Zakariya 12:12 - BIBELE Mahungu Lamanene

¹² Tiko ri ta va enkosini: Ndyangu wun'wana ni wun'wana wu ta rila wu ri woxe. Va ka Davhida va ta rila va ri voxe, vasati va vona va rila va ri etlhelo. Va ka Natani va ta rila va ri voxe, vasati va vona va rila va ri etlhelo.

Xitsonga (Bibele)

¹² Misava yi ta rila, ku rila tinxaka hinkwato ha rin'werin'we: Rixaka ra yindlu ya Davhida hitlhelo, ni vasati va kona hitlhelo; rixaka ra yindlu ya Natani hitlhelo, ni vasati va kona hitlhelo;

Zakariya 12:12 Referans Kwoze

Nhlavutelo 1:7

Vonani, wa ta hi mapapa! Un'wana ni un'wana ú ta n'wi vona, ku katsa ni lava va n'wi dlayeke. Tinxaka hinkwato ta vanhu va misava ti ta ba nkosi ti rila hikwalaho ka yena, hakunene swi tano! Amen.

Luka 3:31

wa Meleya, wa Mena, wa Matati, wa Natani, wa Davhida,

Matewu 24:30

“Hi kona xikombiso xa N'wana-wa-Munhu xi nga ta vonaka etilweni; vanhu va tinxaka hinkwato ta misava va ta ba nkosi, kutani va ta vona N'wana-wa-Munhu a ta emapapeni ya le tilweni, hi matimba ni ku kwetsima lokukulu.

Zakariya 7:3

naswona va va lerisile ku ya vutisa vaprista lava tirhaka eTempeleni, va vutisa ni vaprofeta xivutiso lexi nge: “Xana ha ha fanele ku rila ni ku titsona swakudya hi n'hweti ya vu ntlhanu, ku fana ni leswi a hi endlisa swona emalembeni layo tala lama hundzeke xana?”

2 SAMIELE 5:14

Vana va Davhida lava velekiweke eYerusalema hi lava: Xamuwa, na Xobabu, na Natani, na Solomoni,

1 Vakorinto 7:5

Mi nga tshuki mi alelana, ehandle ka loko kumbexana mi nga alelana nkarhinyana, ku ri hi ku twanana, loko mi lava ku tinyiketa eku khongeleni kutani endzhaku mi tlhela mi vuyelelana. Sathana a nga tshuki a mi ringa hikwalaho ka ku tsandzeka ka n'wina ku tikhoma.

Yuwele 2:16

Hlengeletani ntshungu mi wu basisa, vitanani vakulukumba, mi hlengeleta ni vana, hambi swi ri swihlangi swa le makatleni. Jaha lera ha ku tekaka, ri humeseni endlwini ya rona, hlomisa na rona, a ri hume.

Yeremiya 31:18

Ndzi va twile va ka Efrayimi loko va ri karhi va konya, va ku: ‘Khale a hi fana ni swifuwo leswi alaka ku paniwa, kambe u hi tshinyile hi kondza hi yingisa; hi byise hi vuyela eka wena, hikuva we HOSI, hi wena u nga Xikwembu xa hina.

Yeremiya 13:18

HOSI Xikwembu xi ku ka mina: “Byela hosi ya tiko ni mana wa yona leswaku va suka exiluvelweni va tshama ehansi, hikuva harhi ya vona yo saseka ya vuhosi yi susiwile etinhlokweni ta vona.

Yeremiya 4:28

hikokwalaho misava yi ta rila, ni matilo ma ta endla ntima, hikuva mina HOSI ndzi vulavurile, ndzi bohile makungu, ndzi nga ka ndzi nga ma hundzuluxi.”

Yeremiya 3:21

Ku twakala xirilo eswitsungeni; i xa Vaisraele lava tisolaka hi mihloti, hikuva va hambukile endleleni ya ntiyiso, va rivala HOSI Xikwembu xa vona.

2 SAMIELE 12:1

Kutani HOSI Xikwembu xi rhumela Natani eka Davhida, a fika a ku ka hosi: “Mhaka hi leyi: Emutini wun'wana a ku ri ni vavanuna vambirhi; un'wana a a fumile, un'wana a a ri xisiwana.

Eksoda 12:30

Vusiku byebyo, Faro ni malandza ya yena hinkwawo, ni vanhu hinkwavo va Egipta, va pfuka; etikweni hinkwaro ra Egipta, a ku ri ni nkosi lowukulu, hikuva a ku ri hava muti lowu a ku nga ri na rifu eka wona.

Zakariya 12:11

Ku rila loku ku nga ta va kona eYerusalema, ku ta va ku ringana ni xirilo lexi endleriwaka Hadada-Rimoni erivaleni ra le Megido.

Zakariya 12:13

Va ka Levhi va ta rila va ri voxe, vasati va vona va rila va ri etlhelo. Va ka Ximeyi va ta rila va ri voxe, vasati va vona va rila va ri etlhelo.