Zakariya 10:2 - BIBELE Mahungu Lamanene

² Swifaniso leswi vatliweke swa swikwembu, swona swa hemba; lava hlahluvaka va vona swivono leswi kanganyisaka, milorho leyi va yi lorhaka i mavunwa ntsena, ku khongotela ka vona a ku pfuni nchumu. Hikokwalaho Vaisraele va tsendzeleka kukota tinyimpfu, leti xanisekaka hi ku pfumala murisi.

Xitsonga (Bibele)

² Hikuva titerafi ti vula swahava. Vangoma va bvumbhile swa mavunwa, i milorho yo xisa leyi va nga yi lorha, va chavelela hi swahava. Hikwalaho, tiko ri sukile kukotisa ntlhambi, va xaniseka hi ku pfumala murisi.

Zakariya 10:2 Referans Kwoze

Matewu 9:36

Loko a vona mintshungu ya vanhu, a va twela vusiwana, hikuva a va karhele, va tshamile ehansi, va fana ni tinyimpfu leti nga riki na murisi.

Habakuku 2:18

Xana ku pfuna ka xifaniso xa xikwembu xa hava hi kwihi ke? Loko muvatli wa xona a hetile ku xi vatla, i xifaniso xa nsimbhi ntsena, lexi dyondzisaka mavunwa. Muvatli ú veka ku tshemba ka yena eka xivumbiwa xa yena, loko a ri karhi a vatla swikwembu leswi nga vulavuriki.

Hosiya 3:4

Va tiko ra Israele na vona va ta tshama nkarhi wo leha va nga ri na hosi kumbe murhangeri, va ta pfumala ni swo humesa magandzelo, hambi ma ri maribye ya vugandzeri a va nga vi na wona, va ta pfumala na “efodi” kumbe “terafi”.

Ezekiele 34:5

Kutani leswi tinyimpfu a ti pfumala varisi, ti hangalakile, ti ya dyiwa ha yin'we yin'we hi swiharhi swa le nhoveni.

Yeremiya 27:9

Loko mi ri n'wina, mi nga tshuki mi yingisa vaprofeta va n'wina; mi nga yingisi vangoma va n'wina, ni lava va mi byelaka milorho ya vona, ni lava va vutisaka timhaka ta n'wina eka swikwembu, ni lava va mi fembaka. Vanhu lava va mi tivisa leswaku a mi nga sindzisiwi ku tirhela hosi ya Babilona,

Genesa 31:19

Enkarhini wa kona Labani a a yile eku tsemeteni ka voya bya tinyimpfu ta yena, kutani Rahele n'wana wa yena a n'wi yivela swifaniso leswi vatliweke swa swikwembu.

Ezekiele 34:8

Yena N'wini wa hinkwaswo ú tiyisa a ku: “Tinyimpfu ta mina ti khomiwile hi swiharhi swa tinxaka-xaka ti dyiwa ha swona, hikuva a ti pfumala varisi; leti nga lahleka, varisi a va ti landzanga va vuya na tona, hikuva a va anakanya ntsena ku tihlayisa vona vinyi ematshan'weni ya ku hlayisa tinyimpfu ta mina!”

Mikiya 2:12

“N'wina va ka Yakobo, ndzi ta tlhela ndzi mi hlengeleta hinkwenu, ndzi vula n'wina masalela ya Vaisraele; ndzi ta mi vuyisa endhawini yin'we ku fana ni tinyimpfu etshangeni, mi ta fana ni ntlhambi emadyelweni ya wona, etikweni ra n'wina ku ta twala huwa ya vanhu lavo tala.”

Ezekiele 21:29

Hambi mi nga kombiwa swivono swa hava kumbe mi vona swikombiso swa mavunwa, tivani leswaku banga ri le tinhan'wini ta n'wina, n'wina vanhu vo homboloka, hikuva nkarhi wa ku biwa ka n'wina wu fikile.

Ezekiele 21:21

Hosi ya le Babilona yi yimile emahandzeni ya tindlela leti; yi le ku hlahluveni, yi lava ku tiva leswaku yi ta famba hi kwihi: Yi hoxa vuhlolotwana hi miseve, yi vutisa ha yona ku rhandza ka swikwembu swa yona, yi kambisisa ni swivindzi swa swifuwo swa magandzelo.

Swirilo 2:14

Vaprofeta va wena va ku kanganyisile hi swivono swa mavunwa ni vuxisi; va hlulekile ku paluxa vubihi bya wena leswaku u tlhela u kateka, va ku byerile mahungu ya mavunwa, va ku yenga ha wona.

Yeremiya 51:23

Ndzi ku tirhisile ku hangalasa varisi ni mintlhambi ya vona, varimi ni tihavi ta vona, tihosi ni tindhuna ta tona.”

Yeremiya 50:17

HOSI Xikwembu xi ri: “Vaisraele va fana ni swinyimpfana leswi hlotiwaka ni ku hangalasiwa hi tinghala. Ku rhange hosi ya Asiriya yi va dlaya yi dya nyama ya vona, Nebukadnetsara hosi ya Babilona yena a sala a phorha marhambu.

Yeremiya 37:19

Namuntlha va kwihi vaprofeta lava va mi tshembiseke leswaku hosi ya le Babilona yi nga ka yi nga mi hlaseli kumbe ku hlasela tiko leri, xana?

Yeremiya 29:8

Hakunene HOSI ya matimba hinkwawo Xikwembu xa Israele xi vurisa sweswo xi ri: ‘Mi nga tshuki mi pfumela ku xisiwa hi vaprofeta va n'wina ni vangoma lava nga xikarhi ka n'wina; mi nga tshuki mi yingisa ni lava va mi byelaka milorho ya vona,

Yeremiya 28:15

Kutani muprofeta Yeremiya a ku ka muprofeta Hananiya: “We Hananiya, HOSI Xikwembu a xi ku rhumanga, kambe u xisile vanhu lava, kutani va tshemba mavunwa ya wena.

Yeremiya 23:17

Minkarhi hinkwayo vaprofeta lava va byela lava sandzaka rito ra mina, va ku: ‘Mintirho ya n'wina yi ta kateka!’ Hinkwavo lava omeke tinhloko, vaprofeta va va byela va ku: ‘A mi nga voni nchumu xo biha!’

Yeremiya 14:22

Xana swikwembu swa vamatiko swi tshama swi nisa mpfula ke, kumbe matilo ma nga wisa mberha ha woxe xana? E-e! Munyiki wa swona hi wena ntsena, wena HOSI Xikwembu xa hina; hi tshemba wena ntsena, hikuva swilo leswi hinkwaswo swi endliwe hi wena.

Yeremiya 14:13

Kutani ndzi hlamula Xikwembu ndzi ku: “We HOSI N'wini wa hina, wa swi tiva: Vaprofeta va byela Vaisraele va ku: ‘A mi nga voni tinyimpi kumbe ku dlawa hi tindlala, hikuva Xikwembu xi tshembisile ku mi nyika ku rhula loku tiyeke endhawini leyi!’ ”

Yeremiya 10:8

Vanhu lava hinkwavo va pfumala mano ni ku twisisa: Xana swikwembu leswi swi ta va letela yini? I timhandze ntsena!

Yeremiya 8:11

Ntirho wo bohelela timbanga ta vanhu va mina va wu tekile wu ri lowutsongo, va ku: ‘Ku rhurile, ku rhurile!’ kasi a ku na ku rhula.

Yeremiya 6:14

Ntirho wa ku bohelela timbanga ta vanhu va mina va wu tekile wu ri lowutsongo, va ku: ‘Ku rhurile, ku rhurile!’ Kasi a ku na ku rhula.

Esaya 46:5

“Xana ú kona munhu loyi mi nga ndzi fanisaka na yena, kumbe loyi mi nga ndzi ringanisaka na yena xana? Ndzi ringana na mani, naswona ndzi fana na mani?

Esaya 44:9

Hinkwavo lava tiendlelaka swikwembu, a va pfuni nchumu, naswona swifaniso leswi va swi tsakelaka a swi va vuyiseli nchumu; lava va swi khongelaka a va tlharihanga, a va swi tivi leswaku va nga khomisiwa tingana.

Ntirho 21:34

Marito ya n'wina yo vevuka ma nge ndzi chaveleri, leswi mi ndzi hlamurisaka swona i vuxisi ntsena.”

Ntirho 13:4

N'wina mo tlhandleka mavunwa ehenhla ka mavunwa, vun'anga bya n'wina hinkwenu i bya hava.

1 TIHOSI 22:17

Hiloko Mikaya a boxa a ku: “Ndzi vonile Vaisraele hinkwavo va hangalakile etintshaveni, va fana hi tinyimpfu leti nga riki na murisi. Naswona HOSI Xikwembu xi ri: ‘Vanhu lava va pfumala vafambisi; un'wana ni un'wana wa vona a a tlhelele ekaya ka yena hi ku rhula.’ ”

Vaavanyisi 18:14

Vavanuna lava a va yile va ya valanga muti wa Layixi, va byela vamakwavo va ku: “Xana ma swi tiva leswaku kwala tindlwini leti ku ni ‘efodi’, ni ‘titerafi’, xifaniso lexi vatliweke, ni lexi vumbiweke kunene, xana? N'wina vonani leswaku mi nga endla yini!”

Tinhlayo 27:17

a rhangela mavuthu ni ku ma letela loko ma ya enyimpini, ni loko ma vuya. Hi ndlela leyi, ntshungu wa wena HOSI a wu nga fani ni ntlhambi wa tinyimpfu leti pfumalaka murisi.”

Marka 6:34

Loko Yesu a huma ebyatsweni, a vona ntshungu lowukulu wa vanhu, a va twela vusiwana, hikuva a va fana ni tinyimpfu leti nga riki na murisi; kutani a va dyondzisa leswo tala.

Yeremiya 23:32

Mina HOSI ndzi lwa ni lava tisaka milorho ya mavunwa, lava hambukisaka vanhu va mina hi ku jakatseka ka vona loku kanganyisaka. Vaprofeta lava, mina a ndzi va rhumanga, naswona a ndzi va lerisanga nchumu; leswi va swi dyondzisaka, a swi nga pfuni vanhu va mina nikutsongo. Ndzi vula sweswo mina HOSI.”

Zakariya 11:17

“Ú ni khombo murisi wa mina loyi a nga pfuniki nchumu, loyi a sukelaka ntlhambi. Voko ra yena a ri tlhaviwe hi fumu, tlhari a ri n'wi xokole tihlo ra xinene! Voko ra yena a ri khwanyane kunene, tihlo ra yena ra xinene ri fela makumu!”

Duteronoma 13:2

Mahlori ni swihlamariso swa kona, leswi va mi tshembiseke swona, swi nga tshuka swi humelela hilaha va vuleke hakona, kutani endzhaku va mi kucetela ku ya gandzela swikwembu swimbe, va ku: ‘A hi yeni hi ya tirhela swikwembu swin'wana, hi gandzela swona!’

Esaya 41:29

Vonani, hinkwaswo a swi pfuni nchumu, a ku na ntirho lowu swi wu endlaka, swifaniso leswi vatliweke leswi, a hi nchumu!”

Esaya 44:25

Ndzi kaneta vangoma ni mahlori ya vona, lava hlahluvaka, ndzi va hundzula swihlekiso, ndzi bakanya tintlhari, ndzi komba leswaku vutivi bya tona a byi pfuni nchumu.

Yeremiya 27:10

kasi va mi byela mavunwa ntsena! Loko mi va yingisa, mi ta yisiwa kule ni tiko ra n'wina; ndzi ta mi hangalasa, mi lovisa sweswo.

Yeremiya 27:14

Hikokwalaho mi nga tshuki mi yingisa vaprofeta lava tshamelaka ku mi tsundzuxa va ku: ‘Mi nga pfumeli ku tirhela hosi ya Babilona!’ hikuva va mi byela mavunwa.