Zakariya 14:4 - BIBELE Mahungu Lamanene

⁴ Hi siku rolero HOSI Xikwembu xi ta yima ehenhla ka Ntshava ya Mitlhwari, yona leyi langutaneke na Yerusalema hi tlhelo ra vuxa, kutani ntshava leyi yi ta pandziwa hi le xikarhi, ku huma nkova lowukulu, wu sukela evuxeni wu ya fika evupeladyambu. Hafu ya ntshava yoleyo yi ta ntlhentlhela en'walungwini, hafu leyin'wana yi ta ntlhentlhela edzongeni.

Xitsonga (Bibele)

⁴ Milenge ya yena yi ta yima hi siku rolero ehenhla ka ntshava ya mitlhwari leyi nga ekusuhi na Yerusalema, hitlhelo ra vuxa, ntshava ya mitlhwari vi ta phemeka, ku sungula exikarhi, ku yisa evuxeni ni le vusikwini, ku ko ku humelela nkova lowukulu; tlhelo rin'wana ra ntshava ri ta tshinela en'walungwini, rin'wana ri tshinela edzongeni.

Zakariya 14:4 Referans Kwoze

Ezekiele 11:23

Kavaloko ku dzuneka loku ka HOSI Xikwembu ku suka exikarhi ka muti wa Yerusalema, ku ya tshama entshaveni leyi nga vuxeni bya muti.

Zakariya 14:10

Tiko hinkwaro ri ta hundzuka rivala, ku sukela eGeba ku ya fika eRimoni, hi tlhelo ra dzonga ku langutana na Yerusalema. Kambe muti wa Yerusalema wona wu ta sala endhawini ya wona leyi tlakukeke, ku sukela eka Nyangwa ya Benjamini ku ya fika eka Nyangwa ya Khale, ni ka Nyangwa ya Yinhla; muti wu ta tlhela wu sukela eka Xihondzo xa Hananiele, wu ya fika laha ku pyanyeriwaka kona mihandzu ya vhinya ya tihosi.

Zakariya 14:7

Masiku ya kona ma ta hambana na man'wana, ma ta tiva hi HOSI Xikwembu ntsena: A ma nga kombi vusiku kumbe nhlekanhi, hambi ri perile, ku ta va ku ri ni ku vonakala.

Zakariya 4:7

“We nhulu leyikulu ya maribye, wo va yini? Emahlweni ka Zerubabele, u ta hundzuka rivala, kutani yena ú ta humesa ribye ra yinhla, ntshungu wu ri karhi wu huwelela wu ku: ‘Ribye leri a ri katekisiwe, a ri katekisiwe!’ ”

Habakuku 3:6

Loko a yima, misava ya tsekatseka; loko a languta vamatiko, va rhurhumela. Tintshava leti nga riki na ku hela, ti mbundzumuka, ni switsunga swa khale swi mbombomela, swi nga leswi a a famba-famba eka swona khale.

Ezekiele 43:2

Kutani ndzi vona ku vonakala ka Xikwembu xa Israele, ku ta hi le vuxeni; ku vulavula ka xona a ku fana ni mpfumawulo wa magandlati ya le lwandle, naswona ku vonakala ka xona a ku voninga misava hinkwayo.

Marka 11:23

Ndzi tiyisile ndzi ri ka n'wina, loko munhu a ku ka ntshava leyi: ‘Suka, u ya tihoxa elwandle’, a nga kanakani embilwini ya yena, kambe a pfumela leswaku leswi a swi vulaka swi ta endleka, ú ta endleriwa swona.

Ezekiele 38:20

Loko ndzi humelela, ndzi ta chavisa tinhlampfi, ni tinyanyana, ni swiharhi, ni swikokovi hinkwaswo, ndzi rhurhumerisa ni vanhu hinkwavo lava akeke emisaveni; tintshava ti ta hirimuka, maribye ya tona ma ta khungulukela hansi, rirhangu ra muti wun'wana ni wun'wana etikweni ri ta wa.

Zakariya 14:8

Hi siku rolero mati ma ta khuluka ma huma emutini wa Yerusalema, ma ya chela elwandle ra le vuxeni, laman'wana ma ya chela elwandle ra vupeladyambu, ma endlisa sweswo hi ximumu ni xixika.

2 SAMIELE 15:30

Davhida yena a khandziya ntshava ya Mitlhwari, a ri karhi a rila, a tifunengetile nhloko, emilengeni a nga ambalanga nchumu; vanhu lava a a ri na vona, va khandziya va ri karhi va rila na vona, va tifunengetile tinhloko.