Zakariya 12:6 - BIBELE Mahungu Lamanene

⁶ “Hi siku rero, varhangeri va ka Yuda ndzi ta va endla ndzilo lowu pfurhaka exihlahleni; va ta fana ni langavi leri vuvumelaka etinhlangeni, kutani va ta herisa tinxaka hinkwato leti ti va rhendzeleke hi matlhelo hinkwawo. Kambe loko wu ri muti wa Yerusalema, wona wu ta tshama wu hlayisekile kwala wu nga kona.”

Xitsonga (Bibele)

⁶ “Hi siku rolero ndzi ta endla tihosana ta Yuda ti va kukota xitiko xa ndzilo exikarhi ka tihunyi, ni xisana xa ndzilo exikarhi ka tinyandza, ti ta dya exineneni ni le ximatsini matiko hinkwawo ya le matlhelweni; loko a ri Yerusalema, u ta tshama exiteni xa yena eYerusalema.

Zakariya 12:6 Referans Kwoze

Obadiya 1:18

Va ka Yakobo ni va ka Yosefa va ta fana ni ndzilo, ni malangavi ya wona: Va ta hisa va ka Esawu va tshwa va hela kukota mavivi; eka va ka Esawu, a ku nga poni na un'we, ndzi vurisa sweswo, mina HOSI.”

Zakariya 2:4

Kutani ntsumi leyi a yi vulavula na mina yi lerisa leyin'wana yi ku: “Tsutsuma u ya byela jaha leri khomeke ngoti u ku: ‘Muti wa Yerusalema wu ta tshama wu nga ri na rirhangu, hikuva vaaki va wona ni swifuwo leswi nga ta va eka wona, swi ta va swi tele ngopfu.

Zakariya 9:15

HOSI ya matimba hinkwawo yi ta hlayisa vanhu va yona; maribye ya xihangu ma ta hlula valala ma va heta, ma halata ngati ya vona kukota vhinyo, kukota ngati ya swifuwo emagandzelweni, leyi tataka nkambana, yi tsakamisa ni timhondzo ta alitari.

Mikiya 4:13

HOSI Xikwembu xi ri: “N'wina vaaki va Siyoni, sukani mi yima, mi va ba ku fana ni loko mi hula mavele; ndzi ta mi nyika matimba, mi tiya wonge mo va nkuzi ya timhondzo ta nsimbhi ni swinyondzwana swa koporo; mi ta ba vanhu va matiko layo tala mi va phatlulela. Xuma lexi va nga tihlengeletela xona, ni rifuwo ra vona, mi ta swi teka mi swi nyiketa eka mina HOSI Xikwembu, N'wini wa misava hinkwayo.”

Yeremiya 30:18

HOSI Xikwembu xi vurisa sweswo xi ri: “Ndzi ta tlhela ndzi katekisa mindyangu ya va ka Yakobo, miti ya vona ndzi ta yi twela vusiwana; muti wa Yerusalema wu ta tlhela wu akiwa exintshabyanini xa wona, na tona tindlu ta le ntsindza ti ta tlhela ti akiwa lomu a ti ri kona khale.

Esaya 54:3

Muti wa wena wu ta nava wu ya matlhelo hinkwawo, vanhu va wena va ta tlhela va teka tindhawu leti sweswi ti tshamaka vamatiko, va ta pfuxa ni miti leyi hundzukeke marhumbi, va tshama eka yona.

Esaya 9:20

va lava swakudya matlhelo hinkwawo, kambe a va kumi xo va xurhisa, kutani un'wana ni un'wana ú dya munhu-kulobye.

Nhlavutelo 20:9

Kutani va huma va hangalaka hinkwako emisaveni, va rhendzela mixaxa ya vahlawuriwa va Xikwembu swin'we ni muti lowu rhandzekaka; kambe ndzilo wu xika hi le tilweni wu va heta.

2 Vakorinto 6:7

hi ku twarisa ntiyiso, hi ri ni matimba ya Xikwembu. Matlhari ya hina i ku lulama, hi ma tamela hi voko ra xinene ni lera ximatsi.

Zakariya 11:1

N'wina va le Lebanoni, pfulani tinyangwa ta n'wina, leswaku ndzilo wu nghena wu hisa mirhi ya n'wina ya kedari.

Zakariya 2:12

Va le Yuda va ta fumiwa hi HOSI Xikwembu, va va ndzhaka ya xona etikweni lero hlawuleka, kutani xona xi ta tlhela xi tihlawulela muti wa Yerusalema.

Zakariya 1:16

Kutani marito ya mina HOSI hi lawa: Muti wa Yerusalema, ndzi ta tlhela ndzi wu tsetselela, kutani yindlu ya mina yi ta akiwa eka wona. Ndzi vurisa sweswo, mina HOSI ya matimba hinkwawo: Ngoti ya ku pima ha yona yi ta vambiwa ehenhla ka Yerusalema.

Zakariya 12:5

Kutani varhangeri va vona va ta byelana va ku: ‘Vaaki va Yerusalema va tiyisiwa hi HOSI ya matimba hinkwawo, xi nga Xikwembu xa vona!’