Zakariya 8:11 - BIBELE Mahungu Lamanene

¹¹ Kambe sweswi, mina HOSI ya matimba hinkwawo, ndzi vurisa sweswo ndzi ri: Vanhu va mina lava poneke, a ndzi nga ha vi ni tihanyi eka vona ku fana ni khale,

Xitsonga (Bibele)

¹¹ Kambe sweswi, eka masalela ya tiko leri, a ndzi nga ha vi lexi ngi ndzi ri xona emikarhini ya khale, ku vula Yehovha wa tinyimpi.

Zakariya 8:11 Referans Kwoze

Esaya 12:1

Eminkarhini yoleyo, munhu ú ta yimbelela a ku: “Ndza ku tlangela, we HOSI, hikuva hambileswi a wu ndzi hlundzukerile, sweswi vukari bya wena byi rhelerile, u tlhela u ndzi khongotela.

Hagayi 2:19

Xana mbewu ya ha ri kona enguleni xana? Xana masimu ya vhinya, ni minkuwa, ni mirhi ya magrenada, ni mitlhwari, swa ha pfumala mihandzu ni sweswi ke? E-e! Ku sukela siku ra namuntlha, ndzi ta mi katekisa.”

Pisalema 103:9

A xi holoveli vanhu minkarhi hinkwayo, a xi tshameli ku va karihela.

Esaya 11:13

Mavondzo ya va ka Efrayimi ma ta nyamalala, ni rivengo ra va ka Yuda ri ta hela; va ka Efrayimi a va nga ha vondzoki va ka Yuda, na vona va ka Yuda a va nga ha vengi va ka Efrayimi.

Hagayi 2:15

Sweswi xiyaxiyani mi vona leswi nga ta humelela ku sukela namuntlha ni minkarhi leyi taka. Loko mi nga si sungula ku pfuxa maribye ya Tempele ya mina,