Yuwele 3:7 - BIBELE Mahungu Lamanene

⁷ Kambe sweswi, ndzi ta ya va teka lomu mi va xaviseke kona; leswi mi swi endleke, ndzi ta swi vuyisela eka n'wina.

Xitsonga (Bibele)

⁷ Vonani, ndzi ta va humesa exivandleni lexi mi va xaviseke eka xona, mitirho ya n'wina ndzi yi tlherisela ehenhla ka tinhloko ta n'wina.

Yuwele 3:7 Referans Kwoze

Yeremiya 23:8

Kambe loko va hlambanya va ta ku: ‘Xikwembu xi kona, xona lexi humeseke Vaisraele etikweni ra le n'walungwini, ni le matikweni hinkwawo lawa xi va hlongoleke va ya eka wona!’ Kutani va ta tshamiseka etikweni ra vona.”

2 Vatesalonika 1:6

Xikwembu xi ta endla leswi lulameke: Xi ta ba lava va mi xanisaka, xi va vangela maxangu,

Yeremiya 30:16

Hambiswiritano, hinkwavo lava va ku hlaselaka, ndzi ta va hlasela na vona, valala va wena hinkwavo va ta yisiwa evukhumbini; lava phanghaka swilo swa wena, ni swa vona swi ta phanghiwa, hinkwavo lava va ku tekelaka swa wena, na vona va ta tekeriwa swa vona.

Yeremiya 30:10

HOSI Xikwembu xi vula sweswo xi ri: “Wena Yakobo nandza wa mina, u nga chavi, u nga heli mbilu wena Israele, hikuva ndzi ta ku kutsula u suka etikweni ra le kule; vanhu va wena ndzi ta va vuyisa hi le vukhumbini, va ka Yakobo va ta vuya hi ku rhula, va tshamiseka va nga chavisiwi hi munhu.

Nhlavutelo 19:2

hikuva ku avanyisa ka xona ka tshembeka, ku lulamile minkarhi hinkwayo. Xi avanyisile muoswi lonkulu loyi a boriseke misava hi vuoswi bya yena, kutani xi rihiserile ngati ya malandza ya xona ehenhla ka yena.”

Nhlavutelo 16:6

Hikuva vanhu va halatile ngati ya vahlawuriwa va wena ni ya vaprofeta, kutani u va nyikile ngati va nwa. I hakelo ya vona.”

Nhlavutelo 13:10

Loyi ku khomiwa swi n'wi kongomeke, ú ta khomiwa hakunene; ni loyi ku dlayiwa hi tlhari swi n'wi kongomeke, ú ta dlayiwa hi tlhari hakunene.” Leswi swi vula leswaku vahlawuriwa va Xikwembu va fanele ku tiyisela, va va ni ku pfumela.

Yakobo 2:13

Hakunene muavanyisi a nga ka a nga tsetseleri munhu loyi a nga tsetselelangiki van'wana; kasi loyi a tsetselelaka van'wana wa khana esikwini ra ku avanyisa.

Matewu 7:2

hikuva mi ta avanyisiwa hi ku avanyisa loku mi avanyisaka van'wana ha kona; ni mpimo lowu mi pimelaka van'wana ha wona, mi ta pimeriwa ha wona na n'wina.

Yuwele 3:4

“Xana mi ni mhaka muni na mina, n'wina va le Tiri, ni va le Sidoni, ni va swifundzha hinkwaswo swa Vafilista, xana? Xana ku ni leswi mi rihiselaka swona eka mina xana? Loko swo va tano, hi ku copeta ka tihlo, leswi mi swi endlaka, ndzi ta hatla ndzi swi vuyisela eka n'wina,

Ezekiele 38:8

Loko ku ta va ku hundzile malembe layo tala, ndzi ta ku vitana leswaku u ya hlasela tiko ra Israele. Vaaki va rona va ponile ematlharini, va ya hlengeletana etintshaveni ta Israele, va ri lava humeke ematikweni yo hambana-hambana; tiko ra vona a ri hundzukile mananga layo chavisa, kambe sweswi lava vuyeke hi le vukhumbini va kuma ku tshamiseka eka rona va nga chavi nchumu.

Ezekiele 36:24

N'wina Vaisraele, ndzi ta mi hlengeleta mi huma ematikweni ya vanhu vambe, ndzi mi vuyisa etikweni ra n'wina.

Yeremiya 32:37

Yingisani! Vanhu va wona ndzi ta va hlengeleta va huma ematikweni hinkwawo lawa ndzi va hangalaseke va ya eka wona, siku ndzi va hlundzukeleke ni ku va karihela; ndzi ta va vuyisa exivandleni lexi, ndzi va nyika ku tshamiseka eka xona.

Yeremiya 31:8

Ndzi ta va vuyisa va suka etikweni ra le n'walungwini, ndzi ta va hlengeleta va huma evugimamusi; exikarhi ka vona, ku ta va ni lavo-fe-mahlo ni swilema, vamanana lava tikeke ni vatswedyana, va ta vuya haleno va ri ntshungu lowukulu.

Esaya 49:12

Vonani, hi lavaya! Va vuya ematikweni ya le kule. Van'wana va huma en'walungwini, van'wana evupeladyambu, van'wana va huma etikweni ra Asuwani.”

Esaya 11:12

Ú ta yimisela matiko emujeko, a hlengeleta hinkwavo lava susiweke etikweni ra Israele, a vuyisa vaaki va tiko ra Yuda, lava hangalakeke ematlhelweni hinkwawo ya misava.

Estere 7:10

Hosi yi ku: “Hayekani yena Hamani eka tona!” Kutani va hayeka Hamani etimhandzeni leti a a ti dzimerile ku hayeka Mordekayi eka tona. Kutani vukari bya hosi byi vohla.

1 SAMIELE 15:33

Kambe Samiele a ku ka yena: “Banga ra wena ri tekerile vavasati lavo tala evana va vona. Namuntlha, mana wa wena ú tekeriwa n'wana wa yena, ku fana na vona.” Kavaloko Samiele a khavangela Agaga eGiligala a fa, emahlweni ka HOSI Xikwembu.

Vaavanyisi 1:7

Kutani Adoni-Bezeki a ku: “Tihosi ta 70 leti ndzi ti tsemeke makhudzu ya milenge ni ya mavoko, a ti hamba ti rholela mahlanhla laha ndzi dyaka kona; kutani, leswi ndzi swi endleke eka tona, Xikwembu xi swi tlheriserile eka mina.” Kutani va famba na yena eYerusalema, a ya fela kona.

Esaya 66:6

Twanani mpfumawulo lowu humaka emutini, ni huwa leyi twalaka eTempeleni: I HOSI Xikwembu lexi rihiselaka, xi le ku beni ka valala va xona.

Zakariya 9:13

Ndzi ku kongile kukota vurha, we Yuda, kutani we Efrayimi, u nseve wa kona. Ndzi ta pfuxa tinhenha ta wena we Siyoni, ti ya lwa ni tinhenha ta Vagriki; evokweni ra mina mi ta fana ni fumu ra nghwazi.”