Zakariya 8:16 - BIBELE Mahungu Lamanene

¹⁶ Leswi mi fanelaka ku endla swona hi leswi: Vulavulani ntiyiso mi nga hembelani. Etihubyeni ta n'wina, avanyisani timhaka hi ku lulama, mi tisa ku rhula evanhwini.

Xitsonga (Bibele)

¹⁶ Kambe leswi mi faneleke ku swi endla hi leswi: Un'wana ni un'wana a vula leswi tiyeke eka warikwavo; avanyisani swinene hi ku rhula etihubyeni ta n'wina;

Zakariya 8:16 Referans Kwoze

Vaefesa 4:25

Hikokwalaho ke, tshikani vunwa; un'wana ni un'wana a a vule ntiyiso eka munhu-kulobye, hikuva hinkwerhu hi swirho swa miri wun'we.

Zakariya 7:9

ku ya tivisa vanhu marito lama nge: “Loko mi avanyisa, avanyisani hi ntiyiso, kombisanani tintswalo ni rirhandzu;

Pisalema 15:2

I munhu wa mahanyelo layo tenga loyi a endlaka leswi lulameke, la vulaka leswi tiyeke hilaha swi nga hakona embilwini ya yena.

Zakariya 8:19

“Mina HOSI ya matimba hinkwawo, ndzi byela n'wina va le Yuda, ndzi ri: Masiku ya n'wina ya ku titsona swakudya, hi n'hweti ya vumune ni ya vuntlhanu ni ya vu-7 ni ya vukhume, ma ta hundzuka masiku ya ku tsaka ni ku cina, eminkhubyeni leyo saseka; hikokwalaho rhandzani ntiyiso ni ku rhula.”

Esaya 9:7

Ku ndlandlamuka ka mfumo wa yena, ni ku rhula loku nga ta va kona etikweni, a swi nga vi na makumu; ú ta tshama exiluvelweni xa Davhida, a fuma tiko ra yena, a ri hlayisa ni ku ri lwela, a avanyisa timhaka hi ku lulama; ú ta sungula sweswi, a fuma hilaha ku nga heriki. Hinkwaswo leswi, HOSI Xikwembu xi tiyimiserile ku swi endla.

Swivuriso 12:19

Marito ya ntiyiso ma tshama hilaha ku nga heriki, kambe mavunwa a ma tlhaveli hi sana.

Swivuriso 12:17

Loyi a vulavulaka ntiyiso, ú nyika vumbhoni lebyinene, kasi loyi a vulavulaka mavunwa, ú tele vukanganyisi.

Nhlavutelo 21:8

Kambe loko ma ri matoya, ni lava alaka ku pfumela, ni lava endlaka swa manyala, ni vadlayi, ni vaoswi, ni vangoma, ni lava gandzelaka swikwembu swa hava, ni vahembi hinkwavo, xa vona ku ta va ku hoxiwa etiveni leri pfurhaka hi ndzilo ni xivavula, ri nga rona rifu ra vumbirhi.

1 Vatesalonika 4:6

Emhakeni leyi, ku nga vi na loyi a dyohelaka makwavo, kumbe ku n'wi dyelela, hikuva Hosi i murihiseli eswilweni leswi hinkwaswo, hilaha hi nga mi byela khale ni ku mi tsundzuxa swinene hakona.

Vaefesa 4:17

Hikokwalaho, ndzi vula leswi ni ku swi tiyisa hi vito ra Hosi, ndzi ri: Mi nga ha hanyi ku fana ni leswi vamatiko va hanyisaka xiswona, hi miehleketo ya vona leyi nga pfuniki nchumu.

Matewu 5:9

Ku katekile lava tisaka ku rhula, hikuva va ta thyiwa vana va Xikwembu.

Mikiya 6:12

Van'wankumi va muti lowu va tele tihanyi, vaaki va wona vo dzumbela ku hembelana ni ku kanganyisana.

Mikiya 6:8

Mikiya a hlamula a ku: “N'wina vanhu, mi byeriwile leswinene leswi HOSI Xikwembu xi lavaka leswaku mi endla swona: I ku endla leswi lulameke, mi tshembeka minkarhi hinkwayo, mi hanya hi ku titsongahata emahlweni ka Xikwembu xa n'wina!”

Amosi 5:24

Ku avanyisa lokunene a ku khuluke ku fana ni mati, ni ku lulama a ku hobomulane kukota nambu lowu nga phyiki.

Amosi 5:15

Vengani leswo biha, mi rhandza leswinene, mi avanyisa hi ku lulama etihubyeni ta n'wina, kutani kumbexana HOSI, Xikwembu xa matimba hinkwawo, xi ta mi tsetselela n'wina masalela ya Yosefa.

Levhitika 19:11

“Mi nga tshuki mi yiva, mi nga kanganyisani, naswona mi nga hembelani.

Yeremiya 22:3

Mina HOSI ndzi ri, avanyisani timhaka hi ku lulama ni ku tshembeka. Lava tekeriweke swilo swa vona, va kutsuleni eka lava va va xanisaka; naswona mi nga tshuki mi karhata kumbe ku tshikelela valuveri, ni vana lava feriweke hi vatswari, ni tinoni; n'wina mi tshamaka exivandleni lexi, mi nga tshuki mi dlaya vanhu lava nga riki na nandzu.

Ezekiele 18:8

Loko a lombisa mali, a nga lavi ntswalo wa yona, a nga bindzuli ha yona. Ú chava ku endla leswo homboloka; timhaka ta vanhu, wa ti tsema hi ku lulama.

Ezekiele 45:9

HOSI N'wini wa hinkwaswo ú vurisa sweswo ú ri: “Mi dyohile ku ringana n'wina tihosi ta Israele! Tshikani ku xanisa vanhu ni ku va tshikelela. Endlani leswi lulameke ntsena, mi nga ha tekeli vanhu va mina emasimu ya vona.

Sofoniya 3:13

Lava poneke exikarhi ka Vaisraele, va ta chava ku endla leswo homboloka, ni ku hemba, a va nga ha hembi. Marito ya vuxisi a ma nga ha humi emilon'weni ya vona. Va ta dya va xurha, va wisa, va nga ha chavisiwi hi munhu.”

Zakariya 8:3

HOSI Xikwembu xi ri: “Ndzi ta vuyela eSiyoni, ndzi ta tlhela ndzi tshama emutini wa Yerusalema. Muti wa Yerusalema wu ta thyiwa vito ra ‘Mutshembeki’; ntshava ya HOSI ya matimba hinkwawo yi ta vuriwa ‘Muhlawuleki’.”

Pisalema 34:15

hikuva HOSI Xikwembu xi hlayisa lavo lulama; loko va ya rila eka xona, xa va yingisa,