Zakariya 10:3 - BIBELE Mahungu Lamanene

³ Xikwembu xi ri: “Ndzi hlundzukerile lava tiendlaka varisi; lava tivulaka varhangeri, ndzi ta va tshinya; hikuva mina HOSI ya matimba hinkwawo ndzi tikarhatela ntlhambi wa mina va nga vanhu va le Yuda, ndzi ta va endla tihanci ta mina ta nyimpi leti tiyeke.

Xitsonga (Bibele)

³ “Vukari bya mina byi pfurhele varisi, ndzi ta tshinya swiphongo; hikuva Yehovha wa tinyimpi u endzela ntlhambi wa yena, yi nga yindlu ya Yuda, u ta yi endla hanci ya yena yo saseka enyimpini.

Zakariya 10:3 Referans Kwoze

Ezekiele 34:2

“Wena munhu, yana u ya tshinya tihosi leti risaka tiko ra Israele; tshinya varisi lava, u va byela leswaku mina HOSI N'wini wa hinkwaswo ndzi ni rito eka vona leri nge: ‘Mi ni khombo n'wina varisi va Israele, hikuva mi le ku tihlayiseni n'wina ntsena! Xana ntirho wa varisi a hi ku hlayisa tinyimpfu xana?

Zakariya 11:17

“Ú ni khombo murisi wa mina loyi a nga pfuniki nchumu, loyi a sukelaka ntlhambi. Voko ra yena a ri tlhaviwe hi fumu, tlhari a ri n'wi xokole tihlo ra xinene! Voko ra yena a ri khwanyane kunene, tihlo ra yena ra xinene ri fela makumu!”

Sofoniya 2:7

Tiko leri ri ta tekiwa hi va le Yuda lava poneke; va ta risela kona swifuwo swa vona; namadyambu va ta ya etlela etindlwini ta le Axikeloni, hikuva HOSI Xikwembu xa vona xi ta va tsetselela, xi tlhela xi va katekisa.

Yeremiya 25:34

“N'wina varisi, rilani mi ba nkalanga, vumbulukani eritshurini n'wina varhangeri va ntlhambi, hikuva nkarhi wa ku dlawa ni wa ku hangalasiwa ka n'wina wu fikile, mi ta tlhaviwa kukota tinyimpfu leti noneke.

Swivuriso 21:31

Hanci yi nga lulamiseriwa ku ya enyimpini, kambe ku hlula, swi huma eka HOSI Xikwembu.

1 Petro 2:12

Hanyani hi mukhuva lowo saseka exikarhi ka vamatiko, leswaku loko va tshuka va mi lumbeta, va ku, mi vadyohi, va ta vona mintirho ya n'wina leyo saseka, va dzunisa Xikwembu, hi siku leri xi nga ta ta ha rona.

Luka 1:68

“A ku dzunisiwe Hosi, Xikwembu xa Israele, hikuva xi endzerile tiko ra xona, xi ri kutsurile;

Rhuti 1:6

Loko a ha ri etikweni ra Mowabu, Nahumi a twa leswaku HOSI Xikwembu xi pfunile tiko ra xona, xi ri phamela swakudya. Hikokwalaho a longa a ri ni vingi va yena, leswaku va ta suka etikweni ra Mowabu.

Eksoda 4:31

Kavaloko Vaisraele va kholwa: Loko va twisisile leswaku HOSI Xikwembu xi tile eka vona hakunene, ni leswaku xi vonile ku xaniseka ka vona, va korhamela hansi va xi gandzela.

Sofoniya 1:8

Hi siku ra magandzelo ya kona, HOSI Xikwembu xi ri: “Ndzi ta ba tindhuna ni vana va tihosi, ni hinkwavo lava tekelelaka mikhuva ya vanhu vambe.

Yeremiya 50:6

Vanhu va mina i tinyimpfu leti lahlekeke, varisi va tona va ti lahlile etintshaveni; ti le ku pepetsekeni emagangeni, tshanga ra tona a ta ha ri tivi.

Yeremiya 25:12

“Kambe loko malembe lawa ya 70 ma ta va ma hundzile, mina HOSI ndzi ri, ndzi ta ba hosi ya Babilona ni rixaka ra Vakalediya hikwalaho ka swidyoho swa vona, kutani tiko ra vona ri ta tshama ri ri mananga hilaha ku nga heriki.

Yeremiya 11:22

Marito lawa HOSI ya matimba hinkwawo yi ma vuleke hi lawa: “Ndzi ta ba vanhu lava. Exikarhi ka vona, majaha ma ta dlawa enyimpini, ndlala yi sala yi dlaya vafana ni vanhwanyana.

Yeremiya 10:21

Mina Yeremiya ndzi ri: Varhangeri va hina va pfumala mano, a va ha yi va ya vutisa ku rhandza ka HOSI Xikwembu, hikokwalaho makungu ya vona ma helela empfhukeni, kutani ntlhambi wa vona hinkwawo wu hangalaka.

Esaya 24:21

Enkarhini wolowo, HOSI Xikwembu xi ta ba swivumbiwa swa le henhla tilweni, xi ba ni tihosi ta le hansi misaveni:

Esaya 10:12

Loko N'wini wa hinkwaswo a heta hinkwaswo leswi a swi endlaka entshaveni ya Siyoni ni le mutini wa Yerusalema, ú ta ba hosi ya Asiriya, hikuva yi titshemba ngopfu ni ku tikurisa ku tlula mpimo.

Risimu ra Tinsimu 1:9

Murhandziwa, ndzi ku fanisa ni hanci leyi kokaka kalichi ya Faro.

Ezekiele 34:12

Swi nga endleka leswaku tinyimpfu tin'wana ti hambana ni ntlhambi ti ya lahleka; loko swi ri tano, munhu loyi a nga ku riseni esikwini rero, ú ta famba a ti lava. Hi mukhuva wolowo na mina ndzi ta famba ndzi lava tinyimpfu ta mina, ndzi ti humesa ematikweni hinkwawo lawa ti nga hangalasiwa ti ya ka wona, siku ti nga wela hi khombo ni xinyami.

Daniele 11:32

Lava fularheleke Ntwanano, mufumi loyi ú ta va yenga hi marito ya yena yo kanganyisa, kambe lava tivaka Xikwembu xa vona va ta yima va nga tsekatseki, va lwa na swona.

Ntirho 39:25

Yi hlamula mhalamhala yi ku: ‘Aháà!’ yi nuheta nyimpi ya ha ri kule, yi twa ku lerisa ka vafambisi, ni huwa ya mavuthu.

Ezekiele 34:11

“Mina HOSI N'wini wa hinkwaswo ndzi vurisa sweswo ndzi ri: Yingisani! Mina hi ndzexe ndzi ta landza tinyimpfu ta mina ndzi vuya na tona.