Zakariya 11:1 - BIBELE Mahungu Lamanene

¹ N'wina va le Lebanoni, pfulani tinyangwa ta n'wina, leswaku ndzilo wu nghena wu hisa mirhi ya n'wina ya kedari.

Xitsonga (Bibele)

¹ Wena, Lebanoni, pfula tinyangwa ta wena, ndzilo wu ta hisa tikedari ta wena!

Zakariya 11:1 Referans Kwoze

Yeremiya 22:23

Wena u tshamaka etindlwini to akiwa hi timhandze ta kedari, onge u le ntshaveni ya Lebanoni! Kambe siku rin'wana u ta khoma hi switlhavi, u konya ngopfu, kukota wansati la nga kusuhi ni ku tintshunxa.”

Zakariya 10:10

Ndzi ta va vuyisa va huma etikweni ra Egipta, ndzi ta va hlengeleta va suka etikweni ra Asiriya; ndzi ta va tshamisisa etikweni ra Giliyadi ni ra Lebanoni, va kondza va pfumala ni ndhawu.

Hagayi 1:8

Khandziyani ntshava, mi ya rhwala timhandze, mi ta pfuxa yindlu ya mina, kutani ndzi ta tsaka ha yona, ni ku komba ku dzuneka ka mina eka yona; ndzi vula sweswo mina HOSI.

Habakuku 2:17

Ku xanisa ka wena eLebanoni ku ta ku hundzukela; ndlela leyi u onheke swiharhi ha yona, yi ta ku vangela ku chava lokukulu, hikwalaho ka vanhu lava u halateke ngati ya vona, kumbe hi mhaka ya leswi u xaniseke tiko, ni miti, ku katsa ni vaaki hinkwavo va yona.

Habakuku 2:8

Leswi mi hlaseleke vaaki va matiko layo tala, hinkwavo lava saleke, hi vona lava nga ta mi hlasela, hikwalaho ka vanhu lava mi halateke ngati ya vona, kumbe hi mhaka ya leswi mi xaniseke matiko, ni miti, ku katsa ni vaaki hinkwavo va yona.

Duteronoma 32:22

Ku hlundzuka ka mina ku fana ni ndzilo lowu pfurhaka, lowu hisaka swilo ku ya fika exivandleni xa vafi, wu hisa misava yi hela ni leswi nga ka yona, hambi ma ri masungulo ya tintshava ma tshwa.

Ezekiele 31:3

Ndzi ku fananisa ni murhi wa kipresi kumbe wa kedari eLebanoni, wa marhavi layo saseka lama nyikaka ndzhuti, murhi wo leha swinene lowu dlivaka ni tilo.

Zakariya 11:2

N'wina mirhi ya kipresi, rilani hikuva tikedari ti wile, mirhi leyo hlamarisa leyi, yi onhiwile. N'wina minkuhlu ya le Baxani, kololani, hikuva swihlahla leswi tlhumeke swi tshetshiwile.

Zakariya 12:6

“Hi siku rero, varhangeri va ka Yuda ndzi ta va endla ndzilo lowu pfurhaka exihlahleni; va ta fana ni langavi leri vuvumelaka etinhlangeni, kutani va ta herisa tinxaka hinkwato leti ti va rhendzeleke hi matlhelo hinkwawo. Kambe loko wu ri muti wa Yerusalema, wona wu ta tshama wu hlayisekile kwala wu nga kona.”