Yuwele 3:8 - BIBELE Mahungu Lamanene

⁸ Vana va n'wina va xinuna ni va xisati, ndzi ta va xavisela vanhu va tiko ra Yuda, vona va ta va xavisela tiko ra le kule ra Xeba. Ndzi vulavurile, mina HOSI!”

Xitsonga (Bibele)

⁸ Ndzi xavisa vana va n'wina va xinuna ni va xisati eka vana va Yuda, leswaku va xavisiwa eka va Xeba, tiko ra le kule; hikuva Yehovha u vurile.”

Yuwele 3:8 Referans Kwoze

Esaya 60:14

Vana va lava va ku xaniseke va ta ta eka wena va ri karhi va tilondla-londla, hambi va ri vanhu hinkwavo lava a va ku langutela hansi, va ta ku nkhinsamela. Va ta ku vula ‘Muti wa HOSI Xikwembu, Siyoni, muti wa Muhlawuleki wa Israele’.

Ntirho 1:15

Kutani ku fika vanhu va le Xeba, va phangha swifuwo hinkwaswo, va dlaya ni malandza ya wena; ku lo pona mina ntsena ndzi ku tivisaka timhaka leti.”

Vaavanyisi 2:14

Hikokwalaho, HOSI Xikwembu xi karihela Vaisraele, kutani xi va tshika va hlaseriwa hi vaxanisi va vona, xi va nyiketa eka valala va vona lava va va rhendzeleke, va nga ha koti ku va hlula.

Ezekiele 23:42

A ku twakala huwa ya vanhu lava tsakeke, wu nga ntshungu wa vavanuna lava humaka emananga, va fika va bela vavasati lava masindza emavokweni, va tlhandleka un'wana ni un'wana harhi yo saseka enhlokweni.

Yeremiya 6:20

A swi va pfuni nchumu ku ndzi humesela mirhi ya risuna ya le Xeba, kumbe swinun'hweriso swo huma ematikweni ya le kule. A ndzi amukeli swifuwo leswi va ndzi hiselaka swona, magandzelo ya vona a ndzi na mhaka na wona.

Vaavanyisi 4:9

Debora a ku: “Hiswona, ndzi ta famba na wena; kambe lomu u yaka kona, u wu nga vuyi ni ku dzunisiwa, hikuva HOSI Xikwembu xi ta nyiketa Sisera emavokweni ya wansati.” Kutani Debora a suka a famba na Baraka, va ya eKedexe.

Vaavanyisi 4:2

Kutani xi va nyiketa emavokweni ya Yabini hosi ya Kanana, loyi a a fuma a ri eHasoro. Mufambisi wa mavuthu ya yena a a ri Sisera, loyi a a tshama eHaroxete-wa-Vamatiko.

Duteronoma 32:30

Xana munhu a nga hlongorisa vanhu va gidi a ri yexe xana? Hambi vanhu vambirhi va nga hlula vanhu va khume ra magidi ke? E-e, sweswo swi nga endleka ntsena loko HOSI Xikwembu, Ribye ra vona leri tiyeke, xi lo va tshika, xi va fularhela.

Pisalema 72:10

Tihosi ta matiko hinkwawo ya le kule a ti n'wi humesele ndzuvo, va le Xeba ni va le Seba a va n'wi tisele tinyiko.

Yeremiya 30:16

Hambiswiritano, hinkwavo lava va ku hlaselaka, ndzi ta va hlasela na vona, valala va wena hinkwavo va ta yisiwa evukhumbini; lava phanghaka swilo swa wena, ni swa vona swi ta phanghiwa, hinkwavo lava va ku tekelaka swa wena, na vona va ta tekeriwa swa vona.

Ezekiele 38:13

Va le Xeba, ni va le Dedani, ni van'wamabindzu va le Tarxixi swin'we ni vaakelani va vona, va ta ku vutisa va ku: ‘Xana wena ni mavuthu ya wena a mi tanga ku ta hlasela ni ku phangha swilo swa tiko leri xana? Xana a mi telanga ku ta rhwala silivhere ni nsuku, mi byisa swifuwo, mi teka ni nhundzu mi phangha leswo tala xana?’