Zakariya 13:9 - BIBELE Mahungu Lamanene

⁹ Lava va nga ta sala, ndzi ta va kambela, ndzi va basisa hi ndzilo, kukota loko va basisa nsuku kumbe silivhere. Va ta ndzi huwelela, kutani mina ndzi ta va hlamula ndzi ku: ‘Mi vanhu va mina!’ Vona va ta vula va ku: ‘We HOSI, u Xikwembu xa hina!’ ”

Xitsonga (Bibele)

⁹ Lowu wa vunharhu, ndzi ta wu nghenisa endzilweni, ndzi va n'okisa ku kota loko ku n'okisiwa silivhere, ndzi va ringa kukota loko ku ringiwa nsuku. Va ta khongela vito ra mina, kutani ndzi va hlamula, ndzi ku: ‘I tiko ra mina,’ rona ri ta ku: ‘Yehovha, Xikwembu xa mina!’ ”

Zakariya 13:9 Referans Kwoze

Pisalema 50:15

Hi siku ra khombo, ndzi vitaneni, ndzi ta mi lamulela, kutani mi ta dzunisa vito ra mina.”

Timhaka 2:21

Kutani un'wana ni un'wana loyi a nga ta huwelela eka Hosi, ú ta ponisiwa.’

Esaya 48:10

Vonani, ndzi mi kamberile hi ku mi hoxa endzilweni wa maxangu, ku fana ni loko va basisa silivhere hi ku yi n'okisa, kambe ndzi kuma leswaku a mi basanga.

Pisalema 91:15

Loko a ndzi vitana, ndzi ta n'wi hlamula, ndzi ta va na yena emaxangwini, ndzi n'wi lamulela ndzi n'wi nyika ni ndzhuti.

Nhlavutelo 21:7

Loyi a hlulaka, ú ta kuma ndzhaka ya swilo leswi, kutani ndzi ta va Xikwembu xa yena, na yena a va n'wana wa mina.”

1 Petro 4:12

Varhandziwa, mi nga hlamaleni loko mi wela hi miringo leyi pfurhaka ku fana ni ndzilo ku ta ringa ku tiya ka n'wina, onge hi loko mi humeleriwa hi swin'wana leswi nga riki swona.

Yeremiya 30:22

Kutani n'wina Vaisraele mi ta va vanhu va mina, na mina ndzi ta va Xikwembu xa n'wina.”

Esaya 43:2

Hambiloko mi nghena eswidziveni, ndzi ta va na n'wina, ni loko mi pela milambu, a mi nga dyiwi hi mati; hambi mo tshuka mi hundza hi le xikarhi ka ndzilo, a mi nga tshwi, malangavi a ma nga mi hisi,

Yakobo 1:12

Ku katekile munhu loyi a tiyiselaka eku ringiweni, hikuva loko a hlurile miringo, ú ta nyikiwa harhi ya vutomi leyi Xikwembu xi yi tshembiseke lava va xi rhandzaka.

Zakariya 10:6

“Va ka Yuda ndzi ta va nyika matimba, ndzi kutsula ni va ka Yosefa. Ndzi ta va vuyisa, hikuva ndzi va twela vusiwana; swi ta fana ni loko ndzi nga si tshama ndzi va cukumeta, hikuva hi mina HOSI Xikwembu xa vona, kutani ndzi ta va hlamula.

Vaheveru 8:10

Lowu hi wona ntwanano lowu ndzi nga ta wu endla ni Vaisraele, endzhaku ka masiku walawo, ku vula Hosi: Ndzi ta nghenisa milawu ya mina emiehleketweni ya vona, ndzi yi tsala etimbilwini ta vona, kutani ndzi ta va Xikwembu xa vona, vona va va vanhu va mina.

Ntirho 23:10

Xikwembu xi tiva tindlela ta mina; loko xi ndzi kamberile, xi ta ndzi kuma ndzi tengile kukota nsuku.

Zakariya 8:8

Ndzi ta va vuyisa va ta tshama eYerusalema; va ta va vanhu va mina, mina ndzi va Xikwembu xa vona xo lulama, lexi tshembekaka.”

Yeremiya 31:33

Kambe ntwanano lowu mina HOSI ndzi nga ta wu endla ni Vaisraele endzhaku ka masiku ma nga ri mangani, hi lowu: Ndzi ta tsala nawu wa mina etimbilwini ta vona, wu tshama emiehleketweni ya vona. Ndzi ta va Xikwembu xa vona, vona va va vanhu va mina.

Esaya 58:9

Enkarhini wolowo, mina HOSI ndzi ta mi hlamula loko mi huwelela eka mina, loko mi ndzi vitana, ndzi ta ku: ‘Hi mina loyi!’ “Loko mi susa joko leri mi ri rhwexeke van'wana, mi nga ha tshameli ku kombetelana hi tintiho, naswona mi nga ha lumbetani.

Levhitika 26:12

Ndzi ta va kona exikarhi ka n'wina, ndzi va Xikwembu xa n'wina, na n'wina mi va vanhu va mina.

Zakariya 12:10

Kutani ndzi ta chela moya wa vukhongeri ni wa tintswalo eka vatukulu va Davhida ni ka vaaki va Yerusalema. Va ta languta eka mina hikwalaho ka loyi va n'wi tlhaveke, kutani va ta n'wi rila ku fana ni loko munhu a tlhaveka a rila n'wana wa yena loyi a a ri yexe, kumbe n'wana wa yena wa mativula.

Swivuriso 17:3

Nsuku ni silivhere swi kamberiwa hi ndzilo, timbilu ta vanhu tona ti kamberiwa hi HOSI Xikwembu.

Pisalema 144:15

Ku katekile vanhu lava humelelaka hi ndlela leyi, ri katekile tiko leri HOSI yi nga Xikwembu xa rona!

Yuwele 2:32

Enkarhini wolowo, un'wana ni un'wana la nga ta huwelela eka mina, ú ta ponisiwa. Entshaveni ya Siyoni ni le mutini wa Yerusalema, va kona lava nga ta pona, hilaha ndzi vuleke hakona mina HOSI. Kutani eka lava nga ta sala, ndzi ta hlawula van'wana.”

Ezekiele 37:27

Ndzi ta tshama na vona ndzi va Xikwembu xa vona, vona va va vanhu va mina.

Ezekiele 36:28

Mi ta tshama etikweni leri ndzi ri nyikeke vatata wa n'wina, mi va vanhu va mina, na mina ndzi va Xikwembu xa n'wina.

Ezekiele 11:20

Hikokwalaho va ta hlayisa milawu ya mina ni swiletelo swa mina, va famba ha swona, kutani va ta va vanhu va mina, mina ndzi va Xikwembu xa vona.

Yeremiya 32:38

Va ta va vanhu va mina, na mina ndzi va Xikwembu xa vona.

Nhlavutelo 8:7

Ntsumi yo sungula yi chaya nanga ya yona, kutani ku va ni xihangu ni ndzilo, swi pfangene ni ngati, swi wela emisaveni; xiphemu xin'we xa nharhu xa misava xi tshwa, ni xa nharhu xa mirhi xi tshwa, ni byanyi hinkwabyo bya rihlaza byi thwa.

Nhlavutelo 8:8

Ntsumi ya vumbirhi yi chaya nanga ya yona, kutani xilo xin'wana lexi fanaka ni ntshava leyikulu leyi pfurhaka ndzilo, xi hoxiwa elwandle. Kutani xiphemu xin'we xa nharhu xa lwandle xi hundzuka ngati.

Nhlavutelo 8:9

Ku fa xiphemu xin'we xa nharhu xa swivumbiwa leswi hanyaka swa le lwandle, ku onhaka ni xa nharhu xa tingalava.

Nhlavutelo 8:10

Ntsumi ya vunharhu yi chaya nanga ya yona, kutani nyeleti leyikulu yi wa hi le tilweni yi vuvumela ku fana ni xisana xa ndzilo, yi wela ehenhla ka xiphemu xin'we xa nharhu xa milambu, ni le swihlobyeni swa mati.

Nhlavutelo 8:11

Vito ra nyeleti ya kona a va ku i “Xibaha”, kutani xiphemu xin'we xa nharhu xa mati xi hundzuka xibaha, kutani vanhu vo tala va fa hi mati walawo, hikuva a ma hundzukile lama bavaka ngopfu.

Nhlavutelo 8:12

Ntsumi ya vumune yi chaya nanga ya yona, kutani xiphemu xin'we xa nharhu xa dyambu xi timeka, ni xa nharhu xa n'weti, ni xa nharhu xa tinyeleti, leswaku xiphemu xin'we xa nharhu xa ku vonakala ka swona xi hundzuka ntima. Xiphemu xin'we xa nharhu xa nhlekanhi xi nga ha vonaki, swi va tano ni xa nharhu xa vusiku.

Yeremiya 24:5

“Mina HOSI Xikwembu xa Israele ndzi vurisa sweswo ndzi ri: Vanhu va tiko ra Yuda lava ndzi va yiseke evukhumbini etikweni ra Vakalediya kule ni xivandla lexi, ndzi va vona va ri lavanene, ku fana ni makuwa lamanene lawa.

Ezekiele 20:38

Ndzi ta hlawula lava tiarisaka ni lava va ndzi dyoheleke, ndzi va humesa etikweni leri va luveleke eka rona, kambe etikweni ra Israele va nga ka va nga ngheni, kutani mi ta tiva leswaku HOSI Xikwembu, hi mina!

Daniele 11:35

Hambileswi van'wana exikarhi ka varhangeri va nga ta dlayiwa, rifu ra vona ri ta pfuna ku basisa lavo tala exikarhi ka Vaisraele leswaku va va lava tengeke, loko ka ha yimeriwa siku ra makumu hikuva rona ri ta va ri nga si fika.

Daniele 12:10

Lavo tala va ta tibasisa, va va lava tengeke; kambe lavo homboloka va ta endla leswo biha, naswona a ku nga vi na un'we wa vona loyi a nga ta twisisa leswi humelelaka. Kambe lava tlhariheke, hi vona ntsena lava nga ta twisisa.

2 SAMIELE 7:24

U simekile vanhu va Israele leswaku va va vanhu va wena hilaha ku nga heriki, we HOSI Xikwembu, kutani u vile Xikwembu xa vona.

Ntirho 28:1

Hakunene, ku kona laha silivhere yi kumekaka kona, yi kona ndhawu leyi nsuku wu hlunguhliwaka eka yona.

Pisalema 43:4

Kutani ndzi ta fika alitarini ya wena, we Xikwembu lexi xi ndzi nyikaka ku tsaka; ndzi ta yimbelela ndzi ku dzunisa hi swichaya-chayani, wena u nga Xikwembu xanga.

Risimu ra Tinsimu 2:16

Loyi i murhandziwa wa mina, na mina ndzi wa yena; ntlhambi wa yena ú wu risela exikarhi ka swiluva,

Yeremiya 9:6

Va tlhandleka tihanyi ehenhla ka tihanyi, kutani va ala ku ndzi tiva; ndzi vula sweswo mina HOSI.”

Ezekiele 14:11

Hi ndlela leyi, Vaisraele a va nga ha ndzi fularheli, a va nga ha tinyamisi hi swidyoho swa vona leswo tala, kambe va ta va vanhu va mina, na mina ndzi va Xikwembu xa vona. Ndzi vula sweswo mina HOSI N'wini wa hinkwaswo.”