Zakariya 7:2 - BIBELE Mahungu Lamanene

² Vanhu va le Betele va rhumile Xaresere na Regemu-Meleke, ni vavanuna van'wana, leswaku va ya va ya kombela ku katekisiwa hi HOSI Xikwembu;

Xitsonga (Bibele)

² va Betele va rhuma Xarezere, na Regemu-Meleke, ni vavanuna va yena ku ya khongela Yehovha,

Zakariya 7:2 Referans Kwoze

Zakariya 8:21

Vanhu va muti wun'wana, va ta ya eka vaaki va muti wun'wana va ku: ‘A hi hatliseni hi ya gandzela HOSI Xikwembu laha xi nga kona, hi kombela ku katekisiwa hi xona!’ Kutani va ta hlamula va ku: ‘Hiswona, hi ta famba na n'wina.’

Yeremiya 26:19

“Xana Hezekiya hosi ya hina va ka Yuda, ni va ka hina hinkwavo, va dlayile muprofeta loyi xana? E-e! Va chavile ku dyohela HOSI Xikwembu; va komberile hi matimba leswaku xi va tsetselela, kutani xona xi tshikile makungu ya xona lawa xi ma vuleke, xi nga ha va bi; hikokwalaho hi nga tshuki hi tivangela khombo hi ku dlaya munhu loyi.”

1 TIHOSI 13:6

Kutani hosi Yerobuwamu a ku eka munhu wa Xikwembu: “Kombela leswaku HOSI Xikwembu xa wena xi ndzi twela vusiwana, u ndzi khongelela leswaku voko ra mina ri vuyela etshamelweni ra rona.” Hiloko munhu wa Xikwembu a xi kombela ku twela Yerobuwamu evusiwana, kutani voko ra yena ri vuyela etshamelweni ra rona, ri va leswi a ri ri swona eku sunguleni.

1 SAMIELE 13:12

Hikokwalaho, ndzi anakanyile leswaku Vafilista va ta rhelela ku ta lwa na mina haleno Giligala, ndzi nga si kombela HOSI Xikwembu ku hi katekisa, kutani ndzi kanya mbilu ndzi humesa gandzelo leri hisiwaka leri.”

Zakariya 6:10

“Amukela mihlengo ya lava nga vukhumbini, leyi tisiweke hi Helidayi, na Tobiya, na Yedaya; vanhu lava va ha ku fika va huma eBabilona; yana eka vona namuntlha, u ta va kuma emutini wa Yosiya n'wana Sofoniya.

Esaya 60:7

Tinyimpfu hinkwato ta Kedari ni ta Nebayoto, ti ta byisiwa ti ta eka wena, u ta humesa ha tona magandzelo alitarini ya HOSI Xikwembu, u xi tsakisa ha wona. Kutani HOSI Xikwembu xi ta sasekisa Tempele ya xona ku tlula eku sunguleni.

Ezra 6:10

leswaku va ta humesa magandzelo lama tsakisaka Xikwembu xa matilo, va khongelela ni hosi ni vana va yona leswaku va hanya swinene.

Eksoda 32:11

Kambe Muxe a kombela HOSI Xikwembu hi matimba, a ku: “We HOSI, hikwalaho ka yini vukari bya wena byi pfurhela vanhu va wena lava u va humeseke etikweni ra Egipta hi matimba lamakulu ni voko leri tiyeke, xana?

Ezra 2:28

va le Betele ni va le Ayi i 223;