Zakariya 1:16 - BIBELE Mahungu Lamanene

¹⁶ Kutani marito ya mina HOSI hi lawa: Muti wa Yerusalema, ndzi ta tlhela ndzi wu tsetselela, kutani yindlu ya mina yi ta akiwa eka wona. Ndzi vurisa sweswo, mina HOSI ya matimba hinkwawo: Ngoti ya ku pima ha yona yi ta vambiwa ehenhla ka Yerusalema.

Xitsonga (Bibele)

¹⁶ Hikwalaho, ku vula Yehovha, ndzi vuyela eka Yerusalema, hi tintswalo, yindlu ya mina yi ta tlhela yi akiwa kona, ku vula Yehovha wa tinyimpi, kutani ngoti ya ku pima yi ta tshambulutiwa ehenhla ka Yerusalema.

Zakariya 1:16 Referans Kwoze

Zakariya 8:3

HOSI Xikwembu xi ri: “Ndzi ta vuyela eSiyoni, ndzi ta tlhela ndzi tshama emutini wa Yerusalema. Muti wa Yerusalema wu ta thyiwa vito ra ‘Mutshembeki’; ntshava ya HOSI ya matimba hinkwawo yi ta vuriwa ‘Muhlawuleki’.”

Zakariya 4:9

“Zerubabele hi yena la nga veka masungulo ya Tempele leyi, kutani wa ha ri yena loyi a nga ta yi aka yi hela.” Enkarhini wolowo mi ta tiva leswaku HOSI ya matimba hinkwawo, hi yona yi ndzi rhumeke eka n'wina.

Ezekiele 47:3

Mupimi a famba a kongoma evuxeni a ri ni ngoti yo pima ha yona. Ku sukela enyangweni ya le vuxeni, a pima 500 m, kutani a ndzi lerisa ku pela; mati ya kona a ma fika emahlakaleni.

Ezekiele 40:3

Xikwembu xi ndzi tshineta kusuhi na swona, kutani etlhelo ka muako wun'wana wa nyangwa, a ku yimile munhu la vangamaka kukota koporo, a tamele ngoti ya ntsembyani ni rihlanga ro pima ha rona.

Ntirho 38:5

Misava yi vekeriwe hi mani mimpimo, i mani la nga yi pima hi ngoti xana? Ndza tshemba, wa swi tiva!

Hagayi 1:14

Kavaloko HOSI Xikwembu xi pfuxa moya wa Zerubabele ndhunankulu ya tiko ra Yuda n'wana Salatiele, ni moya wa Yoxuwa muprista lonkulu n'wana Yoxafati, xi pfuxa ni moya wa lava vuyeke hi le vukhumbini. Va hlengeletana, va sungula ntirho wo pfuxa yindlu ya HOSI ya matimba hinkwawo, Xikwembu xa vona.

Ezekiele 48:35

Rirhangu hinkwaro leri rhendzelaka muti matlhelo ya mune, ri ta va ri lehile 9 000 m. Eminkarhini leyi taka, muti wa Yerusalema wu ta thyiwa vito lerintshwa ra “Vukona-bya-HOSI-Xikwembu”!

Esaya 34:11

Ri ta hundzuka kaya ra makhuhunu ni tinungu, swinkhovha ni mawukuwuku swi ta tshama kona. HOSI Xikwembu xi ta endla leswaku tiko leri ri nga ha vi na xivumbeko, ri sala ri nga ri na nchumu.

Esaya 12:1

Eminkarhini yoleyo, munhu ú ta yimbelela a ku: “Ndza ku tlangela, we HOSI, hikuva hambileswi a wu ndzi hlundzukerile, sweswi vukari bya wena byi rhelerile, u tlhela u ndzi khongotela.

Zakariya 2:4

Kutani ntsumi leyi a yi vulavula na mina yi lerisa leyin'wana yi ku: “Tsutsuma u ya byela jaha leri khomeke ngoti u ku: ‘Muti wa Yerusalema wu ta tshama wu nga ri na rirhangu, hikuva vaaki va wona ni swifuwo leswi nga ta va eka wona, swi ta va swi tele ngopfu.

Zakariya 10:6

“Va ka Yuda ndzi ta va nyika matimba, ndzi kutsula ni va ka Yosefa. Ndzi ta va vuyisa, hikuva ndzi va twela vusiwana; swi ta fana ni loko ndzi nga si tshama ndzi va cukumeta, hikuva hi mina HOSI Xikwembu xa vona, kutani ndzi ta va hlamula.

Yeremiya 30:18

HOSI Xikwembu xi vurisa sweswo xi ri: “Ndzi ta tlhela ndzi katekisa mindyangu ya va ka Yakobo, miti ya vona ndzi ta yi twela vusiwana; muti wa Yerusalema wu ta tlhela wu akiwa exintshabyanini xa wona, na tona tindlu ta le ntsindza ti ta tlhela ti akiwa lomu a ti ri kona khale.

Zakariya 2:5

HOSI Xikwembu xi vurisa sweswo xi ri: Ndzi ta va rirhangu ra ndzilo leri nga ta rhendzela muti wa Yerusalema, kutani ndzi ta twakala exikarhi ka wona.’ ”

Zakariya 2:6

HOSI Xikwembu xi vurisa sweswo xi ri: “Pfukani! Pfukani! Humani ematikweni ya le n'walungwini hi ku tsutsuma; hambileswi a ndzi mi hangalaserile ematlhelweni hinkwawo ya misava, vuyani! Ndzi vurisa sweswo mina HOSI.