Yuwele 3:5 - BIBELE Mahungu Lamanene

⁵ hikuva mi tekile silivhere ni nsuku wa mina, rifuwo ra mina mi rhwarile, mi ri yisa etindlwini ta n'wina ta vuhosi.

Xitsonga (Bibele)

⁵ “Hikuva mi tekile silivhere ya mina ni nsuku wa mina, mi ko mi yisa mitirho ya mina leyi pfumalekaka etitempeleni ta n'wina.

Yuwele 3:5 Referans Kwoze

2 TIHOSI 24:13

Hilaha HOSI Xikwembu xi vuleke hakona khale, Nebukadnetsara a phangha xuma hinkwaxo xa yindlu ya HOSI Xikwembu, ni xuma xa le ntsindza; a fayetela swigotso swa nsuku hinkwaswo swa le Tempeleni ya HOSI Xikwembu, leswi a swi endliwile hi Solomoni hosi ya Vaisraele.

2 TIHOSI 16:8

Naswona Akazi a teka swa silivhere ni nsuku leswi kumekeke endlwini ya HOSI Xikwembu ni le vuhlayiselweni bya xuma xa le ntsindza, kutani a swi rhumela swi ri nyiko eka hosi ya le Asiriya.

2 TIHOSI 12:18

Yowasi hosi ya Yuda a humesa swilo hinkwaswo leswi vakokwa wa yena Yoxafati na Yehoramu na Ahaziya, tihosi ta Yuda, va swi nyiketeke eka Xikwembu, a teka ni swilo leswi yena n'wini a swi nyiketeke eka xona, swin'we ni nsuku hinkwawo lowu a wu ri evuhlayiselweni bya xuma xa Tempele, ni le ntsindza; kutani a swi rhumela Hazaele hosi ya le Siriya. Kavaloko Hazaele a tshika makungu yo ya hlasela Yerusalema.

Daniele 11:38

U ta khongela ntsena xikwembu xa makhokholo lexi ni vatata wa yena va nga xi tivangiki; ú ta xi humesela nsuku ni silivhere ni maribye yo saseka ni tinyiko ta nkoka.

Yeremiya 51:11

HOSI Xikwembu xi rhamba tihosi ta Vameda, xi ti tiyisa, hikuva xi ni makungu ya ku tirihisela hi ku herisa muti wa Babilona, xi rihiseta eka lava hiseke Tempele ya xona. Hikokwalaho ku twala xileriso lexi nge: “Lotani miseve, mi khoma ni switlhangu!

Yeremiya 50:28

Yingisani! Vanhu lava phonyokeke etikweni ra Babilona hi lava, va ta hi ku tsutsuma. Entshaveni ya Siyoni va twarisa mahungu, va ku: “HOSI Xikwembu xa hina xi bile va le Babilona, xi va rihiseta, hikuva a va hisile Tempele ya xona.”

Esaya 11:11

Eminkarhini yoleyo, N'wini wa hinkwaswo ú ta tlhela a tlakusa voko ra yena, a vuyisa masalela ya vanhu va yena lava nga ta va va ha ri le Asiriya, ni le Egipta, ni le Patroso, ni le Etiyopiya, ni le Elamu, ni le Xinara, ni le Hamata, ni le swihlaleni.

Yeremiya 23:7

HOSI Xikwembu xi ri: “Nkarhi wa ta lowu vanhu va nga ta ka va nga ha hlambanyi va ku: ‘Xikwembu xi kona, xona lexi humeseke Vaisraele etikweni ra Egipta!’

Ezekiele 37:12

Hikokwalaho vulavula na vona, u va byela leswaku mina HOSI N'wini wa hinkwaswo ndzi ni rito eka vona leri nge: ‘Yingisani n'wina vanhu va mina! Ndzi ta mi pfuxa, ndzi mi humesa emasirheni ya n'wina, ndzi mi vuyisa kaya ka n'wina etikweni ra Israele.

Obadiya 1:17

“Entshaveni ya Siyoni, van'wana va ta pona; ntshava leyi yi ta va yi hlawulekile. Va ka Yakobo va ta tlhela va kuma leswi nga swa vona.