Zakariya 7:11 - BIBELE Mahungu Lamanene

¹¹ Kambe vanhu va arile ku yingisa switsundzuxo leswi: Va swi be hi makatla, va tisiva tindleve leswaku va nga swi twi,

Xitsonga (Bibele)

¹¹ Kambe va arile ku yingisa, va nonon'hwisa makatla ya vona, va pfala tindleve ta vona, leswaku va nga twi.

Zakariya 7:11 Referans Kwoze

Nehemiya 9:29

U va tsundzuxile leswaku va tlhelela eNawini wa wena, kambe vona va tikurisile, va ala ku yingisa milawu ya wena, va ku dyohela hi ku tlula swiletelo swa wena leswi loko munhu a swi hlayisa a kumaka vutomi; va ku fularherile, va tinonon'hwisa, va ala ku ku yingisa.

Hosiya 4:16

Hakunene vanhu va Israele va tinonon'hwisa, va fana ni thokazi ro karhata; xana HOSI Xikwembu xi nga va yisa emadyelweni lamanene wonge hiloko va ri swinyimpfana, ke?

Yeremiya 8:5

Vanhu lava va Yerusalema va tiarisela yini, hikwalaho ka yini va tshamela ku tinonon'whisa ke? Va namarhela swikwembu swa hava, va ala ku hundzuka!

Timhaka 7:57

Kambe vona va huwelela hi rito leri tlakukeke, va tisiva tindleve, kutani hinwavo va n'wi wela henhla xikan'we.

Zakariya 1:4

Mi nga tiarisi ku fana ni vatata wa n'wina lava ndzi va khongoteleke hi milomo ya vaprofeta lavo rhanga, ndzi va byela ku tshika mikhuva ya vona leyo biha, ni swiendlo swa vona leswo homboloka. Kambe vona a va ndzi yingisanga, a va ndzi kombanga xichavo, mina HOSI ya matimba hinkwawo.

Ezekiele 3:7

kasi Vaisraele va nga ka va nga ku yingisi, hikuva hambi a ri mina a va ndzi yingisi; hinkwavo i vanhu vo oma tinhloko, va timbilu to nonon'hwa.

Yeremiya 35:15

Ndzi mi rhumerile vaprofeta malandza ya mina; minkarhi hinkwayo a ndzi va rhwexa mahungu lama nge: ‘Hinkwenu hundzukani mi tshika tindlela ta n'wina leto homboloka, mi lulamisa mahanyelo ya n'wina, mi nga ha landzeleli swikwembu swa hava, mi nga swi nkhinsameli. Loko mo endla tano, mi ta tshamiseka etikweni leri ndzi ri nyikeke n'wina ni vatata wa n'wina.’ Kambe mi arile ku ndzi yingisa.

Vaheveru 12:25

Tivoneleni leswaku mi nga aleli loyi a vulavulaka. Lava aleke ku yingisa mutsundzuxi wa vona laha misaveni, a va ponanga. Hikokwalaho, xana hina hi nga ponisa ku yini, loko hi ala ku yingisa loyi a hi tsundzuxaka a ri ematilweni xana?

Timhaka 7:51

“N'wina va tinhamu leto nonon'hwa, n'wina va timbilu leti nga pfumeriki ni tindleve leti nga twiki! Masiku hinkwawo mi alela Moya lowo Kwetsima; mi fana swinene ni vatata wa n'wina.

Sofoniya 3:2

a wu twi ku byeriwa, naswona a wu amukeli switsundzuxo; a wu tshembi HOSI Xikwembu, ni le kusuhi na xona, a wu tshineli.

Daniele 9:5

Kambe hina hi ku dyoherile, hi endlile leswo biha, hi tivangele nandzu hi ku ku fularhela hi tlula milawu ya wena.

Yeremiya 44:16

“Leswi u hi byelaka swona u ku swi huma eka HOSI Xikwembu, a hi swi amukeli.

Yeremiya 36:31

Ndzi ta ba Yoyakimi ni vana va yena ni malandza ya yena, hikwalaho ka swidyoho swa vona. Makhombo hinkwawo lawa ndzi ma vuleke ehenhla ka vona, ni le henhla ka vaaki va Yerusalema ni vanhu va ka Yuda, ndzi ta va vangela wona hikuva a va ndzi yingisanga.”

Yeremiya 17:23

Vona va arile ku rhiya ndleve va yingisa, va tiomisile tinhloko leswaku va nga tshuki va twa kumbe ku amukela switsundzuxo swa mina.

Yeremiya 13:10

Vanhu lava vo homboloka va ala ku yingisa marito ya mina; va tiomisa tinhloko, kutani va endla leswi timbilu ta vona ti va byelaka swona: Va tinyiketa eka swikwembu swin'wana, va swi khongela ni ku swi tirhela. Hikokwalaho, va ta fana ni vamba leri, leri ri nga ha pfuniki nchumu.

Yeremiya 11:10

Va tlhelele eswidyohweni swa vatata wa vona lava nga ala ku ndzi yingisa; va tinyiketile eka swikwembu swin'wana, va swi tirhela. Vaisraele swin'we na vona va ka Yuda va tshovile ntwanano lowu ndzi wu endleke ni vatata wa vona.

Yeremiya 7:24

Kambe vona a va rhiyanga ndleve va ndzi yingisa. Va endlile leswi timbilu ta vona leto nonon'hwa ti va byelaka swona, kutani va tlhelela endzhaku ematshan'wini ya ku ya emahlweni.

Esaya 6:10

A engeta a ku ka mina: “Nonon'hwisa timbilu ta vanhu lava, u va pfala tindleve ni mahlo, leswaku va nga ha voni, ni ku twa va nga ha twi, hambi ku ri ku twisisa va nga ha twisisi, hikuva va nga tshuka va hundzuka, kutani va rivaleriwa.”

Nehemiya 9:26

“Hambiswiritano, va arile ku ku yingisa, va ku hundzukela, va fularhela ni Nawu wa wena, va dlaya ni vaprofeta va wena lava a va va tsundzuxa ku tlhelela eka wena; va tlhela va ku rhuketela swinene.

Nehemiya 9:17

Va arile ku ku yingisa, va nga tsundzuki swihlamariso leswi u swi endleke exikarhi ka vona; va tinonon'hwisile, va tihlawulela munhu loyi a nga ta va rhangela leswaku va tlhelela evuhlongeni etikweni ra Egipta. Hambiswiritano, wena Xikwembu lexi tshamaka xi tiyimisele ku rivalela, a wu va tshikanga, hikuva u tele ku tsetselela ni ku twela vusiwana; u hlwela ku kariha, naswona u tele tintswalo.

2 TIKRONIKA 33:10

HOSI Xikwembu xi vulavula na Manase ni vanhu va yena, kambe vona va ala ku yingisa.

Eksoda 10:3

Kavaloko Muxe na Aroni va ya nghena emutini wa Faro, va fika va ku: “HOSI Xikwembu, xi nga Xikwembu xa Vaheveru, xi vurisa sweswo xi ku: ‘Xana u ta ala ku titsongahata emahlweni ka mina ku fikela rini ke? Tshika vanhu va mina va famba, va ya ndzi gandzela.

Matewu 13:15

Timbilu ta vanhu lava ti tlanyarile, va tipfale tindleve ni mahlo, leswaku va nga ha voni, ni ku twa va nga ha twi, hambi ku ri ku twisisa va nga ha twisisi, ni leswaku va nga hundzuki, na mina ndzi nga va hanyisi.’

Esaya 46:12

“Ndzi lombeni tindleve, n'wina vanhu lava tinonon'hwisaka, n'wina mi ehleketaka leswaku ku ntshunxiwa ka ha ri kule:

Yeremiya 5:3

We HOSI, u tsakela ku vona munhu la nga ni ntiyiso. Vanhu lava u va bile, kambe a va twanga ku vava. U lavile ku va herisa, kambe va arile ku tshinyiwa. Va tiomisile tinhloko, va nga pfumeli ku hundzuka.

Yeremiya 5:21

“Twanani leswi maphuphula ndzin'wina, n'wina vanhu vo pfumala mano: Mi ni mahlo, kambe a mi voni, ni tindleve mi na tona, kambe a mi twi.

Yeremiya 7:26

Hambiswiritano n'wina a mi rhiyanga ndleve mi yingisa, mi lo nyanya ku tinonon'hwisa, mi endla leswo biha ku tlula ni vatata wa n'wina.

Yeremiya 17:27

Kambe loko mi ala ku ndzi yingisa, mi nga pfumeli ku hlayisa siku ra Savata leswaku ri tshama ri hlawulekile, ni loko mi rhwala swilo mi swi nghenisa etinyangweni ta Yerusalema hi siku rero, vukari bya mina byi ta pfurha byi nga timeki, byi hisa tindlu leto saseka ta Yerusalema.’ ”

Yeremiya 42:21

Kutani namuntlha ndzi mi tivisile leswi HOSI Xikwembu xa n'wina xi swi vulaka, kambe a mi lavi ku amukela na xin'we xa leswi xi mi byelaka swona hi nomo wa mina.

Ezekiele 5:6

Vaaki va muti lowu va arile ku yingisa swiletelo swa mina ni milawu ya mina; va endlile leswo homboloka ku tlula vamatiko hinkwavo lava va akelaneke na vona; hakunene Vaisraele va cukumetile swiletelo swa mina ni milawu ya mina, va ala ku swi yingisa.

Esaya 28:12

xi va byerile xi ku: “Tshamani mi wisa, lava karheleke, va tshikeni va wisa, hikuva lowu i nkarhi wo koka moya.” Kambe a va xi yingisanga.

Esaya 65:12

ndzi ta mi vangela khombo: Hinkwenu mi ta korhamisiwa, mi dlawa hi fumu, hikuva ndzi mi vitanile, kambe a mi hlamulanga, a mi yingisanga marito ya mina; mi endlile leswo biha emahlweni ka mina, mi hlawula ku endla leswi ndzi nga swi laviki.”

Yeremiya 19:15

“HOSI ya matimba hinkwawo, Xikwembu xa Israele, xi vurisa sweswo xi ri: Yingisani n'wina vaaki va muti wa Yerusalema ni va swimitana leswi nga kusuhi na wona: Ndzi ta mi vangela makhombo hinkwawo lawa ndzi nga ma vula, hikuva mi tiomisile tinhloko mi ala ku yingisa marito ya mina.”

Ezekiele 14:5

ku hlamula ka mina loku ku ta paluxa mianakanyo ya Vaisraele, hikuva va ndzi fularhela hinkwavo hikwalaho ka swikwembu swa vona swa hava.