Zakariya 8:12 - BIBELE Mahungu Lamanene

¹² hikuva va ta rima, va byala mbewu hi ku rhula, mirhi ya vhinya yi tswala mihandzu. Misava yi ta humesa ntshovelo, matilo ma nisa mberha, kutani vanhu va mina lava poneke, va ta kuma swilo leswi hinkwaswo, swi va ndzhaka ya vona.

Xitsonga (Bibele)

¹² Ndzi byala ku rhula, murhi wa vhinya wu ta veka mihandzu ya wona, ni misava yi ta veka swakudya swa yona, ni tilo ri nyika mberha ya rona, hinkwaswo sweswo ndzi ta swi nyika masalela ya tiko leri, yi va ndzhaka ya wona.

Zakariya 8:12 Referans Kwoze

Duteronoma 33:13

Hi va ka Yosefa, ú te: “HOSI Xikwembu a xi katekise tiko ra vona, xi va nyika mafurha ya tilo, yi nga mpfula, ni mati lama pfelelaka ma huma ehansi;

Genesa 27:28

Xikwembu a xi ku wisele mberha yi huma ematilweni, xi ku nyika ni misava leyi noneke, ni mavele ni vhinyo leyo tala.

Matewu 6:33

Rhangani mi tilavela Mfumo wa yena ni ku lulama ka yena, kutani sweswo hinkwaswo mi ta engeteleriwa swona.

Zakariya 8:6

HOSI ya matimba hinkwawo yi vurisa sweswo yi ri: “Hambiloko masalela ya vanhu va mina ma ku: ‘Namuntlha, swilo leswi swi nge pfuki swi endlekile!’ mina ndzi ri, swi nga ka swi nga ndzi tsandzi; ndzi vurisa sweswo mina HOSI ya matimba hinkwawo.”

Hagayi 2:19

Xana mbewu ya ha ri kona enguleni xana? Xana masimu ya vhinya, ni minkuwa, ni mirhi ya magrenada, ni mitlhwari, swa ha pfumala mihandzu ni sweswi ke? E-e! Ku sukela siku ra namuntlha, ndzi ta mi katekisa.”

Hagayi 1:10

Hi swona leswi endlaka leswaku tilo ri pfaleka ri khoma mberha, ni misava yi nga humesi nchumu.

Yuwele 2:22

Mi nga chavi n'wina swiharhi, hikuva madyelo enhoveni ma hlukile; mirhi yi tswarile mihandzu, minkuwa ni vhinya swa nemba hi mihandzu.

Yakobo 3:18

Kutani mihandzu ya hanyelo leri lulameke yi huma eka mbewu leyi nga byariwa hi ku rhula, hi vanhu lava tirhaka mintirho ya ku rhula.

1 Vakorinto 3:21

Loko swi ri tano, ku nga vi na loyi a tidzunisaka hi vanhu, hikuva hinkwaswo i swa n'wina;

Hosiya 14:5

Eka vanhu va tiko ra Israele, ndzi ta fana ni mpfula, va ta hluka va fana ni swiluva, va mila timitsu va tiya ku fana ni ntshava ya Lebanoni.

Ezekiele 36:30

Mirhi ya n'wina yi ta veka mihandzu leyo tala, mi pfuna ni mavele, leswaku vamatiko va nga ha mi soli hi ku mi vona mi ri etindlaleni.

Esaya 61:7

Tingana ta n'wina ni ku xanisiwa ka n'wina swi ta hela; mi ta tshama etikweni ra n'wina mi tsakile, kutani rifuwo ra n'wina ri ta tlula lera khale kambirhi; mi ta va ni ntsako lowu nga heriki.

Esaya 30:23

HOSI Xikwembu xi ta nisa mpfula, leswaku yi cheleta timbewu leti mi ti byaleke emasin'wini; leswi mi nga ta tshovela swona emasin'wini, swi ta nandziha swi tlhela swi xurhisa. Eminkarhini yoleyo, swifuwo swa n'wina swi ta kuma madyelo lamakulu.

Genesa 26:12

Kutani Isaka a rima masimu etikweni rero. Hi lembe leri, Isaka a va ni ntshovelo wo tlula ka dzana leswi a swi byaleke. HOSI Xikwembu xi n'wi katekisa,

Ezekiele 36:12

N'wina tintshava, swi tiveni: Ndzi ta pfumela leswaku vanhu va mina va Israele va famba-famba ehenhla ka n'wina; va ta mi fuma mi va tiko ra vona ra xiviri; laha ka n'wina, Vaisraele a va nga ha feriwi hi vana.

Swivuriso 19:12

Loko hosi yi karihile, yi fana ni nghala leyi bongaka, kasi ku tsakeriwa hi yona, swi fana ni mberha ebyanyini.

Pisalema 72:3

Tintshava ni switsunga a swi humesele vanhu endzalo, hikuva ku ni ku lulama etikweni.

Duteronoma 33:28

Hikokwalaho, Vaisraele va tshamile hi ku hlayiseka, vatukulu va Yakobo va tshamisekile, etikweni ra mavele ni vhinya, laha mberha ya le tilweni yi welaka kona.

Duteronoma 32:2

Dyondzo ya mina a yi ne kukota mpfula, marito ya mina a ma we ku fana ni mberha, ma kota swimpfulana leswi cheletaka swimilana, kumbe n'wema lowu hlukisaka rihlaza.

1 TIHOSI 17:1

Eliya wa le Tixibe, un'wana wa vaaki va tiko ra Giliyadi, a ku ka Akabu: “Ndza tiyisa emahlweni ka HOSI Xikwembu xa Israele lexi hanyaka, lexi ndzi xi tirhelaka, ndzi ri: Malembe lawa, mpfula ni mberha swi nga ka swi nga vi kona, loko ndzi nga si vula nchumu.”

Levhitika 26:3

“Hlayisani milawu ya mina, mi yingisa ni swileriso swa mina, mi hanya ha swona.

Pisalema 85:12

HOSI Xikwembu hi xiviri xa xona xi nyika leswinene, kutani misava yi hi humesela mihandzu.

Hosiya 13:3

Hikokwalaho, va ta fana ni hunguva nimixo, kumbe mberha leyi hatlisaka ku dzudzeka; va ta fana ni mungu lowu hahisiwaka hi moya exivuyeni, kumbe musi lowu tuvikaka wu huma endlwini.

Hagayi 2:18

Xiyaxiyani, ku sukela siku ra namuntlha ri nga ra 24 ra n'hweti ya vu-9, ni minkarhi leyi taka. Hi siku leri ra ku pfuxa masungulo ya Tempele ya mina, xiyaxiyani leswi:

Yeremiya 31:12

Va ka Yakobo va ta ta entshaveni ya Siyoni va ri karhi va yimbelela, va ta ba huwa ya ntsako; va ta tlangela vunene bya mina HOSI, hikuva ndzi ta va nyika mavele ni vhinyo ni mafurha, ndzi andzisa swifuwo swa vona leswikulu ni leswitsongo. Va ta hanya va tsakile, va nga ha twi torha, va fana ni ntanga lowu cheletiwaka.

Ezekiele 34:28

Vamatiko a va nga ha phanghi swilo swa vona, ni swiharhi swa nhova a swi nga ha va dlayi; va ta tshamiseka, va nga ha chavisiwi hi nchumu.

Ezekiele 36:9

N'wina tintshava, ndzi na n'wina, ndzi mi languta hi tintswalo, hikokwalaho mi ta tlhela mi rimiwa, ku byariwa mbewu eka n'wina.

Yuwele 2:19

HOSI Xikwembu xi hlamula vanhu va xona, xi ku: “Vonani, ndzi ta mi nyika mavele ni vhinyo ni mafurha, mi ta dya mi xurha. A ndzi nga ha mi vangeli ku sandziwa hi vamatiko.

Sofoniya 3:13

Lava poneke exikarhi ka Vaisraele, va ta chava ku endla leswo homboloka, ni ku hemba, a va nga ha hembi. Marito ya vuxisi a ma nga ha humi emilon'weni ya vona. Va ta dya va xurha, va wisa, va nga ha chavisiwi hi munhu.”

Malakiya 3:11

Ndzi ta sivela tinjiya, leswaku ti nga mi dyeli leswi milaka emasin'wini ya n'wina; ni mirhi ya n'wina ya vhinya a yi nga tshiki ku tswala. Ndzi vula sweswo mina HOSI ya matimba hinkwawo.