Zakariya 11:11 - BIBELE Mahungu Lamanene

¹¹ Kunene ntwanano wa kona wu onhiwa hi siku rolero, kutani vaxavi va tinyimpfu lava a va ndzi langutile, va swi vona leswaku mhaka leyi yi huma eka HOSI Xikwembu.

Xitsonga (Bibele)

¹¹ Wu tsemiwa hi siku rero; kutani leti tsaneke ta ntlhambi, leti a ti ndzi langutele, ti swi vona hi sweswo leswaku a ri ri rito ra Yehovha.

Zakariya 11:11 Referans Kwoze

Sofoniya 3:12

Exikarhi ka n'wina, ndzi ta siya vanhu lava titsongahataka, lava nga titshembiki. Mina ndzi ta va khokholo ra vona.

Luka 19:48

Ntsena a va nga tivi lexi va nga ta xi endla, hikuva vanhu a va n'wi yingisa, va tsakela ngopfu marito ya yena.

Luka 7:22

Kutani a hlamula varhumiwa, a ku: “Fambani, mi ya rungulela Yohane leswi mi swi voneke ni leswi mi swi tweke; lava feke mahlo va vona, swilema swa famba, vanhlokonho va basisiwa, lavo-fe-tindleve va twa, vafi va pfuka, swisiwana swi byeriwa Evhangeli.

Luka 2:38

A tshuka a fikile enkarhini wolowo, a nkhensa Xikwembu, a vula ta Yesu eka hinkwavo lava languteleke ku kutsuriwa ka Yerusalema.

Luka 2:25

Le Yerusalema a ku ri ni munhu la vuriwaka Simiyoni; munhu loyi a a lulamile, a chava Xikwembu; a a langutele ku chaveleriwa ka Israele. Moya lowo Kwetsima a wu ri ka yena.

Mikiya 7:7

Kambe loko ndzi ri mina, ndzi ta languta eka HOSI Xikwembu, ndzi ta titshembela xona muponisi wanga, Xikwembu xa mina xi ta ndzi hlamula.

Esaya 40:31

kambe lava tshembaka HOSI Xikwembu, va ta engeteleriwa matimba, va ta haha kukota magama, va ta tsutsuma va nga karhali, va ta famba va nga heleli hi ntamu.

Esaya 14:32

Lava nga ta rhumiwa hi Vafilista, va ta hlamuriwa yini xana. “HOSI Xikwembu hi xona xi simekeke muti wa Siyoni, vanhu va xona lava xanisekaka, va ta tsutsuma va ya tumbela eka wona.”

Esaya 8:17

HOSI Xikwembu xi fularhele va ka Yakobo, kambe mina ndzi ta langutela xona, ndzi xi tshemba.

Pisalema 69:33

hikuva HOSI Xikwembu xi pfuna lava nga khombyeni, a xi rivali vanhu va xona lava bohiweke.

Duteronoma 31:29

Ndza swi tiva leswaku loko ndzi file, mi ta sala mi endla manyala, mi tshika ku endla leswi ndzi mi leriseke swona. Eminkarhini leyi taka, mi ta humeleriwa hi makhombo, hikuva mi ta va mi endlile leswi HOSI Xikwembu xi nga swi nkhensiki, mi xi hlundzukisa hi mahanyelo ya n'wina.”

Duteronoma 31:21

Hambiloko ndzi nga si va fikisa etikweni leri ndzi hlambanyeke leswaku ndzi ta va nyika rona, ndza ma tiva makungu lawa va nga na wona etimbilwini ta vona. Hikokwalaho, loko va humelela hi leswo biha ni makhombo layo tala, risimu leri ri ta va mbhoni leyi nga ta kanetana na vona, hikuva a ri nga rivariwi, hambi va ri vatukulu va vona va ta ri tiva swinene.”

2 TIKRONIKA 9:14

naswona a kuma leswi vuyeke ni lava endzeke ematikweni ni van'wamabindzu; na tona tihosi hinkwato ta le Arabiya, ni tindhuna letikulu ta tiko, a ti n'wi luva hi nsuku ni silivhere.

Yeremiya 32:8

Kutani ku humelela leswi HOSI Xikwembu xi swi vuleke: Makwerhu Hanamele a ta eka mina le xivaveni xa varindzi, a ku ka mina: ‘Ndzi kombela leswaku u xava nsimu ya mina leyi nga le Anatoto, etikweni ra Benjamini, hikuva hi wena u nga ni fanelo ya ku kuma nsimu ya kona ni ku yi hlayisa. Tixavele yona!’ Hiloko ndzi swi vona leswaku mhaka ya kona yi fambisiwa hi HOSI Xikwembu.