Zakariya 6:1 - BIBELE Mahungu Lamanene

¹ Ndzi tlhela ndzi tlakusa mahlo, kutani ndzi vona makalichi ya mune ma huma hi le xikarhi ka tintshava timbirhi; tintshava ta kona a ti ri ta koporo.

Xitsonga (Bibele)

¹ Ndzi engeta ndzi tlakusa mahlo, ndzi languta, kutani ndzi vona ku humelela tigolonyi ta mune leti humaka exikarhi ka tintshava timbirhi, tintshava teto ti ri ta koporo.

Zakariya 6:1 Referans Kwoze

Daniele 8:22

Rimhondzo leri ri tshovekeke ri siviwa hi tin'wana ta mune, swi vula mimfumo ya mune leyi nga ta humelela erixakeni rero, kambe mimfumo leyi a yi nga ha vi na matimba lama ringanaka ni ya mfumo lowo rhanga.

Vaefesa 1:11

Hakunene Xikwembu xi endla hinkwaswo hilaha xi rhandzaka hakona ni hilaha xi pimaka hakona, kutani xi hlawurile hina Vayuda ku va vadyandzhaka va xona eka Kriste, hi ku tilulamisela ka xona ka khale,

Timhaka 4:28

va hlangene ku endla hinkwaswo leswi u swi boheke khale, hi ntamu wa wena ni makungu ya wena, leswaku swi ta humelela.

Zakariya 6:5

Kutani ntsumi yi ndzi hlamula yi ku: “Leswi i mimoya ya mune ya le tilweni; a yi tile emahlweni ka N'wini wa misava hinkwayo, kutani sweswi ya hangalaka.

Zakariya 5:1

Ndzi tlhela ndzi tlakusa mahlo, kutani ndzi vona buku leyi hahaka empfhukeni.

Daniele 4:35

Vanhu hinkwavo va misava a hi nchumu emahlweni ka yena, lava akeke emisaveni, ni swivumbiwa hinkwaswo swa le tilweni, swi fumiwa hi yena. Ku hava loyi a nga n'wi sivelaka, kumbe loyi a nga n'wi vutisaka a ku: ‘U endla yini xana?’

Daniele 4:15

Kambe mi siya xikundzu ni timitsu ta xona emisaveni, mi xi boha hi nketani ya nsimbhi ni koporo, mi xi tshika xi funengetiwa hi nhova, xi wela hi mberha, kutani xi dya byanyi ku fana ni swiharhi.

Esaya 43:13

Xikwembu hi mina ntsena, ndzi ta va xona minkarhi hinkwayo; loko ndzi khoma xilo, a ku na la nga xi vutlaka, ni loko ndzi tirha, a ndzi kavanyetiwi hi munhu.”

Swivuriso 21:30

Munhu, hambi a lo tlharihisa ku yini kumbe a twisisa ngopfu, a kuma ni switsundzuxo, a nge koti ku lwa na HOSI Xikwembu.

Pisalema 36:6

Ku lulama ka wena ku fana ni tintshava letikulu, ku avanyisa ka wena ku entile kukota swidziva swa lwandle, we HOSI, u hlayisa vanhu ni swiharhi.

Pisalema 33:11

Kambe makungu ya xona ma tirha minkarhi hinkwayo, leswi xi swi anakanyaka, a swi siveriwi ni siku ni rin'we.

Ntirho 34:29

“Loko Xikwembu xi hlawula ku miyela, i mani la nga xi vekaka nandzu hi mhaka ya swona ke; ni loko xi tifihla, xi nga sindzisiwa hi mani ku vonaka ke? Ehenhla ka tiko ro karhi ni vanhu va rona,

1 SAMIELE 2:8

HOSI yi humesa xisiwana entshurini, yi pfuxa mupfumari etaleni, yi va tshamisisa ni tinganakana, va nyikiwa xiyimo xa vuchaviseki, hikuva masungulo ya misava i ya HOSI, yi akile ntumbuluko ehenhla ka wona.

Vaefesa 3:11

Xikwembu xi endlile leswi hi ku landza ku tilulamisela ka xona ka khale, loku xi ku hetisiseke ha Kriste Yesu, Hosi ya hina.

2 TIHOSI 6:17

Kavaloko Elixa a khongela, a ku: “Wee HOSI, ndza ku kombela, pfula mahlo ya yena, a ta kota ku vona.” Kavaloko HOSI Xikwembu xi pfula mahlo ya nandza, a kota ku vona: Maganga a ma tele hi tihanci ni makalichi ya ndzilo, swi rhendzerile Elixa.

Esaya 66:15

Vonani HOSI Xikwembu xi ta xi ri endzeni ka ndzilo, bubutsa ri ri kalichi ra xona; xi ta ta xi karihile swinene, xi tela lava va xi hlundzukiseke; xi ta va tela ni malangavi ya ndzilo, xi ta va ba.

Yeremiya 4:13

Vonani, nala wa ta ku fana ni mapapa; tigolonyi ta yena i xihuhuri; tihanci ta yena ti ni rivilo ku tlula magama. Hi le khombyeni! Ha hela!