Zakariya 1:19 - BIBELE Mahungu Lamanene

¹⁹ Hiloko ndzi vutisa ntsumi leyi a yi vulavula na mina, ndzi ku: “Xana swilo leswi swi vula yini xana?” Kutani yona yi ndzi hlamula yi ku: “Timhondzo leti hi tona leti hangalaseke va le Yuda, ni va le Israele, ni vaaki va le Yerusalema.”

Xitsonga (Bibele)

¹⁹ Ndzi ku eka ntsumi leyi vulavulaka na mina: “Timhondzo leto ta ku endla yini?” Yi ku eka mina: “Leti hi tona timhondzo leti hangalaseke Yuda, na Israele, na Yerusalema.”

Zakariya 1:19 Referans Kwoze

Zakariya 8:14

HOSI ya matimba hinkwawo yi vurisa sweswo yi ri: “A ndzi tilulamisele ku mi herisa, kutani a ndzi tlhelelanga ndzhaku, hikuva vatata wa n'wina a va ndzi karihisile.

Zakariya 2:2

Kutani ndzi ku ka yena: “Xana u ya kwihi ke?” A ndzi hlamula a ku: “Ndzi ya eku pimeni ka muti wa Yerusalema, ndzi ta vona leswaku wu anamile ku fika kwihi, naswona wu lehile ku fika kwihi.”

Zakariya 1:21

Hiloko ndzi ku: “Xana lava va tela ku ta endla yini xana?” Ntsumi yi hlamula yi ku: “Va tela ku ta chavisa ni ku wisa timhondzo leti hangalaseke va le Yuda. Timhondzo ta kona i matiko lama hlaseleke ni ku tshikelela va le Yuda, ma va hangalasa.”

Zakariya 1:9

Kutani ndzi vutisa ndzi ku: ‘Xana swilo leswi swi vula yini xana?’ Ntsumi leyi a yi vulavula na mina, yi ndzi hlamula yi ku: ‘Ndzi ta ku hlamusela leswaku swi vula yini.’

Ezra 4:4

Hiloko vanhu lava va heta va ka Yuda matimba, va va chavisa ku aka,

Ezra 4:1

Kuteloko valala va va ka Yuda ni va ka Benjamini va twa leswaku lava vuyeke hi le vukhumbini va le ku akeni ka Tempele ya HOSI Xikwembu xa Israele,

Ezra 4:7

Enkarhini wa Ataserkisi, Bixilama na Mitiredata na Tabele ni vanghana va vona va tsalela Ataserkisi hosi ya Vaperesi epapila hi ririmi ra Xiaramu, leswaku ri ta hlamuseleka.

Habakuku 3:14

Miseve ya wena yi tlhavile ndhuna ya mavuthu; mavuthu lawa, a ma humelerile tanihi xidzedze ma ta hi hangalasa; a ma tsakile tanihi loyi a xanisaka xisiwana exihundleni.

Amosi 6:13

Mi titsakisa hi leswi nga pfuniki nchumu, mi ku: “Matimba yo hlula, hi lo tikumela wona hi hexe!”

Daniele 12:7

Wanuna loyi a yimeke enambyeni a ambele swa ntsembyani, a tlakusa mavoko, kutani ndzi n'wi twa a tiyisa mhaka hi vito ra Loyi-a-hanyaka, a ku: ‘Swi ta teka ntsena malembe manharhu na hafu. Loko ku xanisiwa ka vanhu lavo hlawuleka ku hela, swilo leswi hinkwaswo swi ta va swi humelerile.’

Ezra 5:3

Enkarhini wolowo, ku humelela Tatenayi ndhuna ya xifundzha xa le vupeladyambu bya nambu wa Yufrata, na Xetara-Bozenayi ni vanghana va vona, va fika va ku: “Mi nyikiwile hi mani mpfumelelo wo pfuxa yindlu leyi, ni ku aka rirhangu leri xana?”

1 TIHOSI 22:11

Un'wana wa vona la vuriwaka Sedekiyasi n'wana Kenana, a a furile timhondzo ta nsimbhi; a ta na tona, a ku ka Akabu: “HOSI Xikwembu xi vurisa sweswo xi ri: ‘Hi timhondzo leti, u ta susumeta Vasiriya va ko va herisiwa.’ ”

Pisalema 75:4

Hikokwalaho, ndzi byela vatikurisi ndzi ri: Tshikani ku tikurisa! Eka lavo homboloka, ndzi ri: Mi nga tshembi matimba ya n'wina!

Pisalema 75:5

Ina, tshikani ku titshemba hi ndlela leyi, mi nga vuli leswaku mi tiye ngopfu, tshikani ku tikukumuxa loko mi vulavula!”

Yeremiya 48:25

Va le Mowabu va herile matimba, ntamu wa vona a wa ha ri kona. Ndzi vula sweswo mina HOSI.”

Daniele 7:16

Kutani ndzi ya eka un'wana wa lava a va yimile kwalaho, ndzi fika ndzi n'wi vutisa leswaku swilo leswi swi vula yini. Hiloko a ndzi hlamula, a ndzi tivisa ni nhlamuselo ya swona,

Zakariya 1:18

Ndzi tlakusa mahlo ya mina, kutani ndzi vona timhondzo ta mune.