Yuwele 3:9 - BIBELE Mahungu Lamanene

⁹ Huwelelani, mi byela matiko mhaka leyi, mi ku: “Tilulamiseleni ku lwa nyimpi, pfuxani tinhenha. Masocha hinkwawo a ma tshinele kusuhi, ma humelela erivaleni.

Xitsonga (Bibele)

⁹ Banani nkosi exikarhi ka matiko leswaku va hloma, va pfuxa tinhenha! A va te, a va tshinele, vavanuna hinkwavo va nyimpi!

Yuwele 3:9 Referans Kwoze

Ezekiele 38:7

“Wena Gogo, tshama u tilulamisile, wena ni masocha hinkwawo lama hlengetetaneke laha ka wena, u ma xiyaxiya.

Yeremiya 31:10

HOSI Xikwembu xi ri: “N'wina vamatiko, yingisani rito ra mina, huwelelani mahungu ya kona ematikweni ya le kule, mi ku: ‘Loyi a hangalaseke Vaisraele, ú ta tlhela a va hlengeleta; ú ta va hlayisa ku fana ni murisi loyi a hlayisaka ntlhambi wa yena.’

Mikiya 3:5

Ku ni vaprofeta lava lahlekisaka vanhu va ka hina: Loko va nyikiwa swakudya va dya, va ri hinkwaswo swi lulamile, kambe loko va nga nyikiwi xo hoxa enon'weni, va pfuxa nyimpi. Eka vaprofeta lava, HOSI Xikwembu xi vurisa sweswo xi ri:

Yeremiya 50:2

“Huwelelani mi tivisa vanhu, yimisani mujeko mi twarisa mahungu, mi nga va fihleli nchumu, va byeleni mi ku: ‘Muti wa Babilona wu ta tekiwa, xikwembu xa kona lexi va nge i Bele xi ta tsongahatiwa, ni lexi va nge i Merodaka xi ta hela matimba; swikwembu leswi swa hava swi ta khomisiwa tingana; swi ta hela ntamu, hikuva i swifaniso ntsena.

Esaya 34:1

N'wina vanhu va matiko hinkwawo, tshinelani kusuhi, rhiyani ndleve, mi yingisa! We misava yingisa, ni hinkwaswo leswi nga ka wena, rhiya ndleve we ntumbuluko, ni hinkwaswo leswi hanyaka eka wena.

Pisalema 96:10

Byelani vanhu va matiko hinkwawo mi ku: “HOSI Xikwembu xa fuma, hikokwalaho misava yi tiyile, a yi tsekatseki; xi ta avanyisa vanhu hi ku lulama.”

Yeremiya 6:4

Tihosi leti ti ri: “A hi hlomeni matlhari, kutani ninhlekanhi hi ta ya eku hlaseleni!” Tin'wana ti ri: “Hi hundzeriwe hi nkarhi, ni dyambu ri ya eku peleni.

Yeremiya 51:11

HOSI Xikwembu xi rhamba tihosi ta Vameda, xi ti tiyisa, hikuva xi ni makungu ya ku tirihisela hi ku herisa muti wa Babilona, xi rihiseta eka lava hiseke Tempele ya xona. Hikokwalaho ku twala xileriso lexi nge: “Lotani miseve, mi khoma ni switlhangu!

Yeremiya 51:27

N'wina valala va Babilona, tlakusani mijeko, mi ba mhalamhala mi vitana vamatiko; va rhambeni va ya hlasela Babilona, mi rhamba ni matiko lawa: Ararata, na Mini, na Axikenazi. Hlawulani mufambisi wa mavuthu, mi tisa ni tihanci, ti tala kukota tinjiya leti hahaka.

Ezekiele 38:17

Mina HOSI N'wini wa hinkwaswo ndzi vurisa sweswo ndzi ri: Eminkarhini leyi hundzeke ndzi vulavurile ko tala hi milomo ya malandza ya mina va nga vona vaprofeta va Israele, ndzi tivisa makungu ya mina ya ku vitana munhu loyi a nga ta lwa ni Vaisraele; munhu wa kona hi wena, we Gogo!’ ”

Hagayi 2:7

Ndzi ta tsekatsekisa ni tinxaka hinkwato ta vanhu, kutani mfuwo wa tinxaka leti hinkwato wu ta nghena haleno; ndzi ta tata yindlu ya mina hi rifuwo, ku vula mina HOSI ya matimba hinkwawo.

Zakariya 14:2

HOSI Xikwembu xi ta hlengeleta vanhu va matiko hinkwawo, leswaku va ta va ta lwa na Yerusalema. Muti wu ta tekiwa, leswi nga tindlwini swi phanghiwa, vavasati va pfinyeteriwa; hafu ya va le Yerusalema va ta yisiwa evukhumbini, kambe lavan'wana va ta tshikiwa va tshama emutini.

Zakariya 14:3

Kutani HOSI Xikwembu xi ta huma xi ya hlasela vamatiko lava, ku fana ni loko ku lwiwa nyimpi.