Zakariya 11:12 - BIBELE Mahungu Lamanene

¹² Kutani ndzi va byela ndzi ku: “Loko mi vona leswaku swi nga va swi lulamile, ndzi nyikeni muholo wa mina; kambe loko mi nga swi vonisi swona, tshamani na wona!” Kutani va ndzi pimela muholo wa mina, wu va lowu ringanaka mali ya tisilivhere ta 30.

Xitsonga (Bibele)

¹² Ndzi ku eka tona: “Loko swi nga va swinene emahlweni ka n'wina, ndzi nyikeni hakelo ya mina: loko swi nga ri tano, yi tshikeni.” Kutani va ndzi pimela hakelo ya mina, yi va mali ya makume manharhu.

Zakariya 11:12 Referans Kwoze

Matewu 26:15

a ku: “Mi ta ndzi nyika yini, loko ndzi mi nyiketa yena ke?” Kutani va n'wi humesela mali yo ringana tisilivhere ta 30.

Eksoda 21:32

Loko homu yi tlhava hlonga ra xinuna kumbe ra xisati, n'wini wa yona ú ta nyika n'wini wa hlonga mali ya tisilivhere ta 30, homu yona yi khandliwa hi maribye yi fa.

Genesa 37:28

Vamidiyani lava fambaka va xava ni ku xavisa swilo, va hundza hi laha vamakwavo wa Yosefa a va ri kona, hiloko va humesa Yosefa ekheleni va n'wi xavisela Vaiximaele hi mali ya tisilivhere ta 20. Kutani Vaiximaele va ya na Yosefa le Egipta.

Yohane 13:2

Diyavulosi a ku ri khale a bohile makungu ya leswaku Yudasi, n'wana Simoni Iskariyota, ú ta xenga Yesu. Loko ku ri karhi ku laleriwa,

1 TIHOSI 21:2

Siku rin'wana Akabu a ku ka Naboto: “Ndzi nyike nsimu ya wena ya vhinya, ndzi ta byala matsavu kona, hikuva yi le kusuhi ngopfu ni yindlu ya mina. Ematshan'wini ya yona, ndzi ta ku nyika nsimu yin'wana yo antswa; kumbe loko u swi lava, ndzi nga yi xava kunene hi mali leyi yi nga yona.”

2 TIKRONIKA 30:4

Kutani makungu ya ku tshineta masiku ya nkhuvo emahlweni ma hatla ma twisiseka eka hosi Hezekiya ni ka nhlengeletano hinkwayo.

Matewu 27:9

Hi laha ku hetisekeke leswi vuriweke hi muprofeta Yeremiya, loko a te: “Va tekile mali yo ringana tisilivhere ta 30, yi nga nhlayo leyi vanhu va Israele a va pimile leswaku munhu wa kona ú ta xaviwa ha yona,

Matewu 27:10

kutani va humesile mali leyi ku xava ‘Nsimu ya muvumbi’, hilaha Hosi yi ndzi leriseke hakona.”

Genesa 23:16

Hiloko Abrahama a nkhenselana na Efroni, a n'wi pimela tisilivhere leti a ti vuleke emahlweni ka Vahiti, ti nga tisilivhere ta 400 hi ku landza mpimo lowu vekiweke hi vamabindzu.

1 TIHOSI 5:6

Kutani ke, lerisa vanhu leswaku va ndzi tsemela timhandze ta kedari ta le Lebanoni; malandza ya mina ma ta tirhisana ni malandza ya wena, kutani ndzi ta ku tamerisa muholo wa malandza ya wena, hi ku ya hi ntsengo lowu u nga ta wu veka, hikuva wa swi tiva leswaku, laha ka hina, vavanuna lava tivaka ku tsema timhandze kukotisa Vasidoni a va kona.”

Yeremiya 32:9

“Kutani ndzi xava nsimu leyi makwerhu Hanamele a a ri na yona le Anatoto, ndzi n'wi tshembisa mali ya silivhere ya 200 g.

Malakiya 3:5

HOSI ya matimba hinkwawo yi ri: “Ndzi ta ta exikarhi ka n'wina ndzi ta mi avanyisa; ndzi ta hatla ndzi boxa nandzu wa vangoma ni wa lava endlaka vuoswi, ni wa lava hlambanyaka hi mavunwa; ndzi ta ba lava nga hakeriki vatirhi va vona hi fanelo, lava xanisaka tinoni ni swisiwana, ni lava hlongolaka valuveri. Ndzi ta avanyisa hinkwavo lava alaka ku ndzi komba xichavo.”

Levhitika 27:4

Loko munhu wa kona a ri wansati wa malembe walawo, mali yo kutsula yi ta va tisilivhere ta 30.