Zakariya 14:5 - BIBELE Mahungu Lamanene

⁵ Mi ta baleka hi nkova lowu, lowu pfulekeke exikarhi ka tintshava, hikuva wu ta fika ni le Asala; mi ta chava mi tsutsuma, ku fana ni leswi mi tsutsumiseke xiswona siku misava yi nga tsekatseka, enkarhini lowu hosi Uziya a a fuma tiko ra Yuda. Kutani HOSI Xikwembu xa mina xi ta ta, swin'we ni swivumbiwa swa xona leswo hlawuleka.

Xitsonga (Bibele)

⁵ Mi ta tsutsuma hi nkova wa tintshava ta mina, hikuva nkova wa tintshava wu ta fika eAsele; kutani mi tsutsuma kukotisa siku mi nga tsutsuma loko misava yi tsekatseka, emikarhini ya Uziya, hosi ya Yuda. Kutani Yehovha, Xikwembu xa mina, u ta ta, a ri ni vakwetsimi hinkwavo.

Zakariya 14:5 Referans Kwoze

Amosi 1:1

Lawa i marito ya Amosi, un'wana wa vafuwi va tinyimpfu emutini wa Tekowa. Xikwembu xi n'wi tivisile wona hi xivono malembe mambirhi ku nga si va ni ku tsekatseka ka misava, leswaku a ya tshinya Israele; enkarhini lowu, tiko ra Yuda a ri fumiwa hi hosi Uziya, ra Israele a ri fumiwa hi hosi Yerobuwamu n'wana Yowasi.

Matewu 25:31

“Siku N'wana-wa-Munhu a taka hi ku kwetsima ka yena, ni tintsumi hinkwato ti ri na yena, ú ta tshamisa exiluvelweni xa yena xo kwetsima.

Matewu 16:27

Hikuva N'wana-wa-Munhu ú ta vuya hi ku kwetsima ka Tata wa yena, a ri ni tintsumi ta yena, kutani hi kona a nga ta nyika un'wana ni un'wana hi ku ya hi mintirho ya yena.

1 Vatesalonika 3:13

hi mukhuva wolowo, yi ta tiyisa timbilu ta n'wina, kutani mi ta pfumala nandzu, mi va lava hlawulekeke emahlweni ka Xikwembu Tata wa hina, siku Hosi ya hina Yesu a nga ta vuya ha rona, swin'we ni vahlawuriwa va yena hinkwavo.

Esaya 29:6

HOSI ya matimba hinkwawo yi ta ta yi ta mi lwela; tilo ri ta baleka, misava yi ninginika, ku va ni huwa leyikulu, ni xidzedze, ni xihuhuri, ni ndzilo lowu pfurhaka.

Nhlavutelo 20:4

Kutani ndzi vona swiluvelo; lava tshameke ehenhla ka swona, va nyikiwa matimba ya ku avanyisa. Naswona, ndzi vona mimoya ya lava tsemiweke tinhloko hi mhaka ya ku twarisa vumbhoni bya Yesu ni ya ku vula Rito ra Xikwembu. A va gandzelanga xivandzana kumbe xifaniso xa xona, a va funghiwanga hi mfungho wa xona emimombyeni ya vona, kumbe emavokweni ya vona. Kutani va tlhela va hanya, va fuma na Kriste malembe ya 1 000.

Nhlavutelo 11:13

Hi nkarhi wolowo ku va ni ku tsekatseka lokukulu ka misava, kutani xiphemu xin'we xa khume xa muti xi hindzimuka, ku fa vanhu va 7 000 va dlawa hi ku tsekatseka loku. Lava saleke va khomiwa hi ku chava lokukulu, kutani va dzunisa Xikwembu xa le tilweni.

2 Vatesalonika 2:8

Kutani hi kona loko munhu lowo homboloka a nga ta humeseriwa erivaleni, kutani Hosi Yesu ú ta n'wi dlaya hi moya lowu humaka enon'weni wa yena, a n'wi lovisa hi ku kwetsima ka yena, siku a taka.

Pisalema 96:13

hikuva HOSI Xikwembu xa ta ku ta fuma misava; xi ta yi avanyisa hi ku lulama, xi fambisa vamatiko entiyisweni wa xona.

Duteronoma 33:2

a ku: “HOSI Xikwembu xi tile xi huma entshaveni ya Sinayi, xi hi voningile xi ri eSeyira, xi vangama xi ri entshaveni ya Parani, xi tile ni madzana-dzana ya vahlawuriwa va xona, evokweni ra xinene xi khomile ndzilo lowu vuvumelaka.

Nhlavutelo 20:11

Kutani ndzi vona xiluvelo lexikulu xo basa, na yena loyi a tshameke ehenhla ka xona; loko tilo ni misava swi n'wi vona, swi baleka swi ya kule, kutani ndhawu ya swona a ya ha vanga kona.

Yakobo 5:8

Na n'wina, lehisani timbilu mi tiyisela, hikuva ku ta ka Hosi ku kusuhi.

Luka 21:27

Hi kona va nga ta vona N'wana-wa-Munhu a ta hi papa, a ri ni matimba ni ku kwetsima lokukulu.

Matewu 24:3

Kuteloko a tshamile eNtshaveni ya Mitlhwari, vadyondzisiwa va ta ka yena etlhelweni, va ku: “Hi byele, xana timhaka leti ti ta humelela rini xana? Xana xikombiso xa ku vuya ka wena ni xa ku hela ka minkarhi xi ta va xihi ke?”

Pisalema 98:9

loko HOSI Xikwembu xi ta ku ta fuma misava. Xi ta yi avanyisa hi ku lulama, vamatiko xi ta va fambisa hi nawu.

Tinhlayo 16:34

Loko Vaisraele hinkwavo lava a va ri kusuhi va twa ku kalakala ka vona, va suka va tsutsuma, va ku: “Loko ho yima, misava leyi yi ta hi mita na hina.”

Yuwele 3:11

Hatlisani mi ta, n'wina matiko hinkwawo, mi huma ematlhelweni hinkwawo, kutani mi ta hlengeletana kwala.” Kutani mina ndzi ta ku: “We HOSI, rhumela mavuthu ya wena!”

Zakariya 4:7

“We nhulu leyikulu ya maribye, wo va yini? Emahlweni ka Zerubabele, u ta hundzuka rivala, kutani yena ú ta humesa ribye ra yinhla, ntshungu wu ri karhi wu huwelela wu ku: ‘Ribye leri a ri katekisiwe, a ri katekisiwe!’ ”

Mikiya 1:11

N'wina va le Xafiri, nghenani endleleni mi tsutsuma, fambani ni tingana ta n'wina mi nga ambalanga nchumu. N'wina va le Saanana, a mi tikarhatanga ku huma mi ya pfuna va le Beta-Esele, hikokwalaho sweswi va le xirilweni lexikulu, va nga ka va nga ha mi amukeli ni siku ni rin'we.