Zakariya 10:6 - BIBELE Mahungu Lamanene

⁶ “Va ka Yuda ndzi ta va nyika matimba, ndzi kutsula ni va ka Yosefa. Ndzi ta va vuyisa, hikuva ndzi va twela vusiwana; swi ta fana ni loko ndzi nga si tshama ndzi va cukumeta, hikuva hi mina HOSI Xikwembu xa vona, kutani ndzi ta va hlamula.

Xitsonga (Bibele)

⁶ “Ndzi ta kurisa yindlu ya Yuda, ndzi ponisa yindlu ya Yosefa, ndzi ta va akisa, hikuva ndzi va tsetselele; swi ta kotisa loko swa nga a ndzi nga va lahlanga, hikuva hi mina Yehovha, Xikwembu xa vona, ndzi ta va yingisa.

Zakariya 10:6 Referans Kwoze

Zakariya 13:9

Lava va nga ta sala, ndzi ta va kambela, ndzi va basisa hi ndzilo, kukota loko va basisa nsuku kumbe silivhere. Va ta ndzi huwelela, kutani mina ndzi ta va hlamula ndzi ku: ‘Mi vanhu va mina!’ Vona va ta vula va ku: ‘We HOSI, u Xikwembu xa hina!’ ”

Zakariya 10:12

Kambe vanhu va mina ndzi ta va tiyisa, va ta hanya hi ndlela leyi yi ndzi tsakisaka. Ndzi vurisa sweswo mina HOSI.”

Yeremiya 3:18

Emasikwini ya kona, vanhu va Yuda ni vanhu va Israele va ta vuya swin'we va huma ematikweni ya le n'walungwini, va vuyela etikweni leri ndzi ri nyikeke vatata wa vona leswaku ri va ra vona.”

Zakariya 8:11

Kambe sweswi, mina HOSI ya matimba hinkwawo, ndzi vurisa sweswo ndzi ri: Vanhu va mina lava poneke, a ndzi nga ha vi ni tihanyi eka vona ku fana ni khale,

Hosiya 1:11

Kutani vanhu va tiko ra Yuda ni va tiko ra Israele va ta hlengeletana, va tihlawulela murhangeri un'we; kutani va ta kula va ndlandlamuka, hikuva ri ta va lerikulu siku ra Yizriele.

Ezekiele 36:37

HOSI Xikwembu xi vurisa sweswo xi ri: “Ndzi ta tlhela ndzi pfumelela Vaisraele ku ndzi khongela va kombela ku pfuniwa, kutani ndzi ta hlamula hi ku va andzisa kukota ntlhambi wa swifuwo.

Esaya 41:10

Mi nga chavi, hikuva ndzi na n'wina, mi nga rhurhumeli, hikuva ndzi Xikwembu xa n'wina; ndzi ta mi tiyisa, ndzi mi pfuna, ndzi mi hlulela valala hi voko ra mina.

Mikiya 7:16

Vamatiko lava a va ehleketa leswaku va ni matimba, va ta nyuma loko va vona swilo leswi; va ta tisiva swikandza hi mavoko, va tipfala ni tindleve.

Mikiya 5:8

Va ka Yakobo lava saleke exikarhi ka vamatiko, va rhendzeriwa hi vanhu lavo tala, va ta fana ni nghala exikarhi ka swiharhi swa nhova, kumbe n'wana wa nghala entlhambini wa tinyimpfu; laha va taka ha kona, va ta bvanyangeta ni ku phatlulela, ku ri hava munhu loyi a va sivelaka.

Mikiya 4:13

HOSI Xikwembu xi ri: “N'wina vaaki va Siyoni, sukani mi yima, mi va ba ku fana ni loko mi hula mavele; ndzi ta mi nyika matimba, mi tiya wonge mo va nkuzi ya timhondzo ta nsimbhi ni swinyondzwana swa koporo; mi ta ba vanhu va matiko layo tala mi va phatlulela. Xuma lexi va nga tihlengeletela xona, ni rifuwo ra vona, mi ta swi teka mi swi nyiketa eka mina HOSI Xikwembu, N'wini wa misava hinkwayo.”

Hosiya 2:23

Ndzi ta tisimekela vanhu va mina etikweni; ndzi ta tsetselela Lo-Ruhama, kutani eka Lo-Ami, ndzi ta ku: ‘Mi vanhu va mina’, vona va ta hlamula va ku: ‘Hi wena Xikwembu xa hina!’ ”

Esaya 14:1

Vaisraele, va nga vona va ka Yakobo, HOSI Xikwembu xi ta tlhela xi va twela vusiwana, xi tihlawulela vona, xi va yisa etikweni ra vona. Vanhu va le handle va ta famba swin'we na vona, va tinamarheta eka vona.

Ezekiele 39:25

“Kambe sweswi mina HOSI N'wini wa hinkwaswo ndzi ri, ndzi ta tlhela ndzi katekisa va ka Yakobo hinkwavo, ndzi komba tintswalo ta mina eka vona Vaisraele, ndzi endlela ku lwela vito ra mina lero hlawuleka.

Ezekiele 37:16

“We Ezekiele, teka tinhonga timbirhi, kutani eka leyo rhanga, u tsala leswi: ‘Yuda ni Vaisraele lava twananaka na yena.’ Eka leya vumbirhi, tsala u ku: ‘Yosefa ni Vaisraele hinkwavo lava twananaka na yena (va nga va ka Efrayimi).’

Ezekiele 36:11

Ndzi ta andzisa vanhu ni swifuwo swa vona laha ka n'wina, va kuma vana lavo tala. Mi ta tlhela mi va ni lava akeke ka n'wina ku fana ni khale; ndzi ta mi katekisa ku tlula ni le minkarhini leyi hundzeke, kutani mi ta tiva leswaku HOSI Xikwembu, hi mina!

Yeremiya 31:31

HOSI Xikwembu xi ri: “Nkarhi wa ta lowu mina HOSI ndzi nga ta endla ntwanano lowuntshwa ni Vaisraele, hambi va ri va ka Yuda.

Yeremiya 31:20

HOSI Xikwembu xi ri: “N'wina va ka Efrayimi, mi vana va mina lava rhandzekaka, lava ndzi va tsakelaka swinene. Hambiloko ndzi mi tshinya minkarhi hinkwayo, a mi suki emiehleketweni ya mina; hikokwalaho, leswi ndzi mi rhandzaka swinene, ndzi ta mi twela vusiwana hakunene!”

Yeremiya 31:1

HOSI Xikwembu xi ri: “Enkarhini wa kona, ndzi ta va Xikwembu xa Vaisraele hinkwavo, kutani vona va ta va vanhu va mina.

Yeremiya 30:18

HOSI Xikwembu xi vurisa sweswo xi ri: “Ndzi ta tlhela ndzi katekisa mindyangu ya va ka Yakobo, miti ya vona ndzi ta yi twela vusiwana; muti wa Yerusalema wu ta tlhela wu akiwa exintshabyanini xa wona, na tona tindlu ta le ntsindza ti ta tlhela ti akiwa lomu a ti ri kona khale.

Yeremiya 23:6

Enkarhini wa yona, va ka Yuda va ta pona, na vona Vaisraele va ta tshama va hlayisekile; kutani vito leri yi nga ta thyiwa rona hi leri: ‘HOSI-mulweri-wa-hina’!”

Pisalema 89:21

Kutani ndzi ta va na yena ndzi n'wi seketela, ndzi n'wi tiyisa hi ntamu wa mina.

Mikiya 4:6

HOSI Xikwembu xi ri: “Enkarhini wolowo, lava lamaleke ni lava hlongoriweke, hambi lava ndzi va beke, ndzi ta va hlengeleta.

Obadiya 1:18

Va ka Yakobo ni va ka Yosefa va ta fana ni ndzilo, ni malangavi ya wona: Va ta hisa va ka Esawu va tshwa va hela kukota mavivi; eka va ka Esawu, a ku nga poni na un'we, ndzi vurisa sweswo, mina HOSI.”

Hosiya 1:7

Kambe vanhu va tiko ra Yuda vona, ndzi ta va tsetselela mina HOSI Xikwembu xa vona, ndzi va ponisa. A ndzi nga ha va ponisi hi swa tinyimpi swo fana ni vurha, kumbe fumu, kumbe tihanci, hambi va ri vagadi va tihanci.”

Esaya 11:12

Ú ta yimisela matiko emujeko, a hlengeleta hinkwavo lava susiweke etikweni ra Israele, a vuyisa vaaki va tiko ra Yuda, lava hangalakeke ematlhelweni hinkwawo ya misava.

Esaya 54:4

“U nga chavi, hikuva a wu nga ha khomiwi hi tingana; u nga tipandzisi nhloko, hikuva a wu nga ha vangeriwi leswi nga ta ku nyumisa; tingana leti u veke na tona loko wa ha ri ntsongo, u ta ti rivala, ni leswaku a wu hlekuriwa loko u nga ha ri na nuna, a wu nga ha swi tsundzuki.

Esaya 54:8

Ndzi ku hlundzukerile nkarhinyana, ndzi ku fularhela, kambe hikwalaho ka rirhandzu ra mina leri nga heriki, mina HOSI mukutsuri wa wena, ndzi ta ku twela vusiwana.

Zakariya 1:16

Kutani marito ya mina HOSI hi lawa: Muti wa Yerusalema, ndzi ta tlhela ndzi wu tsetselela, kutani yindlu ya mina yi ta akiwa eka wona. Ndzi vurisa sweswo, mina HOSI ya matimba hinkwawo: Ngoti ya ku pima ha yona yi ta vambiwa ehenhla ka Yerusalema.

Zakariya 9:16

Hi siku ra kona, HOSI Xikwembu xi ta ponisa vanhu va xona, hikuva hi vona va nga ntlhambi wa xona; va ta vangama etikweni ra xona kukota maribye ya nkoka eharhini ya vuhosi.

Yeremiya 30:20

Vatukulu va Yakobo va ta kateka kukota khale; loko va hlengeletana emahlweni ka mina, ndzi ta va tiyisa, kambe ndzi ta ba hinkwavo lava va va xanisaka.

Hosiya 14:9

Lava tlhariheke, a va twisise swilo leswi; lava swi twisisaka, a va swi hlayise etimbilwini ta vona. Tindlela ta HOSI i tinene, lava lulameke va famba eka tona, kasi vadyohi va khuguka va wa.

Mikiya 5:3

Hikokwalaho, ku tshikiwa ka vona ku ta hela siku leri wansati la tikeke a velekaka n'wana wa mufana, kutani Vaisraele lava nga sala evukhumbini, va ta vuya karikwavo.