Zakariya 2:12 - BIBELE Mahungu Lamanene

¹² Va le Yuda va ta fumiwa hi HOSI Xikwembu, va va ndzhaka ya xona etikweni lero hlawuleka, kutani xona xi ta tlhela xi tihlawulela muti wa Yerusalema.

Xitsonga (Bibele)

¹² Yehovha u ta fuma Yuda, yi va ndzhaka ya yena etikweni leri hlawuriweke u ta tihlawulela Yerusalema, kambe!”

Zakariya 2:12 Referans Kwoze

Zakariya 1:17

Va byele leswaku mina HOSI ya matimba hinkwawo ndzi ri: Miti ya mina yi ta tlhela yi kuma minkateko leyo tala; ndzi ta tlhela ndzi chavelela ntshava ya Siyoni, ndzi tlhela ndzi tihlawulela muti wa Yerusalema.”

Duteronoma 32:9

Kambe xona xi tihlawulele va ka Yakobo, ku va ndzhaka ya xona ya xiviri.

Yeremiya 10:16

Xikwembu xa va ka Yakobo a xi fani ni swikwembu leswi: Hi xona xi vumbeke swilo hinkwaswo, kutani Vaisraele i vanhu va xona va xiviri. Vito ra xona i HOSI ya matimba hinkwawo.

Pisalema 33:12

Ku katekile tiko leri HOSI Xikwembu xi nga Xikwembu xa rona, lava xi va hlawuleke ku va vanhu va xona, a hi ku kateka ka vona!

Yeremiya 51:19

Xikwembu xa va ka Yakobo a xi fani ni swikwembu leswi, hikuva hi xona xi vumbeke swilo hinkwaswo, kutani xi ni vanhu lava nga va xona hi xiviri; vito ra xona i HOSI ya matimba hinkwawo.

Esaya 41:9

Ndzi mi tekile emakun'wini ya misava, ndzi mi vitanile mi ri etindhawini ta le kule, ndzi ku: ‘Mi malandza ya mina, ndzi mi hlawurile, ndzi nga ka ndzi nga mi cukumeti!’

Pisalema 135:4

HOSI Xikwembu xi tihlawulele Vaisraele, vona va ka Yakobo, leswaku va va vanhu va xona va xiviri.

Pisalema 82:8

We Xikwembu, tana u ta avanyisa misava, hikuva matiko hinkwawo ma le hansi ka wena.

2 TIKRONIKA 6:6

Kambe sweswi ndzi hlawurile muti wa Yerusalema, leswaku vito ra mina ri dzunisiwa eka wona, naswona ndzi hlawurile Davhida, leswaku a va hosi ya vanhu va mina va Israele.’ ”

Pisalema 132:13

Hakunene HOSI Xikwembu xi tihlawulerile muti wa Siyoni, xi tsakela ku tshama eka wona.

Pisalema 132:14

Xi ri: “Laha hi kona ndzi nga ta tshama ndzi wisa minkarhi hinkwayo, hikuva ndza ku tsakela.

Esaya 14:1

Vaisraele, va nga vona va ka Yakobo, HOSI Xikwembu xi ta tlhela xi va twela vusiwana, xi tihlawulela vona, xi va yisa etikweni ra vona. Vanhu va le handle va ta famba swin'we na vona, va tinamarheta eka vona.

Zakariya 3:2

Kutani ntsumi ya HOSI Xikwembu yi ku ka Sathana: “We Sathana, HOSI Xikwembu lexi hlawuleke Yerusalema, a xi ku laye xi ku pfala nomo. Xana Yoxuwa a nga fani ni rihunyi leri susiweke endzilweni xana?”

Duteronoma 32:10

“Xi va kumile emananga, etikweni leri omeke, laha ku rilaka swivandzana ntsena; xi va sirhelerile, xi tikarhatela vona, xi va hlayisa kukota ndzololo ya tihlo ra xona.

Estere 6:13

Hamani a rungulela Zerexa nsati wa yena ni vanghana hinkwavo va yena hinkwaswo leswi swi n'wi humeleleke; kutani vatsundzuxi lava va yena ni nsati wa yena Zerexa va ku ka yena: “Loko Mordekayi loyi a sunguleke ku ku wisa a ri wa rixaka ra Vayuda, ú ta ku wisela makumu, u nga ha pfuki!”

Pisalema 105:15

xi ku: “Mi nga tshuki mi khumba vahlawuriwa va mina, vaprofeta va mina, mi nga tshuki mi va karhata!”

Esaya 17:14

Va ta chavisa vanhu nimadyambu ntsena, nimixo va ta va va nyamalarile! Leswi hi swona swi nga ta humelela lava va hi hlaselaka, va ta herisa sweswo lava phanghaka swa hina.

Yeremiya 30:16

Hambiswiritano, hinkwavo lava va ku hlaselaka, ndzi ta va hlasela na vona, valala va wena hinkwavo va ta yisiwa evukhumbini; lava phanghaka swilo swa wena, ni swa vona swi ta phanghiwa, hinkwavo lava va ku tekelaka swa wena, na vona va ta tekeriwa swa vona.