Zakariya 4:6 - BIBELE Mahungu Lamanene

⁶ Hiloko ntsumi yi ndzi lerisa ku ya byela Zerubabele rito ra HOSI Xikwembu leri nge: “Entirhweni wa wena, a wu nga humeleli hi vunhenha kumbe hi ku tirhisa matimba, kambe u ta humelela ntsena hi ku pfuniwa hi Moya wa mina. Ndzi vula sweswo, mina HOSI ya matimba hinkwawo.

Xitsonga (Bibele)

⁶ Kutani a ndzi byela, a ku: “I rito ra Yehovha eka Zerubabele, ri nge: Ku nga ka ku nga vi hi nyimpi ni matimba, kambe hi Moya wa mina, ku vula Yehovha wa tinyimpi!

Zakariya 4:6 Referans Kwoze

Pisalema 33:16

Mufumi wa tiko a nga ponisiwi hi ku va ni mavuthu layo tala, ni nhenha a yi hluli hi mhaka ya matimba ya yona lamakulu.

Hosiya 1:7

Kambe vanhu va tiko ra Yuda vona, ndzi ta va tsetselela mina HOSI Xikwembu xa vona, ndzi va ponisa. A ndzi nga ha va ponisi hi swa tinyimpi swo fana ni vurha, kumbe fumu, kumbe tihanci, hambi va ri vagadi va tihanci.”

2 TIKRONIKA 14:11

Kutani Asa a khongela HOSI Xikwembu xa yena, a ku: “We HOSI, hi wena ntsena u kotaka ku lwela lava tsaneke, u va ponisa eka lava va va tlulaka hi matimba. Hi pfune u va na hina, we HOSI, Xikwembu xa hina, hikuva hi tshemba wena ntsena; loko hi ya hlangana ni ntshungu lowu wa valala, hi lava ku twarisa vito ra wena. We HOSI, u Xikwembu xa hina, u nga pfumeli leswaku loyi a nga munhu ntsena a ku tlula hi matimba!”

Esaya 32:15

Kambe ku ta fika siku leri hi nga ta chululeriwa Moya lowu humaka ehenhla, kutani mananga ma ta hundzuka nsimu ya misava yo nona, kasi nsimu leyi nga ni misava leyo nona yi ta tlhuma hi mirhi ya mihandzu.

Esaya 30:1

HOSI Xikwembu xi vurisa sweswo, xi ri: “Va ni khombo, vana lava va mina vo ka la va nga yingisi, va endla makungu va nga ndzi byelanga, va boha mintwanano na van'wana, moya wa mina wu nga swi tsakeli, va tlhandleka xidyoho ehenhla ka xidyoho.

Tinhlayo 27:16

“We HOSI, Xikwembu xa swilo hinkwaswo leswi hanyaka, hlawula wanuna loyi a nga ta fambisa ntshungu lowu,

Ezra 5:2

Kutani Zerubabele n'wana Salatiele na Yexuwa n'wana Yosadaka, va sungula ku aka yindlu ya Xikwembu hi vuntshwa eYerusalema, va pfuniwa hi vaprofeta va Xikwembu.

1 Petro 1:12

Va kombisiwile hi ku hlavuteriwa leswaku a va nga titirheli, kambe a va tirhela n'wina, eka swilo leswi mi tivisiweke swona sweswi. Mi tivisiwile swilo swa kona hi lava va twariseke Mahungu Lamanene eka n'wina, hi Moya lowo Kwetsima lowu rhumeriweke hi le tilweni. Swilo swa kona, tintsumi na tona ta navela ku swi hlometela.

Vaefesa 6:17

Amukelani ku ponisiwa, xi va xihuku xa n'wina xa le nhlokweni, kutani Rito ra Xikwembu ri va fumu ra n'wina leri Moya wu mi nyikaka rona.

Genesa 41:16

Yosefa a ku ka Faro: “We hosi Faro, a hi mina ndzi nga ta ku nyika nhlamuselo yo twala, kambe i Xikwembu.”

1 SAMIELE 14:6

Yonatani a byela jaha leri a ri n'wi rhwalela matlhari, a ku: “A hi tsemakanye hi ya laha makhuna lawaya ma goveke kona; kumbexana HOSI Xikwembu xi ta hi pfuna, hikuva ku hava lexi nga sivelaka HOSI Xikwembu ku hi lamulela, hambi hi tele kumbe hi nga talanga.”

1 SAMIELE 17:47

Naswona vanhu lava hlengeletaneke laha, va ta swi tiva leswaku HOSI Xikwembu a xi kali xi lava banga kumbe tlhari ku lamulela tiko ra xona. HOSI Xikwembu xi ta mi nyiketa emavokweni ya hina, hikuva enyimpini leyi, xi yima na hina.”

1 TIHOSI 19:12

Endzhaku ka ku tsekatseka ka misava, ku pfurha ndzilo, kambe HOSI Xikwembu a xi nga ri kona endzilweni. Endzhaku ka ndzilo, ku twala mpfumawulo wa xiritwana lexo nandziha.

Ezra 3:10

Kuteloko vaaki va cela masungulo ya Tempele ya HOSI Xikwembu, vaprista va ta va ambele swa vuprista, va khomile ni timhalamhala; Valevhi, va nga va ka Asafa, va ta va khomile swiphambati swa nsimbhi, hinkwavo va dzunisa HOSI Xikwembu, hilaha Davhida hosi ya Israele a leriseke hakona;

Eklesiasta 9:11

Ndzi engetile ndzi vona ni leswi: Laha misaveni, a hi vanhu lava tsutsumaka hi rivilo lava hetaka mpfhuka, naswona a hi lava nga ni matimba lava hlulaka enyimpini. A hi lavo tlhariha lava kumaka swakudya, ni rifuwo a ri kumiwi hi lavo dyondzeka. Lava tivaka maendlele a hi vona va tsakeriwaka. Hinkwaswo swi ni nkarhi lowu swi humelelaka ha wona.

Daniele 2:34

Kutani loko wa ha langutile, ku phemeka ribye entshaveni ri nga khumbiwanga hi munhu, ri fika ri ba minkondzo ya nsimbhi ni vumba ya xifaniso lexi, kutani minkondzo ya kona yi fayeka.

Hagayi 1:1

Hi lembe ra vumbirhi ra ku fuma ka hosi Dariyosi, hi siku ro sungula ra n'hweti ya vu-6 elembeni ra Xiyuda, muprofeta Hagayi a rhwexiwa rito ra HOSI Xikwembu, kutani a ri fikisa eka Zerubabele ndhunankulu ya tiko ra Yuda n'wana Salatiele, ni le ka Yoxuwa muprista lonkulu n'wana Yosadaki. Rito ra kona

Hagayi 2:21

“Vulavula na Zerubabele ndhunankulu ya tiko ra Yuda, u n'wi tivisa leswaku ku nga ri khale, ndzi ta tsekatsekisa tilo ni misava.

Zakariya 6:12

Kutani n'wi byele leswaku mina HOSI ya matimba hinkwawo ndzi ri: “Ku ni munhu loyi va nge i Hluke, ú ta kula kwala a nga kona, kutani ú ta aka Tempele ya mina.

Ezra 2:2

Varhangeri va vona a va ri lava: Zerubabele, na Yexuwa, na Nehemiya, na Seraya, na Relaya, na Mordekayi, na Bilixani, na Mispara, na Bigivhayi, na Rehumi, na Baana. Mintsengo ya Vaisraele lava vuyeke, hi leyi:

Esaya 34:16

Tekani buku ya HOSI Xikwembu mi hlaya hi ku xiyaxiya: A ku na xin'we xa leswi vuriweke lexi nga ta pfumaleka, a ku na xin'we xa swona lexi nga ta pfumala munghana. HOSI Xikwembu hi xona xi swi leriseke, hinkwaswo swi hlengeletiwile hi Moya wa xona.

Esaya 59:19

Ku suka evupeladyambu ku ya fika evuxeni, vito ra HOSI Xikwembu ni ku dzuneka ka xona swi ta xiximiwa; xi ta ta hi rivilo ku fana ni xinambyana lexi hobomulanaka, lexi mati ya kona ma susumetiwaka hi moya wa HOSI Xikwembu.