Zakariya 12:10 - BIBELE Mahungu Lamanene

¹⁰ Kutani ndzi ta chela moya wa vukhongeri ni wa tintswalo eka vatukulu va Davhida ni ka vaaki va Yerusalema. Va ta languta eka mina hikwalaho ka loyi va n'wi tlhaveke, kutani va ta n'wi rila ku fana ni loko munhu a tlhaveka a rila n'wana wa yena loyi a a ri yexe, kumbe n'wana wa yena wa mativula.

Xitsonga (Bibele)

¹⁰ Ndzi ta chela ehenhla ka yindlu ya Yuda ni le henhla ka vaaki va Yerusalema, moya wa tintswalo ni wa mikhongelo; kutani va ta languta eka mina loyi va n'wi tlhaveke. Va ta n'wi rilela kukota loko va rilela n'wana la nga tswariwa a ri yexe va hlomuka ngopfu ehenhla ka yena, kukotisa loko va hlomukela n'wana wa mativula.

Zakariya 12:10 Referans Kwoze

Nhlavutelo 1:7

Vonani, wa ta hi mapapa! Un'wana ni un'wana ú ta n'wi vona, ku katsa ni lava va n'wi dlayeke. Tinxaka hinkwato ta vanhu va misava ti ta ba nkosi ti rila hikwalaho ka yena, hakunene swi tano! Amen.

Ezekiele 39:29

Ndzi nga ka ndzi nga ha fularheli Vaisraele, hikuva ndzi ta va ndzi chululerile Moya wa mina ehenhla ka vona. Ndzi vula sweswo mina HOSI N'wini wa hinkwaswo!”

Yeremiya 6:26

N'wina va ka hina, ambalani swiambalo swa nkosi, mi vumbuluka enkumeni; tlhavani mukhosi mi rila ngopfu ku fana ni loko ku lo fa n'wana loyi a a ri yexe, hikuva valala va le kusuhi ni ku hi herisa.”

Timhaka 2:33

Sweswi ke ú tlakuriwile a ya evokweni ra xinene ra Xikwembu; ú amukele Moya lowo Kwetsima lowu tshembisiweke, wu nga lowu humaka ka Tatana, kutani ú cherile ehenhla ka hina leswi mi swi vonaka ni leswi mi swi twaka.

Vaefesa 6:18

Endlani hinkwaswo leswi hi ku khongela, mi kombela ku pfuniwa hi Xikwembu; khongelani minkarhi hinkwayo hilaha Moya wu mi letelaka hakona. Hikokwalaho, tshamani mi hitekile, mi nga karhali ku khongelela vahlawuriwa va Xikwembu hinkwavo.

Varhoma 8:26

Hi mukhuva wolowo Moya na wona wa hi pfuna eku tsaneni ka hina; hikuva a hi tivi ndlela leyi hi fanelaka ku khongela ha yona, kambe Moya, wona ha woxe, wu khongela Xikwembu ematshan'wini ya hina, loko hina hi konya kunene hi nga humesi marito.

Varhoma 8:15

Hikuva Moya lowu mi nga nyikiwa wona, a wu mi endli mahlonga ni ku tlhela wu mi vangela ku chava, kambe wu mi endla vana; hi matimba ya Moya lowu, hi huwelela hi ku: “Abba, Tatana!”

Matewu 24:30

“Hi kona xikombiso xa N'wana-wa-Munhu xi nga ta vonaka etilweni; vanhu va tinxaka hinkwato ta misava va ta ba nkosi, kutani va ta vona N'wana-wa-Munhu a ta emapapeni ya le tilweni, hi matimba ni ku kwetsima lokukulu.

Amosi 8:10

Ndzi ta hundzula minkhuvo ya n'wina yi va minkosi, ni tinsimu ta n'wina hinkwato ti va ta swirilo; ndzi ta mi ambexa leswo khwaxa hinkwenu, ndzi mi byewula ni tinhloko. Siku ra kona, ndzi ta ri endla ri fana ni ra ku rila n'wana un'we wa xinuna; eku heteleleni, ku ta sala mbitsi ntsena.”

Vaheveru 12:2

A hi languteni eka Yesu, musunguri ni muhetisisi wa ku pfumela ka hina, loyi a nga chavangiki ku byarha xihambano, a nga vuli nchumu hi tingana ta kona, hikwalaho ka ku tsaka loku vekiweke emahlweni ka yena; kutani sweswi ú tshamile evokweni ra xinene exiluvelweni xa Xikwembu.

Timhaka 11:15

Loko ndzi sungula ku vulavula, Moya lowo Kwetsima wu ta ehenhla ka vona, hi mukhuva lowu wu nga ta ha wona ni le henhla ka hina eku sunguleni.

Timhaka 10:45

Kutani vapfumeri va Vayuda lava teke na Petro, va hlamala ngopfu, loko va vona leswaku nyiko ya Moya lowo Kwetsima yi averiwa na vona vamatiko.

Timhaka 2:17

“ ‘Xikwembu xi ri: Hi masiku ya makumu, ndzi ta chela Moya wa mina ehenhla ka vanhu hinkwavo. Vana va n'wina va xinuna ni va xisati va ta vhumbha, vana va n'wina va majaha va ta vona swivono, lavo dyuhala va n'wina va ta lorha milorho.

Yeremiya 50:4

HOSI Xikwembu xi ri: “Loko nkarhi wolowo wu ta va wu fikile, Vaisraele ni va ka Yuda va ta hlengeletana, va suka eBabilona va ri karhi va rila, va lava mina HOSI Xikwembu xa vona.

Yeremiya 31:9

Va ta vuya va ri eku rileni, ndzi ta va rhangela va khavaxele mihloti. Ndzi ta va fambisa kusuhi ni mati layo tenga, endleleni leyi khuleriweke, va nga khuguriwi hi nchumu. Hi mina tata wa Vaisraele, Efrayimi hi yena mativula ya mina.”

Esaya 32:15

Kambe ku ta fika siku leri hi nga ta chululeriwa Moya lowu humaka ehenhla, kutani mananga ma ta hundzuka nsimu ya misava yo nona, kasi nsimu leyi nga ni misava leyo nona yi ta tlhuma hi mirhi ya mihandzu.

Yuda 1:20

Kambe n'wina, varhandziwa, tiakeni eku pfumeleni ka n'wina loko hlawuleka ngopfu. Khongelani hi matimba hi Moya lowo Kwetsima.

Timhaka 2:37

Kuteloko vanhu va yingisile marito lawa, va tlhaveka timbilu; kutani va ku ka Petro ni ka vaapostola lavan'wana: “N'wina varikwerhu, xana hi ta endla yini?”

Swivuriso 1:23

Yingisani, ndzi mi laya mina vutlhari, ndzi lombeni tindleve ndzi mi tsundzuxa, ndzi mi byela leswi nga mbilwini ya mina.

Pisalema 51:12

Tlhela u ndzi nyika ntsako, wena Muponisi wanga, ndzi seketele, u pfuxa moya wa malwandla eka mina.

Matewu 26:75

Kutani Petro a tsundzuka rito leri vuriweke hi Yesu, loko a te: “Nkuku wu nga si ringa, u ta va u ndzi landzurile kanharhu.” Kavaloko a humela ehandle, a ya rila hi xiviti.

Yohane 1:29

Siku leri tlhandlamaka, Yohane a vona Yesu a ri karhi a ta a n'wi kongomile, kutani a ku: “Vonani! Hi lexi Xinyimpfana xa Xikwembu lexi susaka swidyoho swa misava!

Swivuriso 4:3

Loko ndza ha ri emavokweni ya tatana, ndzi ri n'wana yexe, la rhandziwaka hi manana,

Esaya 45:22

“Hundzulukelani eka mina leswaku mi ta ponisiwa, n'wina mi akeke emisaveni hinkwayo, hikuva Xikwembu hi mina ntsena, a ku na xin'wana.

Yeremiya 31:19

A hi hambukile ndlela, kutani hi tisorile ka swona; hi kombiwile nandzu wa hina, kutani hi titsongahatile hi languta hansi; hi twile ku vava, hi khomiwa hi tingana, hikuva loko ha ha ri lavantshwa, hi dyohile ngopfu.’ ”

Ezekiele 20:43

Loko mi ri etikweni rero, mi ta tsundzuka hinkwaswo leswi mi swi endleke, leswi mi tinyamiseke ha swona, kutani mi ta tisola ehenhla ka mintirho ya n'wina hinkwayo leyo biha.

Ezekiele 37:14

Ndzi ta mi nyika Moya wa mina, kutani mi ta kuma ku hanya; ndzi ta mi tshamisisa etikweni ra n'wina, kutani mi ta tiva leswaku loyi a mi tshembiseke swilo leswi a tlhela a swi endla, hi mina HOSI. Ndzi vula sweswo ndzi tiyisile!’ ”

Zakariya 13:9

Lava va nga ta sala, ndzi ta va kambela, ndzi va basisa hi ndzilo, kukota loko va basisa nsuku kumbe silivhere. Va ta ndzi huwelela, kutani mina ndzi ta va hlamula ndzi ku: ‘Mi vanhu va mina!’ Vona va ta vula va ku: ‘We HOSI, u Xikwembu xa hina!’ ”

Genesa 45:1

Loko Yosefa a nga ha koti ku tikhoma emahlweni ka hinkwavo lava a a ri na vona, a lerisa hi rito lerikulu, a ku: “Humesani vanhu hinkwavo!” Hikokwalaho, loko Yosefa a titivisa eka vamakwavo, a ku nga ha ri na vanhu van'wana.

Genesa 45:2

Kutani Yosefa a rila a ba huwa, Vaegipta va kondza va n'wi twa ku ya fika ni le mutini wa hosi Faro.

Tinhlayo 21:9

Muxe a vumba nyoka hi koporo, kutani a yi hayeka emhandzeni. Loko munhu un'wana a tshuka a lumiwile hi nyoka, a a languta leyi ya koporo, kutani a hanya.

1 SAMIELE 7:2

Endzhaku ka loko Areka yi yisiwile eKiriyata-Yeyarimi, ku hundza nkarhi wo leha wa malembe ya 20; kutani vanhu hinkwavo va Israele va sungula ku tlhela va rila eka HOSI Xikwembu.