Zakariya 3:7 - BIBELE Mahungu Lamanene

⁷ “HOSI ya matimba hinkwawo yi vurisa sweswo yi ri: “ ‘Loko u famba etindleleni ta mina, ni loko u hlayisa swileriso swa mina, u ta va muhlayisi wa Tempele ya mina, u langutela ni rivala ra yona, kutani ndzi ta ku nyika xiyimo xo fana ni xa lava va ndzi tirhelaka kwala.’ ”

Xitsonga (Bibele)

⁷ “Yehovha wa tinyimpi u ri: Loko u famba etindleleni ta mina, u hlayisa leswi ndzi ku tshembiseke swona, na wena u ta va ni ku lawula endlwini ya mina, u langutela timbala ta mina, ndzi va ndzi ku nyika mfanelo yo famba exikarhi ka lava yimeke ekusuhi na mina.

Zakariya 3:7 Referans Kwoze

Genesa 26:5

hikuva Abrahama a a ndzi yingisa ni ku endla leswi ndzi n'wi byelaka swona, a hlayisa milawu ya mina, ni swileriso swa mina, ni swiletelo swa mina.”

Matewu 19:28

Yesu a ku ka vona: “Ndzi tiyisile ndzi ri ka n'wina, loko swilo hinkwaswo swi ta va swi vuyeteriwile, ni loko N'wana-wa-Munhu a tshamisile exiluvelweni xa yena lexo kwetsima, n'wina lava mi ndzi landzeke, na n'wina mi ta tshama eswiluvelweni swa 12, mi avanyisa tinyimba ta Israele leta 12.

Levhitika 8:35

Hi masiku lawa ya 7, vusiku ni nhlekanhi, mi fanele ku tshama enyangweni ya Ntsonga lowo Hlawuleka mi ri karhi mi endla leswi HOSI Xikwembu xi swi leriseke; loko swi nga ri tano, mi ta fa. Hi swona leswi ndzi nga lerisiwa swona.”

Nhlavutelo 3:21

Loyi a hlulaka, ndzi ta n'wi nyika ku tshama na mina exiluvelweni xa mina, kukotisa leswi na mina hi xiviri ndzi hluleke, kutani ndzi tshamaka ni Tata wa mina exiluvelweni xa yena.

Yohane 14:2

Tindhawu ti tele endlwini ya Tata wa mina; loko a swi nga ri tano, a ndzi ta va ndzi mi byerile; kutani ndzi ya mi lunghisela kona.

Luka 22:30

eMfun'weni wa mina, mi ta dya ni ku nwa mi ri na mina, kutani mi ta tshama eswiluvelweni, mi avanyisa tinyimba ta Israele leta 12.”

Zakariya 6:5

Kutani ntsumi yi ndzi hlamula yi ku: “Leswi i mimoya ya mune ya le tilweni; a yi tile emahlweni ka N'wini wa misava hinkwayo, kutani sweswi ya hangalaka.

Zakariya 4:14

Kutani ntsumi yi ndzi hlamusela yi ku: “Leswi swi komba vavanuna vambirhi, lava hlawuriweke ku tisa mafurha enkambaneni, va ta tirhela HOSI Xikwembu xa misava hinkwayo.”

Ezekiele 48:11

Hi yona ndhawu leyi yi nga ta hlayiseriwa vaprista, vona va ka Sadoki lava hlawuriweke ku tirha mintirho ya HOSI Xikwembu hi ndlela yo tshembeka; a va hambukanga endleleni ya xona, hilaha Vaisraele van'wana kumbe Valevhi va hambukeke hakona.

1 TIKRONIKA 23:32

Va hlayisa Ntsonga lowo Hlawuleka ni swivandla swa yona leswo hlawuleka, va hlayisa ni Tempele, hi ku pfunana ni vamakwavo va ka Aroni.

1 TIHOSI 2:3

Hlayisa tifanelo ta wena emahlweni ka HOSI Xikwembu xa wena, u hanya hi tindlela ta xona. Hlayisa swiletelo swa xona, ni milawu ya xona, ni swiboho swa xona, ni switsundzuxo swa xona, hilaha Muxe a tsaleke hakona ebukwini ya milawu. Loko u endla sweswo, u ta humelela emintirhweni hinkwayo leyi u nga ta yi endla, ni hinkwako lomu makungu ya wena ma nga ta ku kongomisa kona.

Ezekiele 44:8

Mintirho leyo hlawuleka eTempeleni a mi yi endlanga, mi yi tshikile yi tirhiwa hi vamatiko.

Levhitika 10:3

Kutani Muxe a ku ka Aroni: “Leswi hi swona HOSI Xikwembu a xi vula swona loko xi ku: ‘Lava va tshinelaka kusuhi na mina, va fanele ku ndzi chava, Vaisraele hinkwavo va fanele ku ndzi dzunisa.’ ” Loko a ri Aroni, a tikhoma a miyela.

1 TIHOSI 3:14

Kutani loko u famba hi tindlela ta mina, u ri karhi u hlayisa swiletelo swa mina ni milawu ya mina ku fana ni tata wa wena Davhida, ndzi ta engetela masiku ya ku hanya ka wena.”

Esaya 62:9

Vahlengeleti, hi vona va nga ta nwa vhinyo ya kona, kutani va ta ndzi dzunisa mina HOSI, yi ta nwiwa hi vatshoveri, va yi nwela eswivaveni swa Tempele ya mina.”

Zakariya 3:6

Kutani ntsumi ya HOSI yi tshembisa Yoxuwa yi ku ka yena:

Zakariya 6:15

Hambi va ri lava nga kule, va ta ta va ta pfuna ku aka Tempele ya HOSI Xikwembu; kutani mi ta tiva leswaku HOSI ya matimba hinkwawo, hi yona yi ndzi rhumeke eka n'wina. Swilo leswi swi ta humelela loko mi tikarhatela ku yingisa rito ra HOSI Xikwembu xa n'wina.