Zakariya 11:10 - BIBELE Mahungu Lamanene

¹⁰ Kutani ndzi teka nhonga ya mina leyi vuriwaka “Musa”, ndzi yi tshova, ndzi endlela ku onha ntwanano lowu a ndzi wu endlile ni vanhu va matiko hinkwawo.

Xitsonga (Bibele)

¹⁰ Kutani ndzi teka nkhavi wa mina lowu vuriwaka Tintswalo, ndzi wu tshova, ndzi ta tsema ntwanano wa mina lowu ngi ndzi wu endlile ni matiko hinkwawo.

Zakariya 11:10 Referans Kwoze

Zakariya 11:7

Hi mukhuva wolowo ndzi hundzukile murisi wa tinyimpfu leti vaxavi va tona a va ti yisa eku dlayiweni. Kutani ndzi lavile tinhonga timbirhi, yin'wana ndzi yi thya vito ra “Musa”, leyin'wana ndzi yi thya vito ra “Vuxaka”, kutani ndzi nghena eku riseni ka tinyimpfu ta kona.

Pisalema 89:39

U tshovile ntwanano lowu u wu endleke ni nandza wa wena, xidlodlo xa yena xa vuhosi u xi hoxile endzhopeni.

Yeremiya 14:21

Leswi hi vuriwaka vanhu va wena, u nga hi tshiki, u nga fularheli xiluvelo xa wena lexi dzunekaka; anakanya ntwanano lowu u nga wu endla na hina, u nga wu tshovi!

Luka 21:32

Ndzi tiyisile ndzi ri ka n'wina, rixaka leri ri nga ka ri nga hundzi, ku nga si humelela swilo leswi hinkwaswo.

Hosiya 1:9

Kutani HOSI Xikwembu xi ku: “N'wi thye vito ra Lo-Ami” (hileswaku: “Lava nga riki vanhu va mina”), “hikuva a mi vanhu va mina, naswona a ndzi nga ha vi Xikwembu xa n'wina.”

Pisalema 90:17

Hi funengete hi tintswalo ta wena, we Xikwembu xa hina ni N'wini wa hina; katekisa mintirho ya hina, ina yi katekise!

1 SAMIELE 2:30

Hikokwalaho, HOSI Xikwembu xa Israele xi vurisa sweswo xi ri: ‘A ndzi hlambanyile ndzi ku, va ndyangu wa wena ni va rixaka ra wena va ta va vaprista, va ndzi tirhela hilaha ku nga heriki; kambe ku sukela sweswi, mina HOSI ndzi ri: Swi nga ka swi nga ha endleki, hikuva lava va ndzi xiximaka, ndza va xixima, kambe lava va ndzi nyenyaka, a va nga ha vi nchumu eka mina.

Daniele 9:26

Eku heleni ka nkarhi lowu wa malembe ya 7 lama hlayiwaka ka 62, muhlawuriwa wa Xikwembu ú ta dlayiwa, ku ri hava la n'wi yimelelaka. Kutani ku ta humelela mufumi un'wana la nga ta herisa muti ni Tempele hi mavuthu ya yena. Ku hela ka swona ku ta fana ni ndhambi: Ku ta va ni tinyimpi ni maxangu ku fikela makumu, hilaha swi bohiweke hakona.

Ezekiele 24:21

Hikokwalaho, yingisani n'wina Vaisraele! HOSI N'wini wa hinkwaswo ú ndzi byerile ku mi fikisela mahungu ya yena lawa ya nge: ‘Tempele ya mina, yona leyi mi tiyaka ni ku tidzunisa ha vona, yona leyi mi yi rhandzaka swinene ni ku yi anakanya minkarhi hinkwayo, ndzi ta yi onha. Vana va n'wina va xinuna ni va xisati lava saleke eYerusalema, va ta dlawa hi matlhari.

Pisalema 50:2

Xikwembu xi komba ku vonakala ka xona lokukulu, xi ri emutini wo saseka ngopfu wa Siyoni.

Tinhlayo 14:34

Mi ta xaniseka malembe ya 40 hikwalaho ka milandzu ya n'wina, hikuva masiku lawa mi nga valanga tiko ha wona a ma ri 40, hileswaku siku rin'wana ni rin'wana ri yimela lembe rin'we. Mi ta swi tiva leswaku mi ndzi khunguvanyisile ngopfu!