Zakariya 11:9 - BIBELE Mahungu Lamanene

⁹ Hiloko ndzi ku ka tona: “Ndzi nga ka ndzi nga ha vi murisi wa n'wina; leti ti faneleke ku fa, a ti fe; leti lavaka ku lovisiwa, a ti lovisiwe; leti ti nga ta sala, a ti dyanane!”

Xitsonga (Bibele)

⁹ Kutani ndzi ku: “A ndzi nga ha mi risi! Leyi faka, a yi fe; ni leyi lovaka, a yi love; loko ti ri leti salaka, a ti dye yin'wana ni yin'wana nyama ya yin'wana.”

Zakariya 11:9 Referans Kwoze

Yeremiya 43:11

Ú ta fika a hlasela tiko ra Egipta: Lava faneleke ku fa hi ntungu, va ta dlawa hi wona; lava faneleke ku yisiwa evukhumbini, va ta yisiwa kona; ni lava faneleke ku dlawa hi tlhari, va ta dlawa hi rona.

Nhlavutelo 22:11

Loyi a endlaka leswo biha a a ye emahlweni a endla leswo biha, wa thyaka a a ye emahlweni na rona, loyi a lulameke, a a ye emahlweni a endla leswo lulama, ni loyi a hlawulekeke a a ye emahlweni a hlawuleka.”

Yohane 12:35

Yesu a ku ka vona: “Ku vonakala ka ha ta va kona nkarhinyana exikarhi ka n'wina; fambani loko ma ha ri ni ku vonakala, leswaku munyama wu ta ka wu nga mi kumi; kasi loyi a fambaka emunyameni a nga tivi laha a yaka kona.

Yohane 8:24

Hi swo leswi ndzi mi byeleke swona, loko ndzi te: ‘Mi ta fela eswidyohweni swa n'wina.’ Hikuva loko mi nga pfumeri leswaku ‘Mina ndzi yena’, mi ta fela eswidyohweni swa n'wina.”

Yohane 8:21

Yesu a engeta a ku ka vona: “Ndza famba, kutani mi ta ndzi lava, kambe mi ta fela eku dyoheni ka n'wina. Laha ndzi yaka kona, mi nga ka mi nga yi.”

Matewu 21:43

“Hikokwalaho ndza mi byela leswaku mi ta tekeriwa Mfumo wa Xikwembu; kutani wu ta nyikiwa tiko rin'wana leri nga ta veka mihandzu ya wona.

Matewu 21:19

kutani a vona nkuwa kusuhi ni ndlela; a hambuka a ya eka wona, kambe a nga kumanga nchumu eka wona loko ma nga ri matluka ntsena; hiloko a ku ka murhi lowu: “A ku nga ha kumeki mihandzu eka wena ni siku ni rin'we!” Hi nomu lo nkuwa wu oma.

Matewu 15:14

Va tshikeni, hi lavo-fe-mahlo lava fambisaka lavo-fe-mahlo. Loko lowo-fe-mahlo a fambisa lowo-fe-mahlo, va ta wela ekheleni hi vumbirhi bya vona.”

Ezekiele 5:10

Exikarhi ka n'wina, ku ta va ni vatatana van'wana lava nga ta dlaya vana va vona va va dya; naswona ku ta va ni vana van'wana lava nga ta dlaya vatata wa vona va va dya. Kutani lava nga ta pona exikarhi ka n'wina, ndzi ta va hangalasa va ya ematlhelweni hinkwawo ya misava.

Yeremiya 23:39

mina HOSI ndzi ta mi rhwala, ndzi ya mi cukumeta kule na mina. Mi ta siya muti lowu ndzi mi nyikeke wona, n'wina ni vatata wa n'wina.

Yeremiya 23:33

HOSI Xikwembu xi ku ka Yeremiya: “Loko un'wana wa vanhu lava, kumbe muprofeta, kumbe muprista, a ku vutisa a ku: ‘Mahungu lawa HOSI Xikwembu xi nga ku rhwexa wona hi wahi xana?’ u ta n'wi hlamula u ku: ‘Hi n'wina mi rhwexaka Xikwembu endzhwalo!’ Mina HOSI ndzi ri, ndzi ta va hlongola.

Yeremiya 19:9

Valala va vona, va nga vanhu va tihanyi, va ta rhendzela muti va wu vangela ndlala leyikulu, vaaki va wona va kondza va sweka vana va vona va xinuna ni va xisati va dya, va hetelela hi ku dyanana!’ ”

Hosiya 4:6

Vanhu va mina va ta lovisiwa hi ku pfumala vutivi; leswi n'wina mi aleke vutivi, na mina ndzi ta mi alela ku va vaprista va mina. Leswi mi rivaleke nawu wa mina Xikwembu xa n'wina, na mina ndzi ta rivala vana va n'wina.

Zakariya 13:8

Mina HOSI ndzi ri: Etikweni hinkwaro laha ku nga ni vanhu vanharhu, vambirhi eka vona va ta dlayiwa, lowa vunharhu ú ta tshikiwa a hanya.