Zakariya 10:4 - BIBELE Mahungu Lamanene

⁴ Exikarhi ka vona ku ta huma vafambisi lavo tala, hinkwavo va ta tiya kukota ribye ra yinhla, kukota mhingu ya ntsonga kumbe vurha bya masocha.

Xitsonga (Bibele)

⁴ Eka Yuda ku ta huma ribye ra yinhla, eka yena ku huma mhingu, eka yena ku huma vurha bya nyimpi, ku ta huma ni ka yena vafumi hinkwavo swin'we.

Zakariya 10:4 Referans Kwoze

Zakariya 9:10

Xikwembu xi ri: “Ndzi ta hangalasa makalichi ya nyimpi ma suka etikweni ra Efrayimi, ni tihanci ta nyimpi ndzi ta ti susa eYerusalema; mavurha ya masocha ma ta tshoviwa, hikuva loyi a taka, ú ta twarisa ku rhula ematikweni. Mfumo wa yena wu ta nava ku suka eka lwandle rin'wana, ku ya fika eka lerin'wana; wu ta sukela enambyeni wa Yufrata, wu ya fika endzilekaneni wa tiko ra Egipta.”

Zakariya 9:8

Ndzi ta rhendzela yindlu ya mina ndzi yi sirhelela, leswaku mavuthu ma nga ha hundza-hundzi eka yona; nala a nga ka a nga ha ngheni a hlasela vanhu va mina, hikuva sweswi ndzi mulanguteri wa vona.”

Tinhlayo 24:17

Ndza n'wi vona, kambe a nga si va kona, ndzi le ku n'wi languteni, kambe wa ha ri kule. Ú ta huma erixakeni ra Yakobo a fana ni nyeleti, n'wini wa nhonga ya vuhosi ú ta huma eka Vaisraele, ú ta faya tinhloko ta Vamowabu, a cakanyetela va ka Seta hinkwavo.

Nhlavutelo 17:14

Ti ta lwa ni Xinyimpfana, kambe Xinyimpfana xi ta ti hlula, hikuva i Hosi ya tihosi, ni Mufumi wa vafumi; ni malandza ya xona lama vitaniweke, lama hlawuriweke ni lama tshembekaka, xi ta ma nyika ku hlula.”

2 Timotiya 2:4

Loko nyimpi ya ha lwiwa, ku hava nhenha leyi pfaka yi ya tirha swa le kaya, hikuva ku navela ka yona lokukulu i ku tsakisa loyi a yi rhambeke ku ya lwa nyimpi ya kona.

Matewu 9:38

Hikokwalaho, khongelani N'wini wa ntshovelo, leswaku a rhuma vatirhi eku tshoveleni ka yena.”

Yeremiya 1:18

Kutani namuntlha ndzi ta ku endla khokholo, ndzi ku tiyisa u va phuphu ya nsimbhi ni khumbi ra koporo, leswaku u tisirhelela eka tiko hinkwaro, ku nga tihosi ta Yuda, ni tindhuna, ni vaprista, ni vaaki hinkwayo va tiko.

Esaya 54:16

Vona, munhu loyi a pfurhisaka ndzilo a fula matlhari, ú tumbuluxiwile hi mina, ndzi tumbuluxile ni muhlaseri loyi a tirhisaka matlhari ya kona;

Esaya 49:2

Nomo wa mina, xi wu endlile fumu lero tontswa, xi ndzi sirhelela hi voko ra xona; xi ndzi endlile nseve lowu vangamisiweke, xi ndzi tumbeta enkotlotweni wa xona.

Esaya 19:13

Varhangeri va muti wa Sowani va hundzuke swiphukuphuku, varhangeri va muti wa Nofu va xisana; vona lava tiko ra Egipta ri tiyaka ha vona, va ri lahlekisa.

Pisalema 118:22

Ribye leri nyenyiweke hi vaaki, ri hundzukile ribye lerikulu ra yinhla.

Ezra 9:8

Kambe masikunyana lawa, wena HOSI Xikwembu xa hina u hi kombile tintswalo hi ku hi siyela masalela, ni ku hi endlela vutshamo endhawini ya wena leyo hlawuleka, leswaku u ta hi hanyisa ni ku hi vevukisela ndzhwalo wa vuhlonga.

1 SAMIELE 14:38

Kutani Sawulo a vitana vafambisi hinkwavo, a ku ka vona: “Tanani haleno, hi ta kambisisa leswaku i xidyoho muni lexi endliweke namuntlha,

Genesa 49:24

kambe bya yena vurha a byi debyanga, mavoko ya yena a ma karhalanga ni siku ni rin'we, ma tiyisiwile hi Lowa-matimba, xona Xikwembu xa Yakobo, lexi nga Murisi, ni Ribye ra Israele.

Luka 20:17

Kambe Yesu a va languta a ku: “Xana ri vula yini tsalwa leri nge: “ ‘Ribye leri vaaki va nga ri nyenya, hi rona leri nga endliwa ribye lerikulu ra yinhla’ xana?

Vaefesa 2:20

Na n'wina mi akiwa ehenhla ka masungulo lama vekiweke hi vaapostola ni vaprofeta, ribye lerikulu ra masungulo a ri yena Kriste Yesu hi xiviri.

1 Petro 2:6

Hikuva eMatsalweni, ku na leswi swi nge: “Vonani, ndzi vekela ribye emutini wa Siyoni, ribye ra yinhla leri hlawuriweke, ra nkoka; kutani loyi a pfumelaka eka rona, a nga ka a nga khomiwi hi tingana.”

Yeremiya 51:20

HOSI Xikwembu xi ri: “Wena Babilona, a wu ri nyundzu ni tlhari evokweni ra mina; ndzi ku tirhisile ku hangalasa vamatiko ni ku herisa mimfumo.

Esaya 28:16

Kambe HOSI N'wini wa hinkwaswo ú vurisa sweswo, ú ri: “Vonani, ndzi le ku vekeni ka masungulo lama tiyeke emutini wa Siyoni, ri nga ribye ra yinhla leri sasekeke. Loyi a tiseketelaka ha rona, a nga ka a nga tsekatseki.