Zakariya 4:10 - BIBELE Mahungu Lamanene

¹⁰ Xana i vamani lava soleke ntirhonyana lowutsongo wa masungulo xana? A va tsake sweswi, loko va vona Zerubabele a khomile ribye lero hlawuleka ngopfu. Ntsumi yi tlhela yi ku: “Timboni ta 7 i mahlo ya HOSI Xikwembu, lama valangaka misava hinkwayo.”

Xitsonga (Bibele)

¹⁰ Hikuva i mani la nga solaka siku ra timhaka letitsongo, loko mahlo lawa ya ntlhanu na mambirhi, ma nga mahlo ya Yehovha lawa a langutaka ha wona misava hinkwayo, ma tsakile hi ku vona mpimo evokweni ra Zerubabele?”

Zakariya 4:10 Referans Kwoze

Ntirho 8:7

kutani rifuwo ra wena lerintshwa, ri ta tlula ngopfu lera khale hi ku tala.

2 TIKRONIKA 16:9

HOSI Xikwembu a xi tshiki ku hoxa tihlo hala ni ala emisaveni, xi hatla xi ya tiyisa vanhu lava va xi tshembaka. Kambe leswi wena u swi endleke, i vuphukuphuku ntsena! Hikokwalaho, ku sukela sweswi, u ta tshamela ku hlaselana ni vaakelani va wena.”

Hagayi 2:3

Xana wa ha ri kona exikarhi ka n'wina munhu loyi a voneke yindlu leyi eku sunguleni loko ya ha sasekile xana? Mi yi vonisa ku yini sweswi xana? Xana a mi yi voni leswaku a ya ha ri nchumu ke?

Swivuriso 15:3

HOSI Xikwembu xi languta matlhelo hinkwawo, xi xiyaxiya va mintirho leyo biha ni va mintirho leyinene.

Nhlavutelo 5:6

Kutani ndzi vona Xinyimpfana xi yimile exiluvelweni, xi rhendzeriwile hi swivumbiwa leswi hanyaka swa mune ni vakulukumba, xona xi ri xikarhi. Xinyimpfana a xi vonaka onge hi loko xi tshama xi dlayiwa; a xi ri ni timhondzo ta 7, ni mahlo ya 7, lawa ya nga mimoya ya 7 ya Xikwembu leyi rhumeriweke emisaveni hinkwayo.

Zakariya 3:9

Emahlweni ka wena Yoxuwa, ndzi ta veka ribye leri nga ni matlhelo ya 7; ehenhla ka ribye rero, ndzi ta kevetlela marito, kutani ndzi ta susa nandzu wa tiko leri hi siku rin'we ntsena. Ndzi vurisa sweswo, mina HOSI ya matimba hinkwawo.

Swivuriso 4:18

Mahanyelo ya lavo lulama ma fana ni ku vonakala ka vurhonga loku ku yaka ku engeteleleka, dyambu ri ko ri xa.

Esaya 66:14

Mi ta tsaka loko mi vona swilo leswi swi humelela; mi ta tiya, mi tsakisa kukota byanyi bya rihlaza; kutani swi ta tiveka leswaku mina HOSI ndzi hlayisa lava va nga malandza ya mina, kambe valala va mina vona ndza va hlundzukela.”

Esaya 66:11

Mi kumile manana loyi a nga ta mi mbuwetela a mi mamisa mi kolwa; ú ni mafi layo tala lawa mi nga ta mama mi tiphina ha wona.”

Nhlavutelo 8:2

Hiloko ndzi vona tintsumi ta 7 leti yimaka emahlweni ka Xikwembu, ti nyikiwa tinanga ta 7.

Hosiya 6:3

A hi tikarhateni, hi tikarhatela ku tirhela HOSI Xikwembu: Xikwembu xi fana ni vurhonga, xi nge tsandzeki ku humelela; xi ta ta eka hina ku fana ni mpfula ya xirimo, ku fana ni ku sewula ka mpfula ya ximun'wana.”

Luka 15:32

kambe a hi fanele ku tsaka, hi ba minkulungwana, hikuva makwenu loyi a a file, kutani sweswi ú hanyile; a a lahlekile, kutani sweswi ú kumiwile.’ ”

Yeremiya 16:17

Hinkwaswo leswi Vaisraele va swi endlaka ndza swi vona, ku hava lexi va nga ndzi tumbetelaka xona, ni swidyoho swa vona swi le rivaleni emahlweni ka mina.

Ezekiele 1:14

Kutani swivumbiwa a swi tsutsuma swi ya hala ni hala, ku fana ni rihati.

Amosi 7:2

Loko tinjiya ti lava ku heta byanyi etikweni, ndzi ku: “HOSI, N'wini wanga, ndzi kombela leswaku u va rivalela. Leswi rixaka ra Yakobo ri nga ritsongo ngopfu, xana ri ta hanyisa ku yini xana?”

Amosi 7:5

Kutani ndzi ku: “HOSI, N'wini wanga, ndzi kombela leswaku u nga ha yi emahlweni. Leswi rixaka ra Yakobo ri nga ritsongo ngopfu, xana ri ta hanyisa ku yini xana?”

Pisalema 33:14

xi xiyaxiya vanhu hinkwavo lava akeke emisaveni xi ri exiluvelweni xa xona.

Zakariya 9:1

Mahungu hi lawa: HOSI Xikwembu xi vula leswaku xi ta ba tiko ra Hadiraka, xi ya titshamela le Damaska, hikuva mahlo ya xona ma le henhla ka vanhu hinkwavo, tanihi loko xi languta tinyimba ta Israele.