Zakariya 12:7 - BIBELE Mahungu Lamanene

⁷ HOSI Xikwembu xi ta rhanga xi nyika mavuthu ya va ka Yuda matimba yo hlula valala, leswaku vatukulu va Davhida ni vaaki va Yerusalema va nga tluli va le Yuda hi ku dzuneka.

Xitsonga (Bibele)

⁷ Yehovha u ta hlayisa matende ya Yuda eku sunguleni, leswaku ku kwetsima ka yindlu ya Davhida, ni ku kwetsima ka vaaki va Yerusalema, ku nga tshuki ku tlakukela Yuda.

Zakariya 12:7 Referans Kwoze

Yeremiya 30:18

HOSI Xikwembu xi vurisa sweswo xi ri: “Ndzi ta tlhela ndzi katekisa mindyangu ya va ka Yakobo, miti ya vona ndzi ta yi twela vusiwana; muti wa Yerusalema wu ta tlhela wu akiwa exintshabyanini xa wona, na tona tindlu ta le ntsindza ti ta tlhela ti akiwa lomu a ti ri kona khale.

Varhoma 3:27

Loko swi ri tano, ku tidzunisa ku nga va kwihi ke? Ku dlayiwile! Hi mhaka yihi ke? Hi mhaka ya mintirho leyi endliweke xana? E-e! Ku dlayiwile hi mhaka ya ku pfumela.

Zakariya 11:11

Kunene ntwanano wa kona wu onhiwa hi siku rolero, kutani vaxavi va tinyimpfu lava a va ndzi langutile, va swi vona leswaku mhaka leyi yi huma eka HOSI Xikwembu.

Zakariya 4:6

Hiloko ntsumi yi ndzi lerisa ku ya byela Zerubabele rito ra HOSI Xikwembu leri nge: “Entirhweni wa wena, a wu nga humeleli hi vunhenha kumbe hi ku tirhisa matimba, kambe u ta humelela ntsena hi ku pfuniwa hi Moya wa mina. Ndzi vula sweswo, mina HOSI ya matimba hinkwawo.

Amosi 9:11

“Hi siku ra kona, ndzi ta pfuxa yindlu ya Davhida leyi weke, ndzi ta siva timfa ta yona, ndzi pfuxa ni makhumbi ya yona, ndzi tlhela ndzi yi aka ku fana ni khale.

Esaya 23:9

Makungu ya kona ma endliwe hi HOSI ya matimba hinkwawo leswaku hinkwavo lava titshembaka, va lahlekeriwa hi ku saseka ka vona, ni leswaku lava xiximiwaka ematikweni hinkwawo va yisiwa ehansi.

Pisalema 55:12

Loko a ndzo hlekula hi nala wa mina, a ndzi ta tiyisela; ni loko a ndzo kulela hi loyi a ndzi vengaka, a ndzi ta hambana na yena ndzi ya tumbela.

Pisalema 38:16

Xikhongelo xa mina hi lexi: “U nga pfumeli leswaku lava va tikurisaka va tsakisiwa hi ku khuguka ka mina.”

Pisalema 35:26

Lava tsakaka loko ndzi ri ekhombyeni, hinkwavo a va hlanganisiwe tinhloko; a va khomiwe hi tingana va nyumisiwa, vona lava tikurisaka emahlweni ka mina.

Ntirho 19:5

Hakunene, loko mi lwa na mina, ma tikurisa; ku vaviseka ka mina, mi ri ndzi lo tivangela!

Yakobo 4:6

Hambiswiritano, xi hi komba tintswalo leti nga tikulu ku tlula sweswo, hikuva Tsalwa ri ri: “Xikwembu xi alela vatikurisi, kambe xi tsetselela lava titsongahataka.”

Yakobo 2:5

Yingisani vamakwerhu lava rhandzekaka: Xana Xikwembu a xi hlawulanga lava nga swisiwana emisaveni leyi leswaku va va lava fuweke hi tlhelo ra ku pfumela xana? Xana a xi va hlawulelanga ku dya ndzhaka ya Mfumo lowu xi wu tshembiseke lava va xi rhandzaka xana?

Luka 10:21

Enkarhini wolowo Moya lowo Kwetsima wu n'wi tshukatshukisa hi ku tsaka, a ku: “Ndza ku nkhensa Tatana, Hosi ya tilo ni misava, hikuva timhaka leti, u ti fihlele lavo tlhariha ni lava mano, kambe u ti pfuletele lavatsongo. Ina, Tatana, u swi lavise sweswo.