Zakariya 8:13 - BIBELE Mahungu Lamanene

¹³ N'wina va le Yuda na n'wina Vaisraele, mi vile lava rhuketeriweke exikarhi ka vamatiko, kambe sweswi ndzi ta mi ponisa mi hundzuka nkateko ematikweni; hikokwalaho mi nga chavi, tirhani mi tiyile!”

Xitsonga (Bibele)

¹³ Kukota leswi ngi mi ri xisandzu ematikweni, n'wina, yindlu ya Yuda, na n'wina, yindlu ya Israele, ndzi ta mi hanyisa sweswi, mi va ku kateka. Mi nga chaveni, mavoko ya n'wina a ma tiye!”

Zakariya 8:13 Referans Kwoze

Zakariya 8:9

HOSI ya matimba hinkwawo yi vurisa sweswo yi ri: “Tirhani mi tiyile, hikuva namuntlha mi twa marito lama vuriwaka hi vaprofeta, loko yindlu ya HOSI Xikwembu xa matimba hinkwawo yi ri karhi yi akiwa hi vuntshwa emasungulweni ya yona.

Sofoniya 3:20

Enkarhini wolowo, ndzi ta mi hlengeleta, ndzi mi tlherisela ekaya; ndzi ta endla leswaku vanhu va misava hinkwayo va mi kurisa ni ku mi dzunisa, ndzi tlhela ndzi mi katekisa mi ri karhi mi swi vona. Ndzi vurisa sweswo, mina HOSI!”

Pisalema 72:17

Vito ra mufumi wa tiko a ri tiviwe hilaha ku nga heriki, a ri twakale hinkwako ehansi ka dyambu. Vanhu hinkwavo a va navelelane minkateko hi vito rero, matiko hinkwawo ma tlangela yena n'wini wa rona.

1 Vakorinto 16:13

Hitekani, mi tiya swinene eku pfumeleni, mi va vavanuna, mi tinyika matimba.

Ezekiele 5:15

Vanhu lava akelaneke na wena va ta ku hlekula va ku rhuketela, kutani u ta hundzuka xikombiso xo chavisa exikarhi ka vanhu, hikuva va ta vona ndlela leyi ndzi ku avanyisaka ni ku ku ba ha yona, eku hlundzukeni ka mina lokukulu. Ndzi vula sweswo mina HOSI.

Yeremiya 29:18

Ndzi ta va xanisa hi tinyimpi ni tindlala ni mintungu. Ematikweni hinkwawo ya misava, ndzi ta va hundzula xikombiso lexi chavisaka, ndzi va endla ndzhukano ni xihlambanyiso, vahundzi va ndlela va ta hlakahla tinhloko va va monya, hinkwako laha ndzi nga ta va ndzi va hangalasele kona.

Hagayi 2:19

Xana mbewu ya ha ri kona enguleni xana? Xana masimu ya vhinya, ni minkuwa, ni mirhi ya magrenada, ni mitlhwari, swa ha pfumala mihandzu ni sweswi ke? E-e! Ku sukela siku ra namuntlha, ndzi ta mi katekisa.”

Daniele 9:11

Hina hinkwerhu Vaisraele, hi tlurile nawu wa wena hi wu tshika, hi ala ku yingisa rito ra wena. Hikokwalaho leswi hi ku dyoheleke we Xikwembu, hi weriwile hi ndzhukano lowu Muxe nandza wa wena a wu tsaleke eNawini, lowu a wu tiyiseke hi ku hlambanya.

Yeremiya 24:9

Ematikweni hinkwawo ndzi ta va hundzula xikombiso xo biha lexi chavisaka; hinkwako lomu ndzi nga ta va hangalasa va ya kona, ndzi ta va hlekurisa hi vanhu, ndzi va endla xihlambanyiso ni xihlekiso ni ndzhukano.

Genesa 26:4

Ndzi ta ku nyika vatukulu lavo tala ku fana ni tinyeleti, kutani matiko lawa hinkwawo ndzi ta ma nyika vatukulu va wena, naswona vanhu hinkwavo laha misaveni va ta katekisiwa hikwalaho ka vatukulu va wena,

Yeremiya 42:18

Mina HOSI ya matimba hinkwawo, Xikwembu xa Israele, ndzi vurisa sweswo ndzi ri: Loko mo ya etikweni ra Egipta, vukari bya mina ni ku hlundzuka ka mina swi ta mi wela, tani hilaha swi weleke vanhu va Yerusalema. Vanhu va ta mi rhuketela va mi nyenya, va ta mi sandza va mi hlekula, kutani tiko leri ra n'wina, mi nga ka mi nga ha ri voni!’ ”

Pisalema 79:4

Hi hundzukile xihlekiso eka vaakelani va hina, hinkwavo lava va hi rhendzeleke va hi hlekula ni ku hi monya.

Ezekiele 37:11

Kutani Xikwembu xi ku ka mina: “Waswivo we Ezekiele, marhambu lawa ma fananisa tiko hinkwaro ra Vaisraele. Vona va rila va ku: ‘Hi lo oma kukota marhambu, a ha ha tshembi nchumu, hi lovile!’

Pisalema 44:16

hikuva ndzi twa vasandzi va ri karhi va rhuketela emahlweni ka valala ni ka lava tsakelaka ku tirihisela.

Duteronoma 28:37

Loko mi ri exikarhi ka lava HOSI Xikwembu xi nga ta mi yisa eka vona, mi ta nyenyiwa hi vanhu hinkwavo, mi hundzuka xihlambanyiso ni xihlekiso.

Vagalatiya 3:14

Hi swo leswi Kriste a swi endleke, leswaku nkateko lowu Xikwembu xi wu nyikeke Abrahama wu fika eka vamatiko ha Yesu Kriste, ni leswaku, hi ku pfumela, hi amukela nyiko ya Moya leyi hi tshembisiweke yona.

Zakariya 9:13

Ndzi ku kongile kukota vurha, we Yuda, kutani we Efrayimi, u nseve wa kona. Ndzi ta pfuxa tinhenha ta wena we Siyoni, ti ya lwa ni tinhenha ta Vagriki; evokweni ra mina mi ta fana ni fumu ra nghwazi.”

Zakariya 1:19

Hiloko ndzi vutisa ntsumi leyi a yi vulavula na mina, ndzi ku: “Xana swilo leswi swi vula yini xana?” Kutani yona yi ndzi hlamula yi ku: “Timhondzo leti hi tona leti hangalaseke va le Yuda, ni va le Israele, ni vaaki va le Yerusalema.”

Swirilo 4:15

Vanhu a va va tlherisa, va ku: “Sukani! Mi thyakile! Sukani, sukani, mi nga hi khumbi!” Kutani va hundzuke vatsendzeleki ni valuveri; hambi va ri vamatiko a va ku: “Vanhu lava va nga ka va nga ha tshami exikarhi ka hina!”

Yeremiya 44:22

Namuntlha, tiko ra n'wina ri onhiwile, ri hundzukile mananga, ra soriwa, a ra ha ri na munhu! Xivangelo hileswaku HOSI Xikwembu xi karhele hi swiendlo swa n'wina leswo biha ni manyala lawa mi ma endleke.

Yeremiya 44:12

Masalela ya va ka Yuda lava hlawuleke ku ya tshama etikweni ra Egipta, va ta fela kona hinkwavo, va nyamalala. Va ta dlawa hi matlhari ni tindlala, ina va ta dlawa hinkwavo hi matlhari ni tindlala, lavakulu ni lavatsongo. Vanhu va ta va rhuketela va va nyenya; va ta va sandza va va hlekula.

Yeremiya 33:24

“U swi twile leswaku ku ni vanhu lava va ndzi sandzaka va ku: ‘HOSI Xikwembu xi tshikile va ka Yuda ni va ka Levhi, va nga vanhu lava a xi va hlawurile!’ Vasandzi lava va hlekula vanhu va mina, va va langutela hansi.

Yeremiya 26:6

yindlu leyi ndzi ta yi wisa ku fana ni ya le Xilo, na wona muti lowu ndzi ta wu hundzula ndzhukano eka vanhu va matiko hinkwawo.’ ”

Yeremiya 25:18

Ndzi rhanga ndzi nwisa vaaki va Yerusalema ni va miti ya Yuda, ndzi nwisa tihosi ni tindhuna ta vona, leswaku miti ya kona yi hundzuka marhumbi layo chavisa, vahundzi va ndlela va hlakahla tinhloko, va yi monya; ni namuntlha swa ha ri tano.

Mikiya 5:7

Hinkwavo lava nga masalela ya va ka Yakobo, vona lava rhendzeriweke hi vanhu va matiko layo tala, va ta fana ni mberha leyi humaka eka HOSI Xikwembu, kumbe swimpfulana leswi hlukisaka byanyi, swi nga lerisiwanga hi munhu, leswi swi ngo tinela swi nga komberiwanga hi munhu.

Esaya 43:28

Hikokwalaho, ndzi nyamisile varhangeri va le Tempeleni, ndzi nyiketa va ka Yakobo leswaku va heriseriwa makumu, ndzi tshika Vaisraele va rhuketeriwa.”

Ezekiele 34:26

Ndzi ta va tshamisisa, va kuma ni minkateko loko va rhendzela ntshava ya mina; ndzi ta va katekisa hi ku va nisela mpfula hi tinguva ta yona.

Hagayi 2:5

[Xitshembiso lexi ndzi tiboheke ha xona eka n'wina loko mi huma etikweni ra Egipta, xa ha tiyile, naswona] Moya wa mina wu tshama na n'wina: Mi nga chavi nchumu:

Zakariya 8:15

Kambe sweswi ndzi tilulamisele ku tlhela ndzi katekisa muti wa Yerusalema ni tiko ra Yuda; hikokwalaho mi nga tshuki mi chava!

Zakariya 14:11

Vanhu va ta titshamela eYerusalema, va hanya kona hi ku rhula, hikuva muti lowu a wu nga ha herisiwi.

Duteronoma 26:19

kutani xi ta mi kurisa, mi tlula matiko hinkwawo lawa xi ma endleke, hi ku dzuneka ni ku tiveka ni ku twakala; hi ndlela leyi mi ta va vanhu lava HOSI Xikwembu xa n'wina xi nga tihlawulela vona, leswaku mi va va xona hilaha xi tshembiseke hakona.”

Sofoniya 3:16

Esikwini rero, va ta vulavula na Yerusalema, va ku: “We Siyoni, u nga chavi, mavoko ya wena ma nga debyi;