Zakariya 1:10 - BIBELE Mahungu Lamanene

¹⁰ Kutani wanuna loyi a a yimile exikarhi ka mirhi ya mirta, a nghenelela a ku: ‘Leswi swi rhumiwile hi HOSI Xikwembu, leswaku swi ya rhendzeleka ni misava.’

Xitsonga (Bibele)

¹⁰ Kutani wanuna la yimeke exikarhi ka mirhi ya mirta a vulavula, a ku: ‘Hi lava Yehovha a va rhumeke ku ya kambela misava.’

Zakariya 1:10 Referans Kwoze

Zakariya 1:11

Kutani swona swi hlamula wanuna loyi a a yimile exikarhi ka mirhi ya mirta, loyi a a rhumiwile hi HOSI Xikwembu, swi ku: ‘Hi rhendzelekile ni misava, kutani hi kumile leswaku emisaveni vanhu va ha tshamisekile, ka ha rhurile!’

Vaheveru 1:14

Xana tintsumi hinkwato a hi mimoya leyi tirhelaka Xikwembu, leyi rhumiweke ku pfuna vanhu lava fanelaka ku kuma ku ponisiwa xana?

Zakariya 4:10

Xana i vamani lava soleke ntirhonyana lowutsongo wa masungulo xana? A va tsake sweswi, loko va vona Zerubabele a khomile ribye lero hlawuleka ngopfu. Ntsumi yi tlhela yi ku: “Timboni ta 7 i mahlo ya HOSI Xikwembu, lama valangaka misava hinkwayo.”

Zakariya 1:8

Kutani Zakariya a ku: “Ndzi vonile munhu hi xivono nivusiku, a gadile hanci yo tshwuka, a yimile exikarhi ka mirhi ya mirta exinkobyaneni; endzhaku ka yena a ku ri ni tihanci tin'wana to tshwuka, ni tin'wana to tshwukanyana, ni tin'wana to basa.

Ntirho 1:7

Kutani HOSI Xikwembu xi vutisa Sathana xi ku: “U huma kwihi ke?” Sathana a hlamula a ku: “A ndzi ri karhi ndzi rhendzeleka emisaveni, ndzi valanga hala ni hala.”

Zakariya 13:7

HOSI ya matimba hinkwawo yi ri: “We fumu, pfuka u lwa ni murisi wa mina, lwana na yena yaloyi a nga yima kusuhi na mina. Bana murisi leswaku tinyimpfu ti ta hangalaka; lavatsongo hi mina ndzi nga ta va ba!

Zakariya 5:7

Ngula leyi a yi ri ni xipfalo xa ntsopfu, kutani xipfalo xi tlakusiwa, hiloko ku vonaka wansati loyi a a ri endzeni ka yona.