Zakariya 1:21 - BIBELE Mahungu Lamanene

²¹ Hiloko ndzi ku: “Xana lava va tela ku ta endla yini xana?” Ntsumi yi hlamula yi ku: “Va tela ku ta chavisa ni ku wisa timhondzo leti hangalaseke va le Yuda. Timhondzo ta kona i matiko lama hlaseleke ni ku tshikelela va le Yuda, ma va hangalasa.”

Xitsonga (Bibele)

²¹ Kutani ndzi ku: “Lava va tele ku endla yini?” A angula, a ku: “Leti i timhondzo leti hangalaseke Yuda, ku nga ri na wumbe la yimisaka nhloko, kambe lava va tile ku ti chavisa, ku tsema timhondzo ta matiko lama pfukeleke tiko ra Yuda matimba ku ri hangalasa.”

Zakariya 1:21 Referans Kwoze

Zakariya 1:19

Hiloko ndzi vutisa ntsumi leyi a yi vulavula na mina, ndzi ku: “Xana swilo leswi swi vula yini xana?” Kutani yona yi ndzi hlamula yi ku: “Timhondzo leti hi tona leti hangalaseke va le Yuda, ni va le Israele, ni vaaki va le Yerusalema.”

Swirilo 2:17

HOSI Xikwembu xi hetisile makungu ya xona, xi endlile hilaha xi nga vula hakona; a xi hundzukanga emakungwini ya xona ya khale. Xi hahlurile, xi nga tsetseleri, xi tsakisile valala hi ku wa ka wena, xi va engetelela matimba.

Pisalema 75:10

Xikwembu xi ri: “Ndzi ta herisa matimba ya lavo homboloka, kambe lavo lulama, ndzi ta va engetelela ntamu.”

Daniele 12:7

Wanuna loyi a yimeke enambyeni a ambele swa ntsembyani, a tlakusa mavoko, kutani ndzi n'wi twa a tiyisa mhaka hi vito ra Loyi-a-hanyaka, a ku: ‘Swi ta teka ntsena malembe manharhu na hafu. Loko ku xanisiwa ka vanhu lavo hlawuleka ku hela, swilo leswi hinkwaswo swi ta va swi humelerile.’

Pisalema 83:2

Twana, valala va wena va ba huwa, lava va ku vengaka va tikukumuxa ngopfu.