Zakariya 2:8 - BIBELE Mahungu Lamanene

⁸ HOSI Xikwembu xa matimba hinkwawo, lexi xi ndzi rhumeke ndzi ri ni ku dzuneka ka xona, xi vurisa sweswo ehenhla ka matiko lawa ya mi xanisaka, xi ri: “Lava va mi boxaka timbanga, swi fana ni loko va ndzi dlonyola mina HOSI.

Xitsonga (Bibele)

⁸ Hikuva Yehovha wa tinyimpi u te: Endzhaku ka ku kwetsima u ndzi rhumile eka matiko lama mi hlaseleke; hikuva loyi a mi khumbaka, u khumba ndzololo ya tihlo ra yena:

Zakariya 2:8 Referans Kwoze

Pisalema 17:8

Ndzi hlayise tanihi ndzololo ya tihlo ra wena, ndzi tumbete endzhutini wa timpapa ta wena,

Duteronoma 32:10

“Xi va kumile emananga, etikweni leri omeke, laha ku rilaka swivandzana ntsena; xi va sirhelerile, xi tikarhatela vona, xi va hlayisa kukota ndzololo ya tihlo ra xona.

Yohane 14:26

Kambe Muyimeri, a nga Moya lowo Kwetsima lowu Tatana a nga ta wu rhuma hi vito ra mina, ú ta mi dyondzisa hinkwaswo, ni ku mi tsundzuxa hinkwaswo leswi ndzi mi byeleke swona.

2 Vatesalonika 1:6

Xikwembu xi ta endla leswi lulameke: Xi ta ba lava va mi xanisaka, xi va vangela maxangu,

Matewu 25:40

Hosi yi ta va hlamula, yi ku: ‘Ndzi tiyisile ndzi ri ka n'wina, loko mi tshame mi endla swilo leswi eka un'wana wa vamakwerhu lavatsongo lava, mi swi endlele mina.’

1 Yohane 4:14

Na hina hi swi vonile, hi vuya hi tiyisa, leswaku Tatana ú rhumele N'wana ku va Muponisi wa misava.

Yohane 17:18

Tanihi leswi u ndzi rhumeke emisaveni, na mina ndzi va rhumile emisaveni.

Malakiya 3:1

HOSI ya matimba hinkwawo yi ri: “Vonani, ndzi ta rhuma nandza wa mina leswaku a ndzi khulelela ndlela. Kutani mina N'wini wa hinkwaswo loyi mi ndzi languteleke, ndzi ta hatla ndzi nghena eTempeleni ya mina. Vonani, nandza loyi mi n'wi tsakelaka, wa ta ku ta mi tivisa ta ntwanano wa mina.”

Sofoniya 2:8

HOSI Xikwembu xi ri: “Vamowabu, ndzi va twile loko va sandza, ni ku rhuketela ka Vaamoni ku fikile etindleveni ta mina, ndzi va twile loko va hlekula vanhu va mina, va tibumabuma, va ku va ta teka tiko ra Israele.

Habakuku 2:8

Leswi mi hlaseleke vaaki va matiko layo tala, hinkwavo lava saleke, hi vona lava nga ta mi hlasela, hikwalaho ka vanhu lava mi halateke ngati ya vona, kumbe hi mhaka ya leswi mi xaniseke matiko, ni miti, ku katsa ni vaaki hinkwavo va yona.

Mikiya 7:10

Valala va hina va ta swi vona, kutani va ta nyuma, vona lava a va ku: “HOSI Xikwembu xa n'wina xi kwihi xana?” Vanhu lava va ta kandziyeriwa ku fana ni ndzhope emagondzweni, hina hi ta languta kunene.

Mikiya 5:6

va ta hlula Asiriya, tiko ra va ka Nimrodo, va ri fuma hi matlhari. Loko Vaasiriya va ringeta ku nghena etikweni ra hina, murhangeri wa hina ú ta hi lwela.

Mikiya 4:11

We Yerusalema, vanhu va matiko layo tala va hlengeletanile va lava ku ku hlasela, va ri: “Muti wa Siyoni wu fanele ku nyamisiwa, hi tikhorisa hi ku vona leswi nga ta humelela!”

Amosi 1:13

HOSI yi vurisa sweswo yi ri: “Ndzi nga ka ndzi nga tshiki ku ba Vaamoni, hikuva va dyoha va vuyelela-vuyelela: Loko va ri karhi va lwela ku engetela tiko ra vona, va handzurile makhwiri ya vavasati lava tikeke va le Giliyadi.

Amosi 1:11

HOSI yi vurisa sweswo yi ri: “Ndzi nga ka ndzi nga tshiki ku ba vanhu va le Edomu, hikuva va dyoha va vuyelela-vuyelela: Va hlotile vamakwavo ku va dlaya, va ala ku va twela vusiwana; va hlundzukile swi nga heli, va nga pfumeli ku tshika vukari bya vona.

Amosi 1:9

HOSI yi vurisa sweswo yi ri: “Ndzi nga ka ndzi nga tshiki ku ba vanhu va muti wa Tiri, hikuva va dyoha va vuyelela-vuyelela: Va yisile mintshungu ya vanhu evukhumbini, va va nyiketa eka Vaedomu, va tshova ntwanano wa xinakulobye.

Ezekiele 35:5

N'wina va le Edomu, i khale mi ri karhi mi vengana ni Vaisraele. Esikwini leri va nga wela hi khombo, va biwa hi nkhavi lowukulu hikwalaho ka swidyoho swa vona, n'wina mi va tshikile va dlawa hi matlhari.

Ezekiele 26:2

“Yingisa we Ezekiele, va le Tiri va tsakela ku wa ka Yerusalema, va ri: ‘Aháà muti lowu a wu vuriwa Nyangwa ya Vamatiko, sweswi wu hlaseriwile, hina hi ta teka ndhawu ya wona hi kuma mabindzu ya wona hinkwawo, hikuva Yerusalema i marhumbi ntsena!’

Ezekiele 25:15

HOSI N'wini wa hinkwaswo ú ri: “Vafilista va xanisile va ka Yuda ku tlula mpimo. I khale va ri karhi va va venga, kutani va ringetile ku va dlaya va va heta.

Ezekiele 25:12

HOSI N'wini wa hinkwaswo ú ri: “Vanhu va le Edomu va tivangele nandzu, hikuva va tirihiserile eka va ka Yuda, va va dyohela ku tlula mpimo.

2 TIHOSI 24:2

HOSI Xikwembu xi rhumela mavuthu ya Vakalediya, ni ya Vasiriya, ni ya va le Mowabu, ni ya Vaamoni, ma ya lwa na Yoyakimi; xi ma rhumela leswaku ma ya lwa na tiko ra Yuda, ma ri herisa, hilaha xi vuleke hakona hi milomo ya vaprofeta malandza ya xona.

Genesa 20:6

Hiloko Xikwembu xi vulavula na yena enorhweni xi ku: “Kunene wa vurisa; ndza swi tiva leswaku u endlile mhaka leyi hi mbilu yo ntshunxeka, hikokwalaho ndzi endleke leswaku u nga ndzi dyoheli. Hi mina ndzi ku siveleke ku khumba wansati loyi.

Zakariya 2:11

Hi siku rolero, vanhu va matiko layo tala va ta ndzi namarhela mina HOSI, kutani va ta endla tiko ra mina va aka exikarhi ka n'wina!” Enkarhini wolowo mi ta swi tiva leswaku HOSI ya matimba hinkwawo, hi yona yi ndzi rhumeke eka n'wina.

Zakariya 2:9

Vonani, ndzi ta tlakusa voko ra mina ehenhla ka vona ndzi va ba, kutani va ta tekeriwa swilo swa vona hi lava a va ri mahlonga ya vona.” Enkarhini wolowo mi ta swi tiva leswaku HOSI ya matimba hinkwawo, hi yona leyi yi ndzi rhumeke.

Matewu 25:45

Kutani Hosi yi ta va hlamula, yi ku: ‘Ndzi tiyisile ndzi ri ka n'wina, loko mi nga endlelanga un'wana wa lavatsongo lava, na mina a mi ndzi endlelanga.’

Timhaka 9:4

Kutani a wela ehansi, a twa rito leri nge ka yena: “Sawulo, Sawulo! U ndzi xanisela yini?”

Habakuku 2:17

Ku xanisa ka wena eLebanoni ku ta ku hundzukela; ndlela leyi u onheke swiharhi ha yona, yi ta ku vangela ku chava lokukulu, hikwalaho ka vanhu lava u halateke ngati ya vona, kumbe hi mhaka ya leswi u xaniseke tiko, ni miti, ku katsa ni vaaki hinkwavo va yona.

Swivuriso 7:2

Hlayisa switsundzuxo swa mina, u ta hanya, ni milawu ya mina, yi hlayise kukota ndzololo ya tihlo ra wena;

Yeremiya 12:14

HOSI Xikwembu xi vurisa sweswo xi ri: “Vamatiko hinkwavo lava akelaneke ni Vaisraele vanhu va mina, va bihile. Loko vo tshuka va khumba tiko leri ndzi ri nyikeke Vaisraele leswaku ri va ra vona, ndzi ta va hlongola ematikweni ya vona, kutani ndzi kutsula va ka Yuda emavokweni ya vona.

Yeremiya 27:7

Vanhu va matiko hinkwawo va ta n'wi tirhela, yena ni vana va yena ni vatukulu va yena, ku kondza ku fika nkarhi wa ku biwa ka tiko ra yena, kutani ri ta fumiwa hi tinxaka tin'wana leto tala ni tihosi tin'wana ta matimba.

Ezekiele 26:20

ndzi ta ku rhelerisa exivandleni xa vafi, u ya hlangana ni lava feke khale; ndzi ta ku tshika etindhawini leti nga hansi ka misava, emarhumbini ya khale, u hlangana kona ni lava feke; hikokwalaho a ku nga ha tshami munhu eka wena, a ndzi nga ha ku nyiki vutshamo exikarhi ka lava hanyaka.

Ezekiele 38:14

“Wena munhu, vulavula na Gogo u n'wi byela leswaku mina HOSI N'wini wa hinkwaswo ndzi ni rito eka yena leri nge: ‘Enkarhini lowu Vaisraele vanhu va mina va ha titwaka va tshamisekile va nga chavi nchumu, wena Gogo u ta pfuka,

Esaya 49:19

“Loko ri ri tiko ra wena leri hundzuriweke rhumbi, ni tindhawu ta wena leti hlaseriweke ti sala ti nga ri na nchumu, swi ta va swi nga ringananga ku tshamisa vanhu va wena lava vuyaka, vanhu lava a va ku hlurile, vona va ta va va ri kule swinene.

Ezekiele 36:11

Ndzi ta andzisa vanhu ni swifuwo swa vona laha ka n'wina, va kuma vana lavo tala. Mi ta tlhela mi va ni lava akeke ka n'wina ku fana ni khale; ndzi ta mi katekisa ku tlula ni le minkarhini leyi hundzeke, kutani mi ta tiva leswaku HOSI Xikwembu, hi mina!

Ezekiele 38:11

u tiyimisela ku ya hlasela tiko leri. Miti ya rona yi pfulekile, a yi na rirhangu kumbe timbanti leti gogiweke, ni vaaki va rona va titwa va tshamisekile, a va vileli hi nchumu.

Zakariya 8:5

Hambi ku ri emagondzweni ya muti, ku ta tala vafana ni vanhwanyana, lava tihuhelaka.”