Zakariya 13:2 - BIBELE Mahungu Lamanene

² HOSI Xikwembu xi vurisa sweswo xi ri: “Hi siku rero, ndzi ta susa mavito ya swikwembu swa hava etikweni, leswaku swi nga ha tsundzukiwi. Naswona ndzi ta hlongola lava tivulaka vaprofeta, va suka laha tikweni ni mimoya ya vona ya thyaka.

Xitsonga (Bibele)

² Hi siku rolero, ku vula Yehovha wa tinyimpi! Ndzi ta susa emisaveni mavito ya swifaniso, a swi nga tshami swi tsundzukiwa, na vona vaprofeta, ndzi ta va rhurhisa emisaveni ni moya lowa thyaka.

Zakariya 13:2 Referans Kwoze

1 TIHOSI 22:22

Moya wu hlamula wu ku: ‘Ndzi ta nghena emilon'weni ya vaprofeta va Akabu ndzi ri moya wa mavunwa.’ Xikwembu xi ku: ‘Hiswona, n'wi yenge, u ta swi kota. Famba u ya endlisa sweswo.’ ”

Hosiya 2:17

Ndzi ta susa mavito ya va Baali enon'weni wa wena, naswona u nge he pfuki u ma vurile.

Eksoda 23:13

Tivoneleni leswaku mi endla hinkwaswo leswi ndzi mi byeleke swona. Naswona, mi nga tshuki mi kumbuka swikwembu swin'wana, mi nga vulavuli hi swona.

Ezekiele 36:25

Ndzi ta mi xuva hi mati layo tenga, kutani thyaka leri mi nga tivangela rona hi ku gandzela swikwembu swa n'wina swa hava, ndzi ta ri susa hinkwaro.

Ezekiele 30:13

“Mina HOSI N'wini wa hinkwaswo ndzi vurisa sweswo ndzi ri: Ndzi ta herisa swikwembu swa hava swa Vaegipta, ndzi faya swifaniso swa swikwembu swa le Nofu. Tiko ra Egipta a ri nga ha vi ni murhangeri, kutani ndzi ta ri vangela ku chava.

Nhlavutelo 19:20

Xivandzana xi khomiwa, ku khomiwa ni muprofeta wa mavunwa loyi a a endla masingita emahlweni ka xona (hi masingita lawa, a a xisa lava a va ri ni mfungho wa xivandzana ni lava a va gandzela xifaniso xa xona). Kutani xivandzana ni muprofeta wa mavunwa va hoxiwa swin'we va ha hanya etiveni ra ndzilo lowu pfurhaka wu ri ni xivavula.

Luka 11:20

Kambe loko ndzi hlongola mademona hi matimba ya Xikwembu, swi vula leswaku Mfumo wa Xikwembu wu vile wu fikile eka n'wina.

Matewu 12:43

“Loko moya wa thyaka wu sukile eka munhu, wu ya emananga ku ya lava ku wisa, kambe wu tsandzeka ku ku kuma;

Sofoniya 2:11

HOSI Xikwembu xi ta va ba hi ndlela yo chavisa, swikwembu hinkwaswo leswi nga misaveni, xi ta swi tsongahata, kutani vanhu va tinxaka hinkwato va ta xi nkhinsamela ematikweni ya vona.

Mikiya 2:11

Loko ko tshuka ku humelela munhu wo jamuka ni ku hemba, a ku: ‘Ndzi ta mi dyondzisa hi ta vhinyo ni byalwa!’ munhu wo tano, mi ta n'wi tsakela ngopfu.

Ezekiele 37:23

A va nga ha engeti va tinyamisa hi swikwembu swa vona swa hava, kumbe hi mintirho ya vona ya manyala, kumbe hi ku tlhelela eswidyohweni swa vona swa khale; ndzi ta va kutsula eka swona ndzi va basisa. Va ta va vanhu va mina, kutani mina ndzi ta va Xikwembu xa vona.

Ezekiele 14:9

“Loko un'wana wa vaprofeta o tshuka a xiseka, a ringeta ku hlamula vanhu lava, hi mina HOSI ndzi nga ta va ndzi xisile muprofeta yoloye; kutani ndzi ta tlakusa voko ra mina ndzi n'wi ba, ndzi n'wi susa exikarhi ka Vaisraele vanhu va mina.

Ezekiele 13:23

Hikokwalaho a mi nga ha voni swivono swa hava kumbe ku vhumbha mavunwa. Ndzi ta kutsula vanhu va mina emavokweni ya n'wina, kutani mi ta tiva leswaku HOSI Xikwembu, hi mina!”

Yeremiya 29:23

Vaprofeta lava va endlile swilo swa manyala exikarhi ka Vaisraele, va etlela ni vasati va vaakelani va vona, va tiendla lava vulavulaka hi vito ra mina, kasi va hemba, a ndzi va lerisanga nchumu. Mina HOSI ndzi ri, hinkwaswo leswi, ndzi swi vonile, ndza swi tiva.’ ”

Esaya 2:20

Esikwini ra kona, swifaniso swa swikwembu swa silivhere ni swa nsuku, leswi vanhu va swi endleleke ku swi gandzela, va ta swi cukumeta swi ya wela eka timfukuzani ni vamangadyana.

Esaya 2:18

Swifaniso swa swikwembu swi ta nyamalala hinkwaswo.

Pisalema 16:4

lava tsutsumelaka eka swona, va tivangela maxangu layo tala; mina ndzi nga ka ndzi nga swi phahli hi ngati, hambi ma ri mavito ya swona, a ndzi nga ma kumbuki.

Yoxuwa 23:7

kutani mi nga ka mi nga hlangani-hlangani ni vamatiko lava va ha saleke exikarhi ka n'wina, kumbe ku vulavula hi swikwembu swa vona, kumbe ku hlambanya ha swona, kumbe ku swi gandzela, ni ku swi nkhinsamela mi nga ka mi nga swi nkhinsameli.

Duteronoma 12:3

Mi hindzimuxa tialitari ta vona, mi fayetela maribye ya vugandzeri bya vona bya hava, mi hisa ni timhandze ta Axera xikwembukazi xa vona; swifaniso leswi vatilweke swa swikwembu swa vona, mi ta swi tsemelela, mi swi herisa, ku nga sali na xin'we xa mhamba endhawini yoleyo.

Eksoda 22:13

Loko xifuwo xi handzuleriwile hi swiharhi swa nhova, loyi a a fuyisiwile a a xi tise xi ta voniwa leswaku xi handzuleriwile, kutani a nga ka a nga rihisiwi.

Nhlavutelo 18:2

Yi huwelela hi rito lera ntamu yi ku: “Ú wile, ú wile, Babilona lonkulu, ú hundzukile kaya ka mademona, ni bako ra mimoya ya thyaka ya tinxaka-xaka, ni xisaka xa tinyanyana ta tinxaka-xaka leti nga tengangiki, leti vengekaka.

Matewu 7:15

“Tivoneleni eka vaprofeta va mavunwa lava taka ka n'wina va ambele tanihi tinyimpfu, kasi etimbilwini ta vona, i timhisi leti bvanyengetaka.

Hosiya 14:8

N'wina va ka Efrayimi, a ndza ha lavi ku twa nchumu hi mhaka ya swikwembu swa hava. Hi mina ndzi nga ta hlamula swikhongelo swa n'wina, ndzi mi hlayisa. Ndzi fana ni murhi wa kipresi lowu tshamaka wu ri wa rihlaza, mihandzu ya n'wina yi huma eka mina.

Ezekiele 6:6

Tivani leswaku hambi mi nga tshama kwihi na kwihi, miti ya n'wina yi ta hlaseriwa; switsunga swa vukhongeri bya hava ni tialitari ta kona swi ta hirimuxiwa swi hundzuka marhumbi; swikwembu swa swifaniso swi ta fayiwa, ku herisiwa ni tialitari ta mirhi ya risuna, kutani ntirho wa mavoko ya n'wina wu ta hela.

Ezekiele 12:24

Kutani swivono swa mavunwa ni ku vhumbha ka hava, a swi nga ha vi kona exikarhi ka Vaisraele.

Ezekiele 36:29

Ndzi ta mi kutsula, mi hambana ni swilo hinkwaswo leswi a swi mi nyamisa. Ndzi ta mi nyika swakudya leswo tala, kutani a ku nga ha vi na ndlala etikweni ra n'wina.

Duteronoma 18:20

Kambe muprofeta loyi a vulavulaka hi vito ra mina, ndzi nga n'wi rhumanga, kumbe loyi a vulavulalaka swikwembu swa hava, ú ta dlayiwa.’

Ezekiele 43:7

a ku: “We Ezekiele, tiva leswaku xiluvelo xa mina, ndzi xi vekile exivandleni xexo; hi kona laha ndzi kandziyaka kona. Ndzi ta tshama exikarhi ka Vaisraele hilaha ku nga heriki; hikokwalaho Vaisraele ni tihosi ta vona a va nga ha nyamisi vito ra mina hi ku gandzela swikwembu swa hava kumbe hi ku lahla varhangeri va vona exivandleni lexi.

Hosiya 2:19

“Ndzi ta ku teka u va nsati wa mina hilaha ku nga heriki, ndzi ta tshembeka, ndzi va ni ntiyiso eka wena; ndzi ta ku rhandza minkarhi hinkwayo, ndzi ku tsetselela.