Zakariya 3:10 - BIBELE Mahungu Lamanene

¹⁰ “Esikwini rolero, mi ta rhambana hinkwenu, mi titshamela emindzhutini ya mirhi ya n'wina ya vhinya ni ya minkuwa. Ndzi vurisa sweswo mina HOSI ya matimba hinkwawo.”

Xitsonga (Bibele)

¹⁰ Esikwini rero, ku vula Yehovha wa tinyimpi, mi ta vitanana, un'wana ni un'wana ehansi ka murhi wa vhinya ni wa nkuwa.”

Zakariya 3:10 Referans Kwoze

1 TIHOSI 4:25

Enkarhini hinkwawo wa ku fuma ka Solomoni, vanhu va Yuda na Israele a va hanya hi ku rhula va hlayisekile, ku sukela eDani ku fikela eBerexeba, un'wana ni un'wana a titshamele endzhutini wa murhi wa yena wa vhinya, kumbe endzhutini wa nkuwa wa yena.

Mikiya 4:4

Munhu un'wana ni un'wana ú ta titshamela endzhutini wa murhi wa yena wa vhinya kumbe wa nkuwa, ku ri hava loyi a n'wi chavisaka. Leswi swi vuriwile hi HOSI Xikwembu xa matimba hinkwawo.

Zakariya 2:11

Hi siku rolero, vanhu va matiko layo tala va ta ndzi namarhela mina HOSI, kutani va ta endla tiko ra mina va aka exikarhi ka n'wina!” Enkarhini wolowo mi ta swi tiva leswaku HOSI ya matimba hinkwawo, hi yona yi ndzi rhumeke eka n'wina.

Hosiya 2:18

Hi siku rero, ndzi ta endla ntwanano exikarhi ka wena ni swiharhi swa nhova, ni tinyanyana, ni swikokovi; ndzi ta herisa tinyimpi etikweni hi ku tekela tinhenha evurha ni fumu, kutani u ta etlela u nga ha chavi nchumu!

Esaya 36:16

Rhabi-Xake a engeta a ku: “Hezekiya yoloye, mi nga n'wi yingisi, hikuva hosi ya Asiriya yi vurisa sweswo yi ri: ‘Vekani matlhari hansi, hi twanana! Humani, mi tinyiketa eka mina, kutani un'wana ni un'wana wa n'wina ú ta dya mihandzu ya murhi wa yena wa vhinya, ni mihandzu ya nkuwa wa yena; naswona ú ta nwa mati lama humaka exihlobyeni xa yena.

Esaya 32:18

Vanhu va ka hina va ta tshama endhawini leyi rhuleke, va ta aka miti leyi tiyeke, va wisa laha ku miyeleke.

Yeremiya 32:15

Naswona HOSI ya matimba hinkwawo Xikwembu xa Israele xi vula leswaku etikweni leri, ku ta tlhela ku xaviwa tindlu ni masimu ya mavele ni ya vhinya.’ ”

1 TIHOSI 5:5

Hikokwalaho, ndzi ni makungu yo aka yindlu yo twarisa vito ra HOSI Xikwembu xa mina, hikuva xi tshembisile tata wa mina Davhida, xi ku: ‘N'wana wa wena loyi ndzi nga ta n'wi nyika vuhosi bya wena, hi yena la nga ta aka yindlu yo twarisa vito ra mina.’