Zakariya 4:14 - BIBELE Mahungu Lamanene

¹⁴ Kutani ntsumi yi ndzi hlamusela yi ku: “Leswi swi komba vavanuna vambirhi, lava hlawuriweke ku tisa mafurha enkambaneni, va ta tirhela HOSI Xikwembu xa misava hinkwayo.”

Xitsonga (Bibele)

¹⁴ Yi ku: “I vatotiwa vambirhi lava yimeke emahlweni ka Hosi ya misava hinkwayo.”

Zakariya 4:14 Referans Kwoze

Nhlavutelo 11:4

Timbhoni leti timbirhi i mirhi mimbirhi ya mitlhwari ni switlhoma-timboni swimbirhi, leswi yimaka emahlweni ka Hosi ya misava.

Eksoda 40:15

kutani u va chela mafurha ku fana ni tata wa vona, va va vaprista, va ndzi tirhela. Ku cheriwa ka vona mafurha, ku ta endla leswaku ntirho wa vuprista wu va wa vona ni vatukulu va vona hilaha ku nga heriki.”

Zakariya 6:13

Hakunene Tempele ya mina yi ta akiwa hi yena, hi yena la nga ta nyikiwa vuhosi, ú ta fuma a tshamile exiluvelweni xa yena. Kusuhi ni xiluvelo lexi, ku ta va ni muprista, kutani lavambirhi va ta twanana va hanyisana hi ku rhula.”

Mikiya 4:13

HOSI Xikwembu xi ri: “N'wina vaaki va Siyoni, sukani mi yima, mi va ba ku fana ni loko mi hula mavele; ndzi ta mi nyika matimba, mi tiya wonge mo va nkuzi ya timhondzo ta nsimbhi ni swinyondzwana swa koporo; mi ta ba vanhu va matiko layo tala mi va phatlulela. Xuma lexi va nga tihlengeletela xona, ni rifuwo ra vona, mi ta swi teka mi swi nyiketa eka mina HOSI Xikwembu, N'wini wa misava hinkwayo.”

Yeremiya 49:19

“Hakunene ndzi ta hatla ndzi hangalasa va le Edomu, ku fana ni nghala leyi humaka exihlahleni xa Yordani, yi hangalasa tinyimpfu leti nga madyelweni ya rihlaza; kutani etikweni ra vona ndzi ta veka loyi ndzi n'wi rhandzaka. Xana i mani loyi a ringanaka na mina, ndzi lerisiwa hi mani xana? I murhangeri wihi la nga lwaka na mina ke?

1 SAMIELE 16:1

HOSI Xikwembu xi vutisa Samiele xi ku: “Xana u ta va ni xiviti xa ku rilela Sawulo ku fikela rini, leswi ndzi n'wi tshikeke leswaku a nga ha vi hosi ya Israele, xana? Chela mafurha erimhondzweni ra wena ri tala, u ya laha ndzi nga ta ku rhuma kona, eka Yese wa le Betlehema, hikuva ndzi tihlawulele hosi exikarhi ka majaha ya yena.”

1 SAMIELE 10:1

Kavaloko Samiele a teka rimhondzo ra mafurha, a ma chela enhlokweni ya Sawulo, kutani a n'wi ntswontswa a ku: “Hi mafurha lawa, hakunene HOSI Xikwembu xi ku veka ku va mufambisi wa tiko ra xona.

Duteronoma 10:8

Enkarhini wolowo, HOSI Xikwembu xi hlawurile Valevhi leswaku va va vona va rhwalaka Areka ya Ntwanano wa xona, va xi tirhela ni ku katekisa vanhu hi vito ra xona; swa ha ri tano ni namuntlha.

Eksoda 29:7

Kutani u teka mafurha layo hlawuleka, u n'wi chela enhlokweni, u n'wi tota.

Luka 1:19

Ntsumi yi n'wi hlamula, yi ku: “Hi mina Gabriele, la yimaka emahlweni ka Xikwembu; ndzi rhumiwile ku ta vulavula na wena ni ku ku tivisa mahungu lamanene lawa.

Zakariya 6:5

Kutani ntsumi yi ndzi hlamula yi ku: “Leswi i mimoya ya mune ya le tilweni; a yi tile emahlweni ka N'wini wa misava hinkwayo, kutani sweswi ya hangalaka.

Esaya 54:5

Mina Muendli wa wena, ndzi ta va nuna wa wena, vito ra mina, ndzi HOSI ya matimba hinkwawo; mina Muhlawuleki wa Israele, ndzi mukutsuri wa wena, Xikwembu xa misava hinkwayo, va vula mina.

Esaya 5:1

Yingisani, ndzi yimbelela risimu ra murhandziwa wanga, hi tlhelo ra nsimu ya vhinya ya yena leyi a a yi rhandza. Murhandziwa wanga a a ri ni nsimu ya vhinya exintshabyanini xa misava yo nona swinene.

Pisalema 110:4

HOSI Xikwembu xi ku tshembisile, xi nga ka xi nga tlheleli ndzhaku; xi te: “U muprista hilaha ku nga heriki, hileswi u nga wa rixaka rin'we na Melkisedeke.”

Pisalema 89:20

Ndzi tihlawulele Davhida leswaku a va nandza wa mina, ndzi n'wi cherile mafurha ya mina layo hlawuleka enhlokweni.

Pisalema 2:6

“Ndzi vekile hosi leyi ndzi yi tsakelaka emutini wa Siyoni, entshaveni ya mina leyo hlawuleka.”

1 TIHOSI 17:1

Eliya wa le Tixibe, un'wana wa vaaki va tiko ra Giliyadi, a ku ka Akabu: “Ndza tiyisa emahlweni ka HOSI Xikwembu xa Israele lexi hanyaka, lexi ndzi xi tirhelaka, ndzi ri: Malembe lawa, mpfula ni mberha swi nga ka swi nga vi kona, loko ndzi nga si vula nchumu.”

Yoxuwa 3:13

Loko vaprista lava rhwaleke Areka ya Ntwanano wa HOSI Xikwembu xa misava hinkwayo va peta minkondzo ya vona ematini ya nambu wa Yordani, mati ma ta yima ku khuluka, kutani lama taka hi tlhelo ra hala henhla ka nambu lowu ma ta hlengeletana ndhawu yin'we ma endla ndhundhuma.”

Yoxuwa 3:11

Vonani, Areka ya Ntwanano wa N'wini wa misava hinkwayo hi yona yi nga ta mi rhangela yi pela nambu wa Yordani.

Levhitika 8:12

Kutani a teka mafurha man'wana, a chela enhlokweni ya Aroni, a n'wi tota a n'wi hlawulekisa.

Ezra 5:2

Kutani Zerubabele n'wana Salatiele na Yexuwa n'wana Yosadaka, va sungula ku aka yindlu ya Xikwembu hi vuntshwa eYerusalema, va pfuniwa hi vaprofeta va Xikwembu.