Zakariya 13:8 - BIBELE Mahungu Lamanene

⁸ Mina HOSI ndzi ri: Etikweni hinkwaro laha ku nga ni vanhu vanharhu, vambirhi eka vona va ta dlayiwa, lowa vunharhu ú ta tshikiwa a hanya.

Xitsonga (Bibele)

⁸ Emisaveni hinkwayo, ku vula Yehovha, miti minharhu ya vanhu yi ta avanyisiwa, ku lova mimbirhi, ku sala wa vunharhu kona.

Zakariya 13:8 Referans Kwoze

Ezekiele 5:12

Ndzi ta mi avanyisa hi mintlawa minharhu: Vanhu va ntlawa wo sungula va ta fa hi mintungu, va dlayiwa hi tindlala exikarhi ka n'wina. Va ntlawa wa vumbirhi va ta dlayiwa etinyimpini loko valala va hlasela muti wa n'wina. Kutani va ntlawa wo hetelela, ndzi ta va hangalasa va ya ematlhelweni hinkwawo ya misava, kutani ndzi ta hlomula fumu ra mina ndzi va hlongorisa.

Nhlavutelo 16:19

Muti lowukulu wu handzuka wu huma swivandla swinharhu, kutani miti ya vamatiko yi hindzimuka. Xikwembu xi tsundzuka Babilona, muti lowukulu, ku wu nwisa xinwelo xa vhinyo ya vukari lebyikulu bya xona, wu minya.

Marka 13:20

Loko Hosi a yi nga hungutanga masiku walawo, a ku nga ta pona munhu ni un'we; kambe yi ma hungutile hikwalaho ka vahlawuriwa va yona.

Daniele 9:27

Hi nkarhi wa malembe ya 7, mufumi loyi ú ta sindzisa lavo tala leswaku va tirhisana na yena; kutani loko ku hundzile malembe manharhu na hafu, ú ta sivela vanhu ku tlhava swifuwo swa magandzelo kumbe ku humesa nhlengo. Ú ta hatla a tirha swa yena swa manyala, a onhetela hinkwaswo; kambe ku herisiwa ka muonhi loyi, Xikwembu xi ku bohile khale, kutani ku ta n'wi wela hi xitshuketa.’ ”

Esaya 6:13

Hambiloko eka ntlawa wun'wana ni wun'wana wa vanhu va khume ku nga sala munhu un'we, vanhu lava ndzi ta va herisa; va ta fana ni murhi lowukulu wa nkuhlu lowu weke, ku sala xikundzu ntsena.” Xikundzu lexi i mbewu leyo hlawuleka.

Matewu 22:7

Kwalaho hosi yi kariha, yi rhuma mavuthu ya yona ku ya lovisa vadlayi valavo ni ku hisa muti wa vona.

Malakiya 3:5

HOSI ya matimba hinkwawo yi ri: “Ndzi ta ta exikarhi ka n'wina ndzi ta mi avanyisa; ndzi ta hatla ndzi boxa nandzu wa vangoma ni wa lava endlaka vuoswi, ni wa lava hlambanyaka hi mavunwa; ndzi ta ba lava nga hakeriki vatirhi va vona hi fanelo, lava xanisaka tinoni ni swisiwana, ni lava hlongolaka valuveri. Ndzi ta avanyisa hinkwavo lava alaka ku ndzi komba xichavo.”

Yeremiya 30:11

Mina HOSI ndzi ri, ndzi na wena, kutani ndzi ta ku ponisa; ndzi ta herisa vamatiko hinkwavo lava ndzi mi hangalaseleke exikarhi ka vona. Loko a ri n'wina, a ndzi nga tshiki ku mi ba, kambe a ndzi nga tluli mpimo; ndzi nga ka ndzi nga mi herisi.”

Esaya 66:24

“Va ta huma va ya vona mintsumbu ya vanhu lava va ndzi hundzukeleke. Swivungu leswi swi yi dyaka a swi nga fi, hambi wu ri ndzilo lowu wu nga ta yi hisa a wu nga timeki, kutani mintsumbu leyi yi ta hlambisa timbilu ta vanhu hinkwavo.”

Ezekiele 20:38

Ndzi ta hlawula lava tiarisaka ni lava va ndzi dyoheleke, ndzi va humesa etikweni leri va luveleke eka rona, kambe etikweni ra Israele va nga ka va nga ngheni, kutani mi ta tiva leswaku HOSI Xikwembu, hi mina!

Amosi 9:10

Vadyohi hinkwavo va tiko ra mina lava nge: ‘Hi nga ka hi nga humeleli hi swo biha kumbe ku hlangana na swona’, va ta dlawa hi fumu.”

Sofoniya 3:12

Exikarhi ka n'wina, ndzi ta siya vanhu lava titsongahataka, lava nga titshembiki. Mina ndzi ta va khokholo ra vona.