Zakariya 14:1 - BIBELE Mahungu Lamanene

¹ We Yerusalema, siku ra ku kariha ka HOSI Xikwembu ra ta, leri valala va nga ta avelana leswi va swi phangheke eka wena.

Xitsonga (Bibele)

¹ Vona, ra ta siku leri ri nga ra Yehovha, leri leswi nga phangiwa eka wena swi nga ta avanyisiwa exikarhi ka wena ha rona.

Zakariya 14:1 Referans Kwoze

Esaya 13:9

Vonani, siku ra HOSI ra ta ni tihanyi ta rona, ri ta ni vukari, ni ku hlundzuka loku pfurhaka; misava yi ta sala yi ri marhumbi ntsena, vadyohi lava hanyaka eka yona va ta herisiwa.

Esaya 2:12

HOSI ya matimba hinkwawo yi na rona siku leri yi nga ta ba lava titshembaka ni ku tidzunisa, yi tsongahata ni lava tikurisaka.

Nhlavutelo 16:14

leyi i mimoya ya mademona leyi endlaka masingita, leyi rhendzelekaka hi tihosi ta misava hinkwayo, yi ti rhamba nyimpi, ku ya lwa ni Xikwembu xa matimba hinkwawo hi siku lerikulu ra kona.

Timhaka 2:20

Dyambu ri ta hundzuka munyama, ni n'weti wu ta tshwuka kukota ngati, siku lerikulu ro vangama ra Hosi ri nga si fika.

Malakiya 4:1

“Vonani, siku leri pfurhaka kukota langavi ra ta: Lava tikurisaka ni lavo homboloka, va ta hisiwa ku fana ni byanyi. Esikwini rero va ta tshwa, ku nga ha sali na un'we wa mhamba! Ndzi vula sweswo, mina HOSI ya matimba hinkwawo.

Esaya 13:6

Banani nkalanga, hikuva siku ra HOSI ri le kusuhi, ra ta siku leri HOSI, Xikwembu xa matimba hinkwawo, xi nga ta herisa swilo ha rona.

Malakiya 4:5

“Vonani, ndzi ta mi rhumela muprofeta Eliya, loko siku ra mina lerikulu ro chavisa ri nga si fika.

Yuwele 3:14

Vanhu i mintshungu ni mintshungu, enkoveni lowu timhaka ti tsemiwaka eka wona, hikuva siku ra mina HOSI ri le kusuhi, ri ta fika enkoveni lowu.

Yuwele 2:31

Dyambu ri ta fihliwa hi munyama, ni n'weti wu ta tshwuka ku fana ni ngati, siku lerikulu ro chavisa ra mina ri nga si fika.

Yuwele 2:1

Banani mhalamhala eSiyoni, yi mbvungunyiseni entshaveni leyo hlawuleka ya HOSI! Vaaki hinkwavo va tiko a va rhurhumele, hikuva siku ra HOSI ra ta, ri kwala kusuhi.

Zakariya 14:14

Kambe va le Yuda vona va ta pfuna va le Yerusalema enyimpini, kutani rifuwo ra matiko lama rhendzeleke Yerusalema, ri nga ra nsuku ni silivhere ni swiambalo leswo tala, ri ta hlengeletiwa, ri phanghiwa.

Sofoniya 1:7

Miyelani emahlweni ka HOSI N'wini wa hinkwaswo, hikuva siku ra yena ri le kusuhi; ú lulamisile magandzelo, a hlawulekisa ni lava a va rhambeke.