Zakariya 2:5 - BIBELE Mahungu Lamanene

⁵ HOSI Xikwembu xi vurisa sweswo xi ri: Ndzi ta va rirhangu ra ndzilo leri nga ta rhendzela muti wa Yerusalema, kutani ndzi ta twakala exikarhi ka wona.’ ”

Xitsonga (Bibele)

⁵ Loko ndzi ri mina, ku vula Yehovha, ndzi ta va rirhangu ra ndzilo lowo wu rhendzelaka exikarhi, ndzi ta va ku kwetsima exikarhi ka wona.’ ”

Zakariya 2:5 Referans Kwoze

Esaya 4:5

Muti hinkwawo lowu nga ntshaveni ya Siyoni, ni hinkwako laha vanhu va hlengeletanaka kona, HOSI Xikwembu xi ta swi funengeta hi papa ninhlekanhi, nivusiku xi ta swi funengeta hi musi ni ndzilo lowu pfurhaka. Ku kwetsima ka HOSI Xikwembu ku ta va xisirhelelo lexi khubumetaka muti matlhelo hinkwawo.

Pisalema 3:3

Kambe we HOSI, u xitlhangu xa mina matlhelo hinkwawo, ndzi tidzunisa hi wena, hi wena u ndzi nyikaka xiyimo.

Zakariya 9:8

Ndzi ta rhendzela yindlu ya mina ndzi yi sirhelela, leswaku mavuthu ma nga ha hundza-hundzi eka yona; nala a nga ka a nga ha ngheni a hlasela vanhu va mina, hikuva sweswi ndzi mulanguteri wa vona.”

Nhlavutelo 21:23

Muti a wu lavi dyambu kumbe n'weti ku wu voninga, hikuva wu voningiwa hi ku kwetsima ka Xikwembu, kutani Xinyimpfana i rivoni ra wona.

Esaya 12:6

Banani minkulungwana, mi tsaka, n'wina vaaki va Siyoni, hikuva Xikwembu lexikulu, xona Muhlawuleki wa Israele, xi tshama exikarhi ka n'wina.”

Pisalema 48:3

Xikwembu xi le ndzeni ka makhokholo ya yona, xi tiveka xi ri mulweri wa yona.

Esaya 33:21

Emutini lowu, HOSI Xikwembu xi ta hi komba ku dzuneka ka xona, eka wona ku ta khuluka milambu leyikulu ni swinambyana, kambe a ku nga fambi swikwekwetsu emilambyeni leyi, hambi ti ri tingalava ta matiko a ti nga hundzi hi kona.

Luka 2:32

ku nga ku vonakala loku nga ta voninga matiko, ni loku Israele tiko ra wena ri nga ta tidzunisa ha kona.”

Pisalema 48:12

Famba-fambani, mi rhendzeleka ni muti wa Siyoni, mi hlaya ni swihondzo swa wona;

Pisalema 46:5

Xikwembu xi le mutini wa kona, a ku na loyi a nga wu ninginisaka, hikuva Xikwembu xi ta wu sirhelela ka ha ri mpundzu.

Pisalema 85:9

Hakunene Xikwembu xi le kusuhi ni lava va xi chavaka: Xi ta va ponisa, kutani ku dzuneka ka xona a ku nga ha suki etikweni ra hina.

Pisalema 125:2

Tanihi tintshava leti rhendzelaka muti wa Yerusalema, HOSI Xikwembu xi rhendzele vanhu va xona sweswi ni masiku hinkwawo.

Esaya 31:9

Hosi ya vona leyi a yi fana ni ribye hi ku tiya, yi ta baleka, ni tindhuna ta yona ti ta cukumeta mijeko, ti suka ti tsutsuma hi ku chava. HOSI Xikwembu xi vurisa sweswo; ndzilo wa xona wu pfurha entshaveni ya Siyoni, wu tshiveriwile emutini wa Yerusalema.

Esaya 32:18

Vanhu va ka hina va ta tshama endhawini leyi rhuleke, va ta aka miti leyi tiyeke, va wisa laha ku miyeleke.

Ezekiele 38:14

“Wena munhu, vulavula na Gogo u n'wi byela leswaku mina HOSI N'wini wa hinkwaswo ndzi ni rito eka yena leri nge: ‘Enkarhini lowu Vaisraele vanhu va mina va ha titwaka va tshamisekile va nga chavi nchumu, wena Gogo u ta pfuka,

Ezekiele 42:20

Hi ndlela leyi, mupimi a kuma leswaku rirhangu leri rhendzelaka Tempele a ri ri ni matlhelo ya mune lama ringanaka, a ri lehile 250 m, ri anamile 250 m. Ntirho wa rona a ku ri ku hambanisa laha ku hlawulekeke, ni laha ku nga hlawulekangiki.

Zakariya 2:10

HOSI Xikwembu xi vurisa sweswo xi ri: “N'wina vaaki va Yerusalema, banani nkulungwana mi tsaka, hikuva vonani, ndzi ta ta ndzi ta aka exikarhi ka n'wina.

Zakariya 2:11

Hi siku rolero, vanhu va matiko layo tala va ta ndzi namarhela mina HOSI, kutani va ta endla tiko ra mina va aka exikarhi ka n'wina!” Enkarhini wolowo mi ta swi tiva leswaku HOSI ya matimba hinkwawo, hi yona yi ndzi rhumeke eka n'wina.

Zakariya 9:14

HOSI Xikwembu xi ta vonaka ehenhla ka valala, xi va tlhava hi miseve ya rihati. N'wini wa hinkwaswo ú ta chaya nanga, a ta hi xidzedze xa le dzongeni.

Yeremiya 31:39

Kutani va ta aka rirhangu ri hundza hi le ntshaveni ya Garebe, ri kongoma le Gowa.

Ezekiele 47:3

Mupimi a famba a kongoma evuxeni a ri ni ngoti yo pima ha yona. Ku sukela enyangweni ya le vuxeni, a pima 500 m, kutani a ndzi lerisa ku pela; mati ya kona a ma fika emahlakaleni.

Zakariya 1:16

Kutani marito ya mina HOSI hi lawa: Muti wa Yerusalema, ndzi ta tlhela ndzi wu tsetselela, kutani yindlu ya mina yi ta akiwa eka wona. Ndzi vurisa sweswo, mina HOSI ya matimba hinkwawo: Ngoti ya ku pima ha yona yi ta vambiwa ehenhla ka Yerusalema.