Zakariya 13:6 - BIBELE Mahungu Lamanene

⁶ Kutani loko un'wana a n'wi vutisa a ku: ‘Xana timbanga leti u nga na tona exifuveni ti vange hi yini?’ yena ú ta hlamula a ku: ‘Ndzi boxeteriwe hi vanghana va mina emutini wa vona.’ ”

Xitsonga (Bibele)

⁶ Kutakuloko va ku eka yena: ‘Timbanga ta yini leti nga emavokweni ya wena?’ U ta ku: ‘Hi leti ndzi nga ti endliwa endlwini ya lava ndzi rhandzaka.’ ”

Zakariya 13:6 Referans Kwoze

Yohane 18:35

Pilato a hlamula a ku: “Xana ndzi Muyuda mina ke? Vanhu va ka n'wina ni vaprista lavakulu hi vona va ku nyiketeke ka mina. U endle yini xana?”

Pisalema 22:16

Ntshungu wa lavo homboloka wu ndzi rhendzele kukota timbyana, wu ndzi handzulele milenge ni mavoko.

Nhlavutelo 14:11

Kutani musi wa ndzilo lowu wu va xanisaka wu tuvikela henhla hilaha ku nga heriki; lava gandzelaka xivandzana ni xifaniso xa xona, swin'we ni hinkwavo lava amukeleke mfungho wa vito ra xona, a va kumi ku wisa, va xaniseka vusiku ni nhlekanhi.”

1 TIHOSI 18:28

Hiloko va huwelela swinene, kutani hi ntolovelo wa vona va tixeka hi mikwana ni mabanga, ngati ya vona yi huma.

2 TIHOSI 9:24

Kambe Yehu a konga vurha bya yena hi matimba, a copa Yoramu enhlaneni, nseve wu n'wi tlhava mbilu, wu ya huma hi le xifuveni. Yoramu a wela ekalichini, a fa.

Zakariya 13:7

HOSI ya matimba hinkwawo yi ri: “We fumu, pfuka u lwa ni murisi wa mina, lwana na yena yaloyi a nga yima kusuhi na mina. Bana murisi leswaku tinyimpfu ti ta hangalaka; lavatsongo hi mina ndzi nga ta va ba!