Zakariya 10:9 - BIBELE Mahungu Lamanene

⁹ Hambileswi ndzi va hangalaseleke ematikweni, va ta ndzi tsundzuka va ri kwale kule; va ta kurisela kona vana va vona, kambe va ta tlhela va vuya na vona.

Xitsonga (Bibele)

⁹ Ndzi ta va byala exikarhi ka matiko, va ta ndzi tsundzuka ematikweni ya le kule va ta hanya ni vana va vona va ko va tlhela.

Zakariya 10:9 Referans Kwoze

Ezekiele 6:9

kutani varikwenu lava, lava nga ta va va ponile ku dlawa, va ta ndzi anakanya loko va ri evukhumbini exikarhi ka vamatiko. Va ndzi vavisile ngopfu, hikuva timbilu ta vona ti ndzi tshikile ti ndzi fularhela; va langutile eka swikwembu swa vona swa hava, mina va nga ha ndzi tshembi. Kambe eku heteleleni va ta tisola ehenhla ka mintirho ya vona leyo homboloka ni manyala ya vona hinkwawo,

Mikiya 5:7

Hinkwavo lava nga masalela ya va ka Yakobo, vona lava rhendzeriweke hi vanhu va matiko layo tala, va ta fana ni mberha leyi humaka eka HOSI Xikwembu, kumbe swimpfulana leswi hlukisaka byanyi, swi nga lerisiwanga hi munhu, leswi swi ngo tinela swi nga komberiwanga hi munhu.

Hosiya 2:23

Ndzi ta tisimekela vanhu va mina etikweni; ndzi ta tsetselela Lo-Ruhama, kutani eka Lo-Ami, ndzi ta ku: ‘Mi vanhu va mina’, vona va ta hlamula va ku: ‘Hi wena Xikwembu xa hina!’ ”

Yeremiya 31:27

HOSI Xikwembu xi ri: “Yingisani! Nkarhi wa ta lowu ndzi nga ta tlhela ndzi tata tiko ra Israele ni ra Yuda hi vanhu ni swifuwo.

Esaya 65:23

Va nga ka va nga tirheli mahala, naswona va nge veleki vana lava nga ta hatla va fa; hikuva vona ni vana va vona i vatukulu va lava katekisiweke hi mina HOSI.

Esaya 65:9

Va ka Yakobo, ndzi ta va nyika vatukulu; ndzi vula vona va ka Yuda: Va ta tshama etintshaveni ta mina, ti va ta vona; vona vahlawuriwa va mina, va ta nyikiwa tona ti va ta vona, va ta aka eka tona, hikuva i malandza ya mina.

Estere 8:17

Kutani exifundzheni xin'wana ni xin'wana ni le mutini wun'wana ni wun'wana laha nawu ni xileriso xa hosi a swi fika kona, Vayuda a va yimbelela va tsakile, ku tlhela ku va ni nkhuvo ni siku ra ximusi. Kutani vanhu lavo tala va tinxaka-xaka va tivula Vayuda, hikuva a va sungurile ku chava Vayuda swinene.

Nehemiya 1:9

kambe loko mi tlhelela eka mina, mi endla leswi ndzi mi lerisaka swona, mi hanya ha swona, hambiloko ndzi mi hangalasile mi ya fika ni le vugimamusi, ndzi ta tlhela ndzi mi hlengeleta, ndzi mi vuyisa endhawini leyi ndzi yi hlawuleke leswaku vito ra mina ri gandzeleriwa eka yona.’

Yeremiya 51:50

N'wina Vaisraele lava mi poneke ku dlayiwa, hatlisani mi suka eBabilona, mi nga ha tshami; mi nga rivali ku khongela HOSI Xikwembu hambiloko ma ha ri kule, na wona muti wa Yerusalema mi nga wu rivali.

Amosi 9:9

“Hikokwalaho, ndzi ta lerisa leswaku Vaisraele va sefiwa exikarhi ka matiko hinkwawo, ku fana ni loko munhu a sefa mapa, kutani a ku nga vi na xiribyana ni xin'we lexi nga ta huma esefeni.

Varhoma 11:24

Leswi wena u phatluriweke emutlhwarini wa nhova lowu u nga tumbuluka u ri wa wona, kutani u tlhomiwa, hi mukhuva lowu nga riki wa ntumbuluko, emutlhwarini lowu rimeriwaka wa laha kaya, ngopfu-ngopfu marhavi lama phatluriweke ya murhi wa laha kaya, ma ta hatla ma milelana, loko ma tlhomiwa emutlhwarini lowu nga wa wona.

Timhaka 8:4

Vapfumeri lava a va hangalasiwile, a va famba-famba hinkwako, va ri karhi va twarisa Evhangeli.

Timhaka 8:1

Kasi Sawulo a a nkhensa ku dlawa ka Stefano. Enkarhini wolowo, kereke ya Yerusalema yi sungula ku xanisiwa swinene, vapfumeri hinkwavo va hangalasiwa ematikweni ya Yudiya ni ya Samariya; ku sala vaapostola ntsena.

Esaya 44:21

HOSI Xikwembu xi ri: “N'wina va ka Yakobo, ndzi vula n'wina Vaisraele malandza ya mina, mi nga tshuki mi rivala timhaka leti: Muvumbi wa n'wina, hi mina, n'wina mi malandza ya mina; ndzi nga ka ndzi nga mi rivali n'wina Vaisraele.

Esaya 64:4

Ku sukela khale, a ku si tshama ku va na munhu loyi a tweke kumbe ku vona Xikwembu xo fana na wena, hikuva u tikarhatela vanhu lava va ku tshembaka.