Zakariya 7:12 - BIBELE Mahungu Lamanene

¹² va nonon'hwisa ni timbilu ta vona ti fana ni maribye. A va swi lavanga ku twa milawu ni marito ya HOSI ya matimba hinkwawo, hambileswi yi va rhumeleke swona hi Moya wa yona lowu fambiseke vaprofeta lavo rhanga. Hikokwalaho, HOSI ya matimba hinkwawo yi va hlundzukerile ngopfu,

Xitsonga (Bibele)

¹² Timbilu ta vona va ti hundzule dayimani, leswaku va nga twi nawu ni marito ya Yehovha wa tinyimpi lawa a va rhumeleke wona hi vaprofeta vo rhanga, hi Moya wa yena. Kutani ku humelela ku kariha lokukulu ka Yehovha wa tinyimpi.

Zakariya 7:12 Referans Kwoze

Ezekiele 11:19

Kutani ndzi ta va nyika ku twanana, va va ni mbilu yin'we ni miehleketo leyintshwa. Ndzi ta susa timbilu ta vona leto nonon'hwa, ndzi va nyika timbilu to olova leti yingisaka.

2 TIKRONIKA 36:16

Kambe vanhu va kona va yile emahlweni va sandza malandza ya Xikwembu, va ala ku amukela marito ya xona, va hlekula vaprofeta va xona, ku kondza HOSI Xikwembu xi chululela vukari bya xona ehenhla ka vona, ku pfumaleka ni loyi a ponaka eka byona.

Timhaka 28:27

Timbilu ta vanhu lava ti tlanyarile, va tipfale tindleve ni mahlo, leswaku va nga ha voni, ni ku twa va nga ha twi, hambi ku ri ku twisisa va nga ha twisisi, ni leswaku va nga hundzuki, na mina ndzi nga va hanyisi.’

Ezekiele 36:26

Ndzi ta mi nyika timbilu letintshwa, ndzi mi avela ni moya lowuntshwa; ndzi ta susa timbilu ta n'wina to nonon'hwa kukota maribye, ndzi mi nyika timbilu leto olova leti yingisaka.

Pisalema 50:17

hikuva a mi lavi ku tshinyiwa, ni marito ya mina mi ma ba hi makatla!

Marka 4:12

Swi ri leswaku, “ ‘loko ku ri ku vona, va vona kambe va nga vonisisi, hambi ku ri ku twa, va twa kambe va nga twisisi, leswaku va nga tshuki va hundzuka, va rivaleriwa swidyoho.’ ”

Matewu 13:15

Timbilu ta vanhu lava ti tlanyarile, va tipfale tindleve ni mahlo, leswaku va nga ha voni, ni ku twa va nga ha twi, hambi ku ri ku twisisa va nga ha twisisi, ni leswaku va nga hundzuki, na mina ndzi nga va hanyisi.’

Ezekiele 2:4

A va na xichavo, va ome tinhloko, hambiswiritano ndzi ku rhuma eka vona; u ta va byela leswaku mina HOSI N'wini wa vona ndzi ni rito eka vona.

Esaya 6:10

A engeta a ku ka mina: “Nonon'hwisa timbilu ta vanhu lava, u va pfala tindleve ni mahlo, leswaku va nga ha voni, ni ku twa va nga ha twi, hambi ku ri ku twisisa va nga ha twisisi, hikuva va nga tshuka va hundzuka, kutani va rivaleriwa.”

2 Petro 1:21

Hikuva ku hava rito ni rin'we ra vaprofeta leri teke hi ku titwa ka munhu, kambe vanhu lava susumetiweke hi Moya lowo Kwetsima, va vurile leswi humaka eka Xikwembu.

Luka 8:12

Leti nga wela endleleni, i vanhu lava twaka Rito; kutani Diyavulosi a ta, a ri susa etimbilwini ta vona, leswaku va ta ka va nga pfumeli, va nga ponisiwi.

Zakariya 7:7

Marito lawa ma ha fana ni lawa HOSI Xikwembu xi ma twariseke hi milomo ya vaprofeta lavo rhanga; eminkarhini ya kona, vaaki va muti wa Yerusalema ni va swimitana leswi nga kusuhi, a va ha tele va tshamisekile; hambi va ri vanhu va le magangeni ni va le dzongeni a va ha tele.

Yeremiya 26:19

“Xana Hezekiya hosi ya hina va ka Yuda, ni va ka hina hinkwavo, va dlayile muprofeta loyi xana? E-e! Va chavile ku dyohela HOSI Xikwembu; va komberile hi matimba leswaku xi va tsetselela, kutani xona xi tshikile makungu ya xona lawa xi ma vuleke, xi nga ha va bi; hikokwalaho hi nga tshuki hi tivangela khombo hi ku dlaya munhu loyi.”

Yeremiya 17:1

HOSI Xikwembu xi ri: “Swidyoho swa va ka Yuda swi tsariwile etimbilwini ta vona ni le timhondzweni ta tialitari ta vona, ku fana ni loko marito ma tsariwa eribyeni ra xiphepherhele hi peni yo nonon'hwa ya nsimbhi kumbe ya dayimani.

Yeremiya 5:3

We HOSI, u tsakela ku vona munhu la nga ni ntiyiso. Vanhu lava u va bile, kambe a va twanga ku vava. U lavile ku va herisa, kambe va arile ku tshinyiwa. Va tiomisile tinhloko, va nga pfumeli ku hundzuka.

Esaya 48:4

Ndzi swi tivile leswaku mi vanhu vo ka tindleve, va tinhamu to sihalala ku fana ni nsimbhi, va tinhloko to oma kukota ribye.

Ntirho 9:4

Xikwembu xi ni vutlhari ni matimba lamakulu; hambi munhu a nga kanya mbilu a lwa na xona, a nge xi hluli.

2 TIKRONIKA 36:13

Nebukadnetsara a a hlambanyisile Sedekiyasi emahlweni ka Xikwembu leswaku a ta yingisa Vababilona, kambe Sedekiyasi a pfukela hosi ya Babilona, naswona a tiomisa nhloko, a ala ku tlhelela eka HOSI, Xikwembu xa Israele.

Esaya 46:12

“Ndzi lombeni tindleve, n'wina vanhu lava tinonon'hwisaka, n'wina mi ehleketaka leswaku ku ntshunxiwa ka ha ri kule:

Ezekiele 14:5

ku hlamula ka mina loku ku ta paluxa mianakanyo ya Vaisraele, hikuva va ndzi fularhela hinkwavo hikwalaho ka swikwembu swa vona swa hava.

Eksoda 7:13

Hambiswiritano, Faro a tinonon'hwisa, a nga yingisi Muxe na Aroni, hilaha HOSI Xikwembu a xi vurile hakona.

Esaya 65:12

ndzi ta mi vangela khombo: Hinkwenu mi ta korhamisiwa, mi dlawa hi fumu, hikuva ndzi mi vitanile, kambe a mi hlamulanga, a mi yingisanga marito ya mina; mi endlile leswo biha emahlweni ka mina, mi hlawula ku endla leswi ndzi nga swi laviki.”

Yeremiya 7:20

Hikokwalaho mina HOSI N'wini wa hinkwaswo ndzi vurisa sweswo ndzi ri: Ndzi ta chululela vukari bya mina lebyi pfurhaka ehenhla ka xivandla lexi, ni le henhla ka vanhu ni swifuwo, ni le henhla ka swihlahla ni masimu ni leswi milaka eka wona. Hinkwaswo swi ta tshwa, ndzilo wa kona wu nga timeki!”

Yeremiya 17:23

Vona va arile ku rhiya ndleve va yingisa, va tiomisile tinhloko leswaku va nga tshuki va twa kumbe ku amukela switsundzuxo swa mina.

Yeremiya 42:21

Kutani namuntlha ndzi mi tivisile leswi HOSI Xikwembu xa n'wina xi swi vulaka, kambe a mi lavi ku amukela na xin'we xa leswi xi mi byelaka swona hi nomo wa mina.

Zakariya 1:2

xi ku ka yena: “We Zakariya, tivisa Vaisraele leswaku mina HOSI ya matimba hinkwawo ndzi hlundzukerile ngopfu vatata wa vona; kambe sweswi ndzi ri: Vuyelani eka mina, kutani na mina ndzi ta vuyela eka n'wina.