Zakariya 2:11 - BIBELE Mahungu Lamanene

¹¹ Hi siku rolero, vanhu va matiko layo tala va ta ndzi namarhela mina HOSI, kutani va ta endla tiko ra mina va aka exikarhi ka n'wina!” Enkarhini wolowo mi ta swi tiva leswaku HOSI ya matimba hinkwawo, hi yona yi ndzi rhumeke eka n'wina.

Xitsonga (Bibele)

¹¹ Matiko ya ku tala ma ta namarhela Yehovha hi siku rero kutani va ta va tiko ra mina; ndzi ta tshama exikarhi ka wena, u ta tiva leswaku Yehovha wa tinyimpi u ndzi rhumile eka wena.

Zakariya 2:11 Referans Kwoze

Nhlavutelo 11:15

Hiloko ntsumi ya vu-7 yi chaya nanga ya yona, kutani ku twakala ni marito lama huwelelaka hi le tilweni ma ku: “Matimba ya ku fuma misava, sweswi ma nyikiwile Hosi ya hina ni Mesiya wa yona, kutani ú ta fuma hilaha ku nga heriki.”

Timhaka 28:28

“Loko swi ri tano, swi tiveni leswaku mahungu ya ku ponisiwa hi Xikwembu ma rhumeriwile vamatiko; vona va ta ma yingisa.” [

Luka 2:32

ku nga ku vonakala loku nga ta voninga matiko, ni loku Israele tiko ra wena ri nga ta tidzunisa ha kona.”

Esaya 45:14

HOSI Xikwembu xi vurisa sweswo xi ri: “Rifuwo ra tiko ra Egipta, ni mabindzu ya vanhu va le Etiyopiya, ni ya vanhu lavo leha va le Seba, swi ta tisiwa eka n'wina, swi va swa n'wina; vanhu lava va ta mi landza, va ta ta va bohiwile, va fika va mi nkhinsamela, va mi khongela va ku: ‘Xikwembu, hi lexi xi nga na n'wina, a ku na xin'wana, ehandle ka xona, xikwembu xin'wana ku hava.’ ”

Yohane 17:21

ndzi navela leswaku hinkwavo va va un'we, ku fana ni leswi wena Tatana u nga ka mina, na mina ndzi nga ka wena, leswaku na vona va va eka hina, kutani misava yi ta pfumela leswaku u ndzi rhumile.

Malakiya 1:11

“Vito ra mina i rikulu exikarhi ka vanhu va misava hinkwayo; endhawini yin'wana ni yin'wana, vanhu va ndzi hisela mirhi ya risuna, va ndzi humesela magandzelo lama tengeke. Hakunene, vito ra mina i rikulu exikarhi ka vanhu va matiko hinkwawo. Ndzi vula sweswo, mina HOSI ya matimba hinkwawo.

Zakariya 3:10

“Esikwini rolero, mi ta rhambana hinkwenu, mi titshamela emindzhutini ya mirhi ya n'wina ya vhinya ni ya minkuwa. Ndzi vurisa sweswo mina HOSI ya matimba hinkwawo.”

Ezekiele 33:33

Kasi leswi u swi vulaka, swi ta humelela hakunene! Esikwini rero, hi kona va nga ta tiva leswaku a ku ri ni muprofeta wa xiviri exikarhi ka vona.”

Yeremiya 16:19

We HOSI, u ntamu wa mina ni khokholo ranga, enkarhini wa maxangu ndzi tumbela eka wena. Vanhu va tinxaka hinkwato va ta ta eka wena, va huma ematlhelo hinkwawo ya misava, va ta fika va ku: “Ndzhaka ya vatata wa hina i mavunwa ntsena, swikwembu swa vona a swi pfuni nchumu.

Esaya 66:19

Ndzi ta veka xikombiso xa matimba ya mina exikarhi ka vona, kutani ndzi ta rhuma lava poneke ku ya tivisa ku dzuneka ka mina eka vanhu va matiko man'wana. Va ta ya eTarxixi, ni le Putu, ni le Ludu, ri nga tiko ra lava tivaka ku konga vurha; va ta ya ni le Tubala, ni le Yavhani, ni le swihlaleni swa le kule. Vanhu lava hinkwavo a va si tshama va twa kumbe ku vona ku dzuneka ka mina.

Esaya 52:10

HOSI Xikwembu xi ta kombisa matimba ya xona layo hlawuleka, vanhu va matiko hinkwawo va ta ma vona; misava hinkwayo yi ta swi vona loko Xikwembu xa hina xi ponisa vanhu va xona.

Pisalema 72:17

Vito ra mufumi wa tiko a ri tiviwe hilaha ku nga heriki, a ri twakale hinkwako ehansi ka dyambu. Vanhu hinkwavo a va navelelane minkateko hi vito rero, matiko hinkwawo ma tlangela yena n'wini wa rona.

Yohane 17:25

Tatana la lulameke, misava a yi ku tivanga, kambe mina ndzi ku tivile, kutani vanhu lava va swi tivile leswaku ndzi rhumiwile hi wena.

Yohane 17:23

Mina eka vona, na wena eka mina, leswaku va endliwa lava hetisekeke, va kondza va va un'we, kutani misava yi ta tiva leswaku u ndzi rhumile, ni leswaku u va rhandzile ku fana ni leswi u ndzi rhandziseke xiswona.

Eksoda 12:49

“Eka munhu wa rixaka ra Israele, ni le ka munhu wa le handle loyi a luveleke erixakeni ra Israele, ku ta tirha nawu wun'we.”

Esaya 48:16

Tshinelani ekusuhi, ndzi ta mi byela leswi: Ku sukela eku sunguleni, a ndzi si tshama ndzi vulavulela exihundleni, swilo hinkwaswo swi humelela mina ndzi ri kona.” HOSI N'wini wa hinkwaswo ú ndzi nyikile Moya wa yena, a ndzi rhuma.

Mikiya 4:2

Vanhu va tinxaka to tala va ta rhambana va ku: “Tanani hi ya khandziya ntshava ya HOSI, hi kongoma endlwini ya Xikwembu xa Yakobo; xi ta hi dyondzisa leswi xi lavaka swona, kutani hi ta famba endleleni ya xona!” Emutini wa Siyoni, hi kona ku nga ta huma Nawu, Rito ra HOSI ri ta huma eYerusalema.

Zakariya 1:16

Kutani marito ya mina HOSI hi lawa: Muti wa Yerusalema, ndzi ta tlhela ndzi wu tsetselela, kutani yindlu ya mina yi ta akiwa eka wona. Ndzi vurisa sweswo, mina HOSI ya matimba hinkwawo: Ngoti ya ku pima ha yona yi ta vambiwa ehenhla ka Yerusalema.

Zakariya 2:5

HOSI Xikwembu xi vurisa sweswo xi ri: Ndzi ta va rirhangu ra ndzilo leri nga ta rhendzela muti wa Yerusalema, kutani ndzi ta twakala exikarhi ka wona.’ ”

Zakariya 8:3

HOSI Xikwembu xi ri: “Ndzi ta vuyela eSiyoni, ndzi ta tlhela ndzi tshama emutini wa Yerusalema. Muti wa Yerusalema wu ta thyiwa vito ra ‘Mutshembeki’; ntshava ya HOSI ya matimba hinkwawo yi ta vuriwa ‘Muhlawuleki’.”

Zakariya 8:8

Ndzi ta va vuyisa va ta tshama eYerusalema; va ta va vanhu va mina, mina ndzi va Xikwembu xa vona xo lulama, lexi tshembekaka.”

Esaya 52:11

Sukani! Sukani! Humani eBabilona mi famba, mi nga tshuki mi khumba swilo leswi nga tengangiki. Humani etikweni rero! N'wina mi rhwalaka swibya swa HOSI Xikwembu, mi fanele ku tibasisa.

Yeremiya 50:8

“N'wina vanhu va mina, sukani exikarhi ka va le Babilona, humani etikweni ra Vakalediya; n'wina vafambisi, khomani ndlela, mi rhangela ntlhambi kukota swiphongho.