Zakariya 2:7 - BIBELE Mahungu Lamanene

⁷ N'wina lava mi tshamaka exikarhi ka va le Babilona, pfukani mi vuyela eSiyoni!”

Xitsonga (Bibele)

⁷ Yo! Siyoni u pona, wena la akeke eka n'wana Babilona!

Zakariya 2:7 Referans Kwoze

Esaya 48:20

Sukani eBabilona, mi huma etikweni ra Vakalediya, banani minkulungwana mi twarisa mhaka leyi, yi tiviseni ku ya fika evugimamusi, mi ku: “HOSI Xikwembu xi kutsurile va ka Yakobo malandza ya xona!”

Nhlavutelo 18:4

Kutani ndzi twa rito rin'wana leri humaka etilweni ri ku: “N'wina vanhu va mina, humani mi n'wi siya, leswaku mi ta kala mi nga ngheni eswidyohweni swa yena, mi ta kala mi nga weriwi hi maxangu ya yena,

Timhaka 2:40

Petro a tiyisa vumbhoni bya yena hi marito man'wana layo tala, a va khongotela a ku: “Hambanani ni rixaka leri ro homboloka leswaku mi ta pona.”

Yeremiya 51:6

Humani emutini wa Babilona, tiponiseni hinkwenu! Mi nga tshuki mi dlayiwa swin'we ni va le Babilona, hikuva lowu hi wona nkarhi wa HOSI wo tirihisela, yi rihiseta leswi endliweke emutini lowu.

Esaya 52:11

Sukani! Sukani! Humani eBabilona mi famba, mi nga tshuki mi khumba swilo leswi nga tengangiki. Humani etikweni rero! N'wina mi rhwalaka swibya swa HOSI Xikwembu, mi fanele ku tibasisa.

Genesa 19:17

Loko va va humeserile ehandle ka muti, HOSI Xikwembu xi ku ka Lota: “Loko u lava ku pona, tsutsuma u nga languti endzhaku, naswona u nga yimi laha nkoveni; tsutsumela etintshaveni u ta ka u nga lovisiwi.”

Mikiya 4:10

Solovanyani mi konya ku fana ni wansati la nga ku tintshunxeni, hikuva sweswi mi ta huma emutini wa n'wina mi ya tshama enhoveni; mi ta ya eBabilona! Hambiswiritano, HOSI Xikwembu xi ta ta kwale xi ta mi lamulela, xi ta ta xi ta mi kutsula emavokweni ya valala va n'wina.

Yeremiya 51:45

N'wina vanhu va mina, humani eBabilona, tiponiseni mi baleka vukari bya mina lebyi pfurhaka.

Yeremiya 50:8

“N'wina vanhu va mina, sukani exikarhi ka va le Babilona, humani etikweni ra Vakalediya; n'wina vafambisi, khomani ndlela, mi rhangela ntlhambi kukota swiphongho.

Esaya 52:2

We Yerusalema, phumunha ritshuri, pfuka u ya tshama exiluvelweni xa wena. Tsemani tintambhu leti mi bohiweke tinhamu ha tona, n'wina vaaki va muti wa Siyoni lava nga vukhumbini.

Tinhlayo 16:34

Loko Vaisraele hinkwavo lava a va ri kusuhi va twa ku kalakala ka vona, va suka va tsutsuma, va ku: “Loko ho yima, misava leyi yi ta hi mita na hina.”

Tinhlayo 16:26

Kutani Muxe a ku ka ntshungu: “Ndzi kombela leswaku mi suka emintsongeni ya vabihi lava, naswona mi nga khumbi nchumu xa vona, hikuva mi nga ta herisiwa na vona, hi mhaka ya swidyoho swa vona.”

Esaya 47:1

HOSI Xikwembu xi ri: “We Babilona, muti wa Vakalediya, xika exiluvelweni xa wena, u tshama hansi eritshurini; wena la fanaka ni nhwanyana la nga si tivanaka ni wanuna, u nga ka u nga ha vuriwi ‘lowo tirhandza, wo tihlayisa’!