina’!”

Yeremiya 31:23

HOSI ya matimba hinkwawo Xikwembu xa Israele xi vurisa sweswo xi ri: “Siku ndzi nga ta tlhela ndzi katekisa tiko ra Yuda ni miti ya kona, vaaki va kona va ta tlhela va tirhisa marito lawa ya nge: “ ‘HOSI a yi ku katekise wena muti wa Xikwembu xo lulama, wena ntshava ya Muhlawuleki!’

Esaya 66:20

Varhumiwa lava va ta vuyisa vanhu va ka n'wina hinkwavo lava hangalakeke ematikweni man'wana, leswaku va va nyiko leyi ndzi humeseriwaka yona. Va ta vuyisiwa entshaveni ya mina leyo hlawuleka ya le Yerusalema, va gadile tihanci, ni timeyila, ni tikamela, ni makalichi, van'wana va ta va va tlakuriwile kunene. Va ta tisiwa kukota loko Vaisraele va humesa mapa ya magandzelo, va ma yisa endlwini ya mina va ma cherile eswibyeni leswi baseke.

Esaya 1:26

Ndzi ta tlhela ndzi mi nyika vaavanyisi vo fana ni lava khale, ni vatsundzuxi vo fana ni lavo sungula, kutani mi ta vuriwa muti lowo lulama, lowu tshembekeke.”

Nhlavutelo 21:27

Kambe a ku nga ngheni xilo ni xin'we xa thyaka kona, hambi a ri loyi a hanyaka hi swa manyala kumbe vunwa; ku ta nghena ntsena lava mavito ya vona ma tsariweke ebukwini ya vutomi ya Xinyimpfana.

Nhlavutelo 21:10

Moya wu ndzi tela, kutani ntsumi yi ndzi yisa entshaveni leyikulu leyo tlakuka; yi ndzi komba muti lowo hlawuleka wa Yerusalema, wu ri karhi wu xika hi le tilweni wu huma eka Xikwembu,

Yuwele 3:21

Ngati ya vona, ndzi ta yi rihisela; lava nga ni nandzu, a ndzi nga va tshiki ntsena. Mina HOSI, ndzi tshama eSiyoni!”

Ezekiele 48:35

Rirhangu hinkwaro leri rhendzelaka muti matlhelo ya mune, ri ta va ri lehile 9 000 m. Eminkarhini leyi taka, muti wa Yerusalema wu ta thyiwa vito lerintshwa ra “Vukona-bya-HOSI-Xikwembu”!

Esaya 65:25

Hlolwa ni xinyimpfana swi ta dya swin'we, nghala yi ta dya byanyi ku fana ni homu, swakudya swa nyoka ku ta va ritshuri. Hinkwako entshaveni ya mina leyo hlawuleka, a ku nga vi na ku vavisana kumbe ku dlayana. Ndzi vula sweswo, mina HOSI.”

Esaya 60:14

Vana va lava va ku xaniseke va ta ta eka wena va ri karhi va tilondla-londla, hambi va ri vanhu hinkwavo lava a va ku langutela hansi, va ta ku nkhinsamela. Va ta ku vula ‘Muti wa HOSI Xikwembu, Siyoni, muti wa Muhlawuleki wa Israele’.

Esaya 12:6

Banani minkulungwana, mi tsaka, n'wina vaaki va Siyoni, hikuva Xikwembu lexikulu, xona Muhlawuleki wa Israele, xi tshama exikarhi ka n'wina.”

Esaya 11:9

Hinkwako entshaveni leyo hlawuleka ya HOSI Xikwembu, a ku nga vi na ku vavisana kumbe ku dlayana, hikuva vanhu lava tivaka HOSI Xikwembu va ta va va tatile tiko, ku fana ni mati lama funengetaka hinkwako elwandle.

Esaya 1:21

Muti wo tshembeka, wo lulama ngopfu, sweswi wu hundzuke nghwavava! Muti lowu a wu tshama lavo lulama sweswi i kaya ra vadlayi!

Pisalema 48:1

HOSI Xikwembu xa hina i Xikwembu lexikulukumba, xi dzuneka ngopfu emutini lowu wu nga wa xona, entshaveni ya xona leyo hlawuleka;

Esaya 8:18

Exikarhi ka Vaisraele, mina ni vana va mina hi swikombiso swa leswi swi nga ta humelela; hi rhumiwile hi HOSI ya matimba hinkwawo leyi tshamaka entshaveni ya Siyoni.

Esaya 32:16

Hikokwalaho mananga ma ta hundzuka kaya ra leswo lulama, emasin'wini ya misava leyo nona ku ta kumeka leswo lulama ntsena.

Yeremiya 26:18

“Loko hosi Hezekiya a ha fuma etikweni leri ra Yuda, a ku ri ni muprofeta Mikiya wa le Morexeta; hina hinkwerhu va ka Yuda hi n'wi twile loko a hi tivisa marito ya HOSI ya matimba hinkwawo, lawa ya nge: “ ‘Muti wa Siyoni wu ta rimiwa kukota nsimu, Yerusalema ú ta hundzuka rhumbi; exintshabyanini xa Tempele, ku ta va swihlahla ntsena.’

Daniele 9:16

Wena N'wini wa hina, u hi lwerile minkarhi leyo tala. Namuntlha, hi kombela leswaku u rheleta vukari bya wena, u tshika ku hlundzukela muti wa Yerusalema entshaveni ya wena leyo hlawuleka, hikuva matiko hinkwawo lawa ya hi rhendzeleke, ma hlekule muti lowu ma monya na hina vanhu va wena, hi mhaka ya leswi hi ku dyoheleke, hina ni vatata wa hina.

Mikiya 4:1

Eminkarhini leyi taka, xintshabyana lexi yindlu ya HOSI yi akiweke eka xona, xi ta tlakuka xi hundza swintshabyana hinkwaswo; xi ta leha xi tlula ni tintshava; vanhu va ta khitikana va ya eka xona.

Sofoniya 3:13

Lava poneke exikarhi ka Vaisraele, va ta chava ku endla leswo homboloka, ni ku hemba, a va nga ha hembi. Marito ya vuxisi a ma nga ha humi emilon'weni ya vona. Va ta dya va xurha, va wisa, va nga ha chavisiwi hi munhu.”

Zakariya 8:16

Leswi mi fanelaka ku endla swona hi leswi: Vulavulani ntiyiso mi nga hembelani. Etihubyeni ta n'wina, avanyisani timhaka hi ku lulama, mi tisa ku rhula evanhwini.

Zakariya 8:19

“Mina HOSI ya matimba hinkwawo, ndzi byela n'wina va le Yuda, ndzi ri: Masiku ya n'wina ya ku titsona swakudya, hi n'hweti ya vumune ni ya vuntlhanu ni ya vu-7 ni ya vukhume, ma ta hundzuka masiku ya ku tsaka ni ku cina, eminkhubyeni leyo saseka; hikokwalaho rhandzani ntiyiso ni ku rhula.”

Zakariya 12:6

“Hi siku rero, varhangeri va ka Yuda ndzi ta va endla ndzilo lowu pfurhaka exihlahleni; va ta fana ni langavi leri vuvumelaka etinhlangeni, kutani va ta herisa tinxaka hinkwato leti ti va rhendzeleke hi matlhelo hinkwawo. Kambe loko wu ri muti wa Yerusalema, wona wu ta tshama wu hlayisekile kwala wu nga kona.”

Eksoda 29:45

Ndzi ta tshama exikarhi ka Vaisraele, kutani eka vona, ndzi ta va Xikwembu.

Pisalema 2:6

“Ndzi vekile hosi leyi ndzi yi tsakelaka emutini wa Siyoni, entshaveni ya mina leyo hlawuleka.”

Yeremiya 14:9

Hikwalaho ka yini u tiendla munhu wo tsemeka mavoko, kumbe nhenha leyi heleke matimba xana? Hakunene we HOSI, u kona exikarhi ka hina; hi vuriwa vanhu va wena; u nga hi tshiki!”

Zakariya 14:10

Tiko hinkwaro ri ta hundzuka rivala, ku sukela eGeba ku ya fika eRimoni, hi tlhelo ra dzonga ku langutana na Yerusalema. Kambe muti wa Yerusalema wona wu ta sala endhawini ya wona leyi tlakukeke, ku sukela eka Nyangwa ya Benjamini ku ya fika eka Nyangwa ya Khale, ni ka Nyangwa ya Yinhla; muti wu ta tlhela wu sukela eka Xihondzo xa Hananiele, wu ya fika laha ku pyanyeriwaka kona mihandzu ya vhinya ya tihosi.