Zakariya 3:4 - BIBELE Mahungu Lamanene

⁴ Kutani ntsumi yi byela malandza ya yona yi ku: “N'wi hluvuleni swiambalo leswi swa thyaka.” Kutani yi ku ka Yoxuwa: “Vona, ndzi susile nandzu wa wena, kutani sweswi ndzi ta ku ambexa swiambalo swa nkhuvo.”

Xitsonga (Bibele)

⁴ Ntsumi yi ahlamisa nomu, yi byela lava yimeke ekusuhi na yona, yi ku: “N'wi hluvuriseni tinguvu ta thyaka.” Kutani yi ku eka yena: “Vona, ndzi cukumete ku biha ka wena kule na wena, ndzi ku ambexa tinguvu leto saseka.”

Zakariya 3:4 Referans Kwoze

Luka 15:22

Kambe tata wa yena a ku ka malandza ya yena: ‘Hatlisani mi tisa nguvu leyo saseka ngopfu mi n'wi ambexa, mi nghenisa xingwavila eritihweni ra yena, mi n'wi ambexa ni tintanghu.

Esaya 61:10

Ndzi ta titsakela swinene eka HOSI Xikwembu xanga, moya wanga wu ta xi tlangela, hikuva matimba ya xona ya ku ndzi ponisa i xiambalo xa mina, ni ntirho wa xona wa ku ndzi lwela i nceka lowu ndzi tifunengetaka ha wona. Ndzi tsaka kukota muteki la tikhavisaka hi swiluva, kukota mutekiwa la tibombisaka hi vuhlalu bya nkoka.

Nhlavutelo 7:14

Ndzi ku ka yena: “Swo tiva hi wena, Hosi yanga.” Hiloko a ku ka mina: “Lava, hi lava humaka eku xanisekeni lokukulu; va hlantswile tinguvu ta vona, va ti basisile hi ngati ya Xinyimpfana.

Ezekiele 36:25

Ndzi ta mi xuva hi mati layo tenga, kutani thyaka leri mi nga tivangela rona hi ku gandzela swikwembu swa n'wina swa hava, ndzi ta ri susa hinkwaro.

Esaya 43:25

“Mina, hi mina ntsena la nga ta mi rivalela swidyoho swa n'wina, sweswo ndzo tiendlela mina n'wini; swidyoho swa n'wina, a ndzi nga ha swi tsundzuki.

1 Vakorinto 6:11

Hi leswi van'wana va n'wina a mi ri swona; kambe sweswi mi basisiwile, naswona mi endliwile lava hlawulekeke ni lava lulameke, hi vito ra Hosi Yesu Kriste ni Moya wa Xikwembu xa hina.

Zakariya 3:7

“HOSI ya matimba hinkwawo yi vurisa sweswo yi ri: “ ‘Loko u famba etindleleni ta mina, ni loko u hlayisa swileriso swa mina, u ta va muhlayisi wa Tempele ya mina, u langutela ni rivala ra yona, kutani ndzi ta ku nyika xiyimo xo fana ni xa lava va ndzi tirhelaka kwala.’ ”

Mikiya 7:18

We HOSI, xana xi kona xikwembu xin'wana lexi fanaka na wena xana? Vanhu lava nga masalela ya ndzhaka ya wena, wa va rivalela milandzu ya vona, a wu hlayeli leswaku va tiarise kangani. Loko u hlundzukile, vukari bya wena byi hatla byi rhelela, hikuva u tsakela ngopfu ku hi komba tintswalo ta wena leto tshembeka.

Esaya 61:3

Xi ndzi rhumile ku ya miyeta lava rilaka eSiyoni, ndzi va nyika harhi ya swiluva ematshan'wini ya nkuma, ni mafurha ya ntsako leswaku va nga ha rili, ndzi va ambexa ku dzuneka ematshan'wini ya moya lowu tsaneke. Kutani va ta vuriwa “Minkuhlu-ya-ku-lulama”, leyi byariweke hi HOSI Xikwembu leswaku xi ta dzunisiwa.

Vaheveru 8:12

Ndzi ta va rivalela ku homboloka ka vona, swidyoho swa vona a ndzi nga ha swi tsundzuki.”

2 Vakorinto 5:21

“Vuyelelanani na Xikwembu!” Kriste a a nga ri na xidyoho; hambiswiritano, Xikwembu xi n'wi endlile leswaku a va xo xidyoho hikwalaho ka hina, leswaku hikwalaho ka yena, hi endliwa lava lulameke emahlweni ka Xikwembu.

Zakariya 3:9

Emahlweni ka wena Yoxuwa, ndzi ta veka ribye leri nga ni matlhelo ya 7; ehenhla ka ribye rero, ndzi ta kevetlela marito, kutani ndzi ta susa nandzu wa tiko leri hi siku rin'we ntsena. Ndzi vurisa sweswo, mina HOSI ya matimba hinkwawo.

Pisalema 51:9

Swidyoho swa mina u nga ha swi languti, susa ku homboloka ka mina hinkwako.

Vakolosa 3:10

hikuva mi ambarile munhu wa hanyelo lerintshwa loyi a pfuxetiwaka kambe na kambe, leswaku mi kota ku tiva swinene Xikwembu lexi xi n'wi tumbuluxeke hi xifaniso xa xona.

Varhoma 6:23

Hikuva ku dyoha ka hakela, hakelo ya kona i rifu, kambe nyiko leyi nyikiwaka ntsena, leyi humaka eka Xikwembu, i vutomi lebyi nga heriki, ha Kriste Yesu Hosi ya hina.

Varhoma 3:22

Hileswaku Xikwembu xi endla vanhu va va lavo lulama hi ku pfumela ka vona eka Yesu Kriste; xi endla leswi eka hinkwavo lava pfumelaka, hikuva a ku na ku hambana:

Yohane 1:29

Siku leri tlhandlamaka, Yohane a vona Yesu a ri karhi a ta a n'wi kongomile, kutani a ku: “Vonani! Hi lexi Xinyimpfana xa Xikwembu lexi susaka swidyoho swa misava!

Luka 1:19

Ntsumi yi n'wi hlamula, yi ku: “Hi mina Gabriele, la yimaka emahlweni ka Xikwembu; ndzi rhumiwile ku ta vulavula na wena ni ku ku tivisa mahungu lamanene lawa.

Zakariya 3:1

HOSI Xikwembu xi ndzi komba Yoxuwa muprista lonkulu a yimile emahlweni ka ntsumi ya xona, xi ndzi komba na Sathana loyi a a yimile hi tlhelo ra xinene ra Yoxuwa, a tiyimisela ku n'wi mangalela.

Esaya 52:1

We muti wa Siyoni, suka u yima, yima u komba leswaku u ni matimba; we Yerusalema, muti lowo hlawuleka, ambala swiambalo swa wena leswo saseka, hikuva lava nga yimbangiki ni lava nga tengangiki va nga ka va nga ha ngheni eka wena.

1 TIHOSI 22:19

Kutani Mikaya a engeta a ku: “Loko swi ri tano, yingisa rito ra HOSI Xikwembu: Ndzi vonile HOSI Xikwembu xi tshamile exiluvelweni xa xona ematilweni; mavandla hinkwawo ya lava va xi tirhelaka a ma yimile evokweni ra xona ra xinene ni ra ximatsi.

2 SAMIELE 12:13

Kavaloko Davhida a ku ka Natani: “Ndzi dyohele HOSI Xikwembu.” Natani a ku ka Davhida: “HOSI Xikwembu xona xa ku rivalela; u nga ka u nga fi.

Nhlavutelo 5:11

Hiloko ndzi languta, kutani ndzi twa rito ra tintsumi leto tala, ta magidi ya magidi-gidi ya ntsandza-vahlayi, ti rhendzele xiluvelo ni swivumbiwa leswi hanyaka swa mune ni vakulukumba.

Matewu 22:11

“Kuteloko hosi yi nghenile ku ta languta lava tshamiseke eswakudyeni, yi vona munhu la nga ambalangiki xiambalo xa nkhuvo;

Ezekiele 42:14

Vaprista lava tirhaka exivandleni lexo hlawuleka ngopfu, va hluvulela swiambalo swa vona swa vuprista emakamarini lawa, hikuva swona swi hlawulekile, kutani va ambala swiambalo swin'wana, va nga si huma va ya hlangana ni vanhu, exivaveni xa le handle ka Tempele.”

Mikiya 7:19

U ta tlhela u hi twela vusiwana, u herisa milandzu ya hina hinkwayo; swidyoho swa hina u ta swi cukumeta hinkwaswo, swi ya wela eswidziveni swa lwandle.

Esaya 44:22

Milandzu ya n'wina, ndzi yi hangalasile kukota mapapa, ni swidyoho swa n'wina, ndzi swi nyamalarisile ku fana ni hunguva; vuyani eka mina, hikuva loyi a mi kutsuleke, hi mina.”

Yeremiya 52:33

Kutani Yoyakini a hluvula swiambalo swa yena swa vukhumbi, kutani ku sukela kwalaho, siku rin'wana ni rin'wana Yoyakini a a dya na hosi endlwini ya yona.