Zakariya 1:4 - BIBELE Mahungu Lamanene

⁴ Mi nga tiarisi ku fana ni vatata wa n'wina lava ndzi va khongoteleke hi milomo ya vaprofeta lavo rhanga, ndzi va byela ku tshika mikhuva ya vona leyo biha, ni swiendlo swa vona leswo homboloka. Kambe vona a va ndzi yingisanga, a va ndzi kombanga xichavo, mina HOSI ya matimba hinkwawo.

Xitsonga (Bibele)

⁴ Mi nga tshuki mi kota vatata wa n'wina valavo vaprofeta vo rhanga a va huwelela eka vona, va ku: ‘Ku vuriwile hi Yehovha wa tinyimpi, a ku: Hundzukani eku fambeni ka n'wina loko biha, ni le mitirhweni yo biha ya n'wina!’ ... Kambe a va yingisangi, a va hlayisangi rito ra mina, ku vula Yehovha.

Zakariya 1:4 Referans Kwoze

Pisalema 78:8

Naswona xi lavile leswaku vana lava va nga fani ni vatata wa vona, va nga vanhu lava tiariseke va ala ku yingisa, vanhu lava kanakanaka, lava nga tshembekangiki eka Xikwembu.

Ezekiele 33:11

Va byele leswaku mina HOSI N'wini wa hinkwaswo ndzi tibohile hi ku hlambanya ndzi ri: A ndzi tsakeli rifu ra mudyohi, kambe ndzi lava leswaku a hundzuka etindleleni ta yena leto homboloka, kutani a kuma ku hanya. Hikokwalaho, n'wina Vaisraele, hundzukani! Ina, hundzukani, mi tshika tindlela ta n'wina leto biha. Hikwalaho ka yini mi lava ku tivangela rifu xana?

Yeremiya 35:15

Ndzi mi rhumerile vaprofeta malandza ya mina; minkarhi hinkwayo a ndzi va rhwexa mahungu lama nge: ‘Hinkwenu hundzukani mi tshika tindlela ta n'wina leto homboloka, mi lulamisa mahanyelo ya n'wina, mi nga ha landzeleli swikwembu swa hava, mi nga swi nkhinsameli. Loko mo endla tano, mi ta tshamiseka etikweni leri ndzi ri nyikeke n'wina ni vatata wa n'wina.’ Kambe mi arile ku ndzi yingisa.

1 Petro 1:18

Ma swi tiva leswaku mi kutsuriwile eka tindlela leti nga pfuniki nchumu, leti mi ti kumeke eka vatata wa n'wina; mi kutsuriwile ku nga ri hi swilo leswi onhakaka ku fana ni silivhere kumbe nsuku,

Timhaka 26:20

Ndzi sungurile hi va le Damaska ni va le Yerusalema, ndzi ya emahlweni etikweni hinkwaro ra Yudiya, ni le ka vamatiko, ndzi ri karhi ndzi va khongotela ku hundzuka, va tlhelela eka Xikwembu, kutani va tirha mintirho leyi fambelanaka ni ku hundzuka ka vona.

Timhaka 3:19

“Loko swi ri tano, hundzukani, mi tlhelela eka Xikwembu, leswaku swidyoho swa n'wina swi rivaleriwa,

Mikiya 2:6

Vanhu lava va ri, ndza jamuka, kasi hi vona va jamukaka. Va ri: “U nga jamuki! Hina hi nga ka hi nga humeleriwi hi khombo.

Amosi 5:24

Ku avanyisa lokunene a ku khuluke ku fana ni mati, ni ku lulama a ku hobomulane kukota nambu lowu nga phyiki.

Hosiya 14:1

N'wina vanhu va tiko ra Israele, tlhelelani eka HOSI, Xikwembu xa n'wina, hikuva milandzu ya n'wina yi mi khugurile mi wa.

Yeremiya 44:16

“Leswi u hi byelaka swona u ku swi huma eka HOSI Xikwembu, a hi swi amukeli.

Yeremiya 26:5

ni loko mi nga yingisi leswi vaprofeta malandza ya mina va mi byelaka swona — va nga lava ndzi mi rhumelaka vona minkarhi hinkwayo, kambe mi nga va yingisi —,

Yeremiya 18:11

Hikokwalaho we Yeremiya, byela vanhu va ka Yuda ni vaaki va Yerusalema marito ya mina lama nge: ‘Yingisani, ndzi le ku vumbeni ka makhombo lawa ndzi nga ta mi ba ha wona; ndzi le ku boheni ka makungu ya kona. Hundzukani hinkwenu mi tshika mahanyelo ya n'wina layo biha, mi lulamisa tindlela leti mi hanyaka ha tona!’

Yeremiya 3:12

Hikokwalaho famba u ya byela va le n'walungwini marito lawa, u ku: “ ‘We Israele, wena wo ka u nga tshembeki, ndzi ri, vuyela ka mina, a ndzi nga ha ku hlundzukeri, hikuva ndzi ni tintswalo. Ndzi vula sweswo mina HOSI, a ndzi nga hlundzuki hilaha ku nga heriki.

Esaya 31:6

Vuyelani eka loyi mi n'wi fularheleke nkarhi wo leha, n'wina vanhu va Israele.

Nehemiya 9:30

Emalembeni lawa yo tala, u va lehiserile mbilu, u va tsundzuxa hi Moya wa wena, hi milomo ya vaprofeta, kambe a va yingisanga, kutani u va nyiketa emavokweni ya vamatiko.

Nehemiya 9:26

“Hambiswiritano, va arile ku ku yingisa, va ku hundzukela, va fularhela ni Nawu wa wena, va dlaya ni vaprofeta va wena lava a va va tsundzuxa ku tlhelela eka wena; va tlhela va ku rhuketela swinene.

Nehemiya 9:16

“Hambiswiritano, vatata wa hina va tikurisile, va tinonon'hwisa, va nga yingisi milawu ya wena.

Ezra 9:7

Ku sukela enkarhini wa vatatana, ku ta fika namuntlha, ha ha ri ni nandzu lowukulu. Hina ni tihosi ta hina, ni vaprista, hi nyiketiwile emavokweni ya tihosi ta vamatiko hikwalaho ka swidyoho swa hina; hi hlaseriwile hi fumu, hi yisiwa evukhumbini, hi tekeriwa swilo swa hina, hi khomisiwa tingana, ku fana ni namuntlha.

2 TIKRONIKA 34:21

“Yanani mi ya ndzi vutisela eka HOSI Xikwembu, mi vutisela ni vanhu lava saleke etikweni ra Israele ni ra Yuda, hi ta marito ya buku leyi yi nga thumbhiwa leyi; hikuva vukari bya HOSI Xikwembu i byikulu ehenhla ka hina, hikwalaho ka vakokwa wa hina lava nga yingisangiki marito ya buku leyi, lava nga landzangiki na xin'we xa leswi tsariweke eka yona.”

2 TIKRONIKA 30:7

Hikokwalaho mi nga tshuki mi fularhela HOSI, Xikwembu xa vatata wa n'wina, ku fana ni vatswari va n'wina ni vamakwenu, lava Xikwembu xi va beke hi makhombo lawa mi ma tivaka.

Yeremiya 4:1

HOSI Xikwembu xi vula sweswo xi ri: “Wena Israele, loko u tiyimisele ku hundzuka, hundzuka u vuyela eka mina. Loko u hambana ni swikwembu swa wena swa manyala, u nga ka u nga tsekatseki emahlweni ka mina.

Yeremiya 23:22

Loko ingi va nghenile ehubyeni ya mina, a va ta tivisa vanhu va mina marito ya mina ya xiviri, a va ta va pfuna ku hundzuka, va va tshikisa mahanyelo ya vona layo biha ni mintirho ya vona leyo homboloka.

Ezekiele 20:18

“Loko Vaisraele va ha ri emananga, ndzi vulavurile ni vana va vona, ndzi va byela leswaku va nga tekeleli mikhuva ya vatata wa vona, ni swiletelo swa vona va nga swi yingisi, kumbe ku tinyamisa hi ku khongela swikwembu swa hava swa vatata wa vona.

Ezekiele 33:4

Loko munhu un'wana etikweni rero a twa mhalamhala, kambe a swi ba hi makatla, munhu loyi ú ta va a lo tivangela rifu hi yexe;

Zakariya 7:7

Marito lawa ma ha fana ni lawa HOSI Xikwembu xi ma twariseke hi milomo ya vaprofeta lavo rhanga; eminkarhini ya kona, vaaki va muti wa Yerusalema ni va swimitana leswi nga kusuhi, a va ha tele va tshamisekile; hambi va ri vanhu va le magangeni ni va le dzongeni a va ha tele.

2 TIKRONIKA 30:6

Kutani ku rhumiwa tintsumi, ti ya hi ku tsutsuma ematlhelweni hinkwawo ya tiko ra Israele ni ra Yuda, ti ri na mapapila lama tsariweke hi vito ra hosi Hezekiya ni tindhuna ta yena. Emapapileni lawa, hosi Hezekiya a a vula leswi: “N'wina vanhu va Israele, vuyelani eka HOSI, Xikwembu xa Abrahama na Isaka na Yakobo, kutani na xona xi ta vuyela eka n'wina. N'wina mi poneke etinyimpini ta hosi ya Vaasiriya, a ma ha talanga.

Yeremiya 3:14

HOSI Xikwembu xi ri: “N'wina vanhu va mina vo ka va nga tshembeki, vuyani, hikuva ndzi N'wini wa n'wina. Emutini wun'wana ni wun'wana ndzi ta hlawula munhu un'we, ni ka nyimba yin'wana ni yin'wana ndzi ta hlawula vambirhi, kutani ndzi ta mi tlherisela emutini wa Siyoni.

Yeremiya 25:8

HOSI ya matimba hinkwawo yi vula sweswi yi ri: “Leswi mi aleke ku yingisa leswi ndzi swi vuleke,

Ezekiele 14:6

Hikokwalaho, va byele leswaku mina HOSI N'wini wa hinkwaswo ndzi ni rito eka vona leri nge: Hundzukani, mi tshika swikwembu swa n'wina swa hava, mi hambana ni manyala ya n'wina hinkwawo.

Daniele 9:6

Vaprofeta va nga malandza ya wena, va vulavurile hi vito ra wena, va khongotela tihosi ta ka hina, ni tindhuna ta kona, ni vatata wa hina, ni vanhu hinkwavo, kambe a hi va yingisanga.